(၁၈)သိဒ္ဓတ္ထဗုဒ္ဓ၀င်
***************
၁။ ဓမ္မဒဿီမြတ်စွာဘုရား၏ နောက်အဖို့၌ လူတို့၏ ရှေ့သွား ဖြစ်တော်မူသော
သိဒ္ဓတ္ထမည်သော မြတ်စွာဘုရားသည် ပွင့်တော်မူလေ၏၊ ထိုအခါ ထိုမြတ်စွာဘုရား သည်
အလုံးစုံသော (မောဟ) အမိုက်မှောင်ကို ပယ်ဖျောက်၍ {နေမင်းကဲ့သို့}
တက်ထွန်းတော်မူ၏။
၂။ ထိုမြတ်စွာဘုရားသည်လည်း သမ္မာသမ္ဗောဓိဉာဏ်တော်သို့ ရောက်၍ နတ်နှင့် တကွသော
လူတို့ကို ကယ်တင်တော် မူသည်ရှိသော် နတ်နှင့်တကွသော လောက ကို
ငြိမ်းချမ်းစေလျက် တရားမိုးဖြင့် ရွာသွန်းတော်မူ၏။
၃။ အတုမရှိသော တန်ခိုးရှိတော်မူသော ထိုမြတ်စွာဘုရား၏လည်း လူနတ်တို့၏
(သစ္စာလေးပါးကို) သိခြင်းတို့သည်လည်း သုံးကြိမ်ဖြစ်ကုန်၏။ ကုဋေတစ်သိန်း သော
လူနတ်ဗြဟ္မာတို့၏ (သစ္စာလေးပါးကို) သိခြင်းသည် ရှေးဦးစွာ (သိခြင်း) ဖြစ်လေ၏။
၎။ နောက်တစ်ဖန် အကြင်အခါ ဘီမရထမြို့ (ဟိမတိုင်းနိုင်ငံ)၌ (တရား)စည်ကို
တီးတော်မူ၏၊ ထိုအခါ ကုဋေကိုးဆယ်သော လူ နတ် ဗြဟ္မာတို့၏ (သစ္စာလေးပါး ကို)
သိခြင်းသည် နှစ်ကြိမ်မြောက် (သိခြင်း)ဖြစ်လေ၏။
၅။ အကြင်အခါ ထိုမြတ်စွာဘုရားသည် ဝေဘာရမြို့တော်၌ တရားကို ဟောတော် မူ၏၊
ထိုအခါ ကုဋေကိုးဆယ်သော လူ နတ် ဗြဟ္မာတို့၏ (သစ္စာလေးပါးကို) သိခြင်း သည်
သုံးကြိမ်မြောက် (သိခြင်း) ဖြစ်လေ၏။
၆။ အခြေနှစ်ချောင်း ရှိသူ နတ်လူတို့ထက် မြတ်တော်မူသော ထိုမြတ်စွာဘုရား
လက်ထက်တော်၌ (ကိလေသာ) အညစ်အကြေး ကင်းကုန်သော ငြိမ်သက်သော စိတ်ရှိကုန်သော
တာဒိဂုဏ်နှင့် ပြည့်စုံကုန်သော ရဟန္တာတို့၏ အစည်းအဝေးတို့ သည် သုံးကြိမ်
ဖြစ်ကုန်၏။
၇။ ကုဋေတစ်ရာသော ရဟန္တာတို့၏ လည်းကောင်း၊ ကုဋေကိုးဆယ်သော ရဟန္တာတို့၏
လည်းကောင်း၊ ကုဋေရှစ်ဆယ်သော ရဟန္တာတို့၏ လည်းကောင်း အစည်းအဝေး၌ သုံးပါးသော
ဤစည်းဝေးခြင်း အကြောင်းအရာတို့ ဖြစ်ကုန်၏။
၈။ ထိုအခါ ငါသည် မင်္ဂလမည်သော ရသေ့ဖြစ်၍ ထက်မြက်သော တန်ခိုးရှိသူ၊
(သူတစ်ပါးတို့) မလွှမ်းမိုးနိုင်သူ၊ အဘိညာဉ်စွမ်းအားနှင့် ပြည့်စုံသူ
ဖြစ်ခဲ့၏။
၉။ ငါသည် ဇမ္ဗုသပြေပင်မှ အသီးကို ကောင်းစွာ ဆောင်ယူ၍ သိဒ္ဓတ္ထမြတ်စွာ ဘုရားအား
ပေးလှူ၏၊ မြတ်စွာဘုရားသည် ခံယူပြီးလျှင် ဤစကားကို မိန့်တော် မူ၏-
၁၀။ ဆံကျစ်ရှိလျက် အကျင့်ထက်သော ဤရသေ့ကို ရှုကြည့်ကုန်လော့၊ ဤရသေ့ သည် ဤကမ္ဘာမှ ကိုးဆယ့်လေး ကမ္ဘာထက်၌ ဘုရားဖြစ်လတ္တံ့ဟု(မိန့်တော်မူ၏)။
၁၁။ ကမ္မဋ္ဌာန်းစီးဖြန်းခြင်း လုပ်ငန်းကို အားထုတ်၍။ပ။ ဤ(ဂေါတမ)မြတ်စွာဘုရား ၏ မျက်မှောက်၌ ဖြစ်ရပါလိုကုန်၏ (ဟု ဆုတောင်းကုန်၏)။
၁၂။ ထိုမြတ်စွာဘုရား၏ စကားကို ကြားနာရ၍ စိတ်ကို အလွန်ကြည်ညိုစေခဲ့၏၊ ပါရမီ
ဆယ်ပါးတို့ကို ဖြည့်ကျင့်ခြင်းငှါ လွန်ကဲသော အကျင့်ကို ဆောက်တည်ခဲ့၏။
၁၃။ သိဒ္ဓတ္ထမြတ်စွာဘုရား၏ မြို့တော်သည် {ဝေဘာရ} မည်၏၊ (ခမည်းတော်) မင်းသည် {ဥဒေနမင်း}* မည်၏၊ မယ်တော်သည် {သုဖဿာမိဖုရား} မည်၏။
၁၄။ ထိုဘုရားလောင်းသည် အနှစ်တစ်သောင်းတို့ပတ်လုံး ထီးနန်းကို အုပ်စိုး၍
နေ၏၊ (ထိုဘုရားလောင်းအား) ကောက သုပ္ပလ ကောကနဒအားဖြင့် မြတ်သော ပြာသာဒ်
သုံးဆောင်တို့သည် ရှိကုန်၏။
၁၅။ ကောင်းစွာ တန်ဆာဆင်အပ်သော မောင်းမပေါင်း လေးသောင်း ရှစ်ထောင် တို့လည်း
ရှိကုန်၏၊ ထို (ဘုရားလောင်း၏) မိဖုရားသည်ကား {သောမနဿာ} မည်၏၊ သားတော်သည်
{အနူပမ} မည်၏။
၁၆။ ဘုရားလောင်းသည် နိမိတ်လေးပါးတို့ကို တွေ့မြင်၍ ဝေါယာဉ်ဖြင့် တောထွက်
တော်မူ၏၊ မယုတ်မလျော့ ဆယ်လတို့ပတ်လုံး ကမ္မဋ္ဌာန်းစီးဖြန်းခြင်း လုံ့လကို
အားထုတ်တော်မူ၏။
၁၇။ ကြီးမားသော လုံ့လရှိတော်မူသော လူတို့ထက် မြတ်တော်မူသော သိဒ္ဓတ္ထ
မြတ်စွာဘုရားသည် ဗြဟ္မာမင်း တောင်းပန်အပ်သည်ဖြစ်၍ မိဂဒါဝုန် (သမင်တော) ၌
ဓမ္မစကြာကို ဟောတော်မူ၏။
၁၈။ သမ္ဗလသည် လည်းကောင်း၊ သုမိတ္တသည် လည်းကောင်း သိဒ္ဓတ္ထမြတ်စွာ ဘုရား၏
မြတ်သောတပည့် {အဂ္ဂသာဝက} တို့ ဖြစ်ကုန်၏၊ (ထိုမြတ်စွာဘုရား၏) အလုပ်အကျွေးသည်
{ရေ၀တ} မည်၏။
၁၉။ သီဝလာသည် လည်းကောင်း၊ သုရာမာသည် လည်းကောင်း မြတ်သော တပည့်မ {အဂ္ဂသာဝိကာ}
တို့ ဖြစ်ကုန်၏။ ထိုမြတ်စွာဘုရား၏ ဗောဓိပင်ကို {တောင်ဖက်ဝန်း} မဟာ
လှေကားဟု ခေါ်ဆိုအပ်၏။
၂၀။ သုပ္ပိယသည် လည်းကောင်း၊ သမုဒ္ဒသည် လည်းကောင်း မြတ်သော အလုပ် အကျွေး
ဒါယကာ{အဂ္ဂဥပဋ္ဌက}တို့ ဖြစ်ကုန်၏။ ရမ္မာသည် လည်းကောင်း၊ သုရမ္မာ သည် လည်းကောင်း
မြတ်သော အလုပ်အကျွေး ဒါယိကာမ {အဂ္ဂဥပဋ္ဌိကာ} တို့ ဖြစ်ကုန်၏။
၂၁။ ထိုမြတ်စွာဘုရားသည်လည်း အတောင်ခြောက်ဆယ်တိုင်အောင် ကောင်း ကင်သို့
မြင့်တက်တော်မူ၏၊ ရွှေတုရိုဏ်တိုင်နှင့်တူလျက် လောကဓာတ် တစ် သောင်း၌
အထူးတင့်တယ်တော်မူ၏။
၂၂။ အတုမရှိသော ဘုရားရှင်တို့နှင့်သာ တူတော်မူသော တုဘက်ပုဂ္ဂိုလ် ရှိတော်
မမူသော ပြိုင်ဘက်ပုဂ္ဂိုလ် ရှိတော်မမူသော စက္ခု (ငါးမျိုး)နှင့်
ပြည့်စုံတော်မူသော ထိုမြတ်စွာဘုရားသည်လည်း လောက၌ အနှစ်တစ်သိန်းတို့ပတ်လုံး
တည်နေတော် မူ၏။
၂၃။ ထိုမြတ်စွာဘုရားသည် ပြန့်ပြောသော အလင်းရောင်ကို ပြ၍ တပည့်သာဝက တို့ကို
ပွင့်စေပြီးလျှင် မြတ်သောသမာပတ်ဖြင့် တင့်တယ်စံပယ်လျက် တပည့် သာဝကနှင့်တကွ
ပရိနိဗ္ဗာန် ပြုတော်မူလေပြီ။
၂၄။ ရဟန်းမြတ် ဖြစ်တော်မူသော သိဒ္ဓတ္ထမြတ်စွာဘုရားသည် အနောမာရာမ (ဥယာဉ်)၌
ပရိနိဗ္ဗာန်ပြုတော်မူ၏၊ ထိုဥယျာဉ်၌ပင် ထိုမြတ်စွာဘုရား၏ စေတီ
(ပုထိုး)တော်သည် လေးယူဇနာ မြင့်လျက် တည်ရှိလေသတည်း။
ဆယ့်ခြောက်ခုမြောက်
သိဒ္ဓတ္ထ ဗုဒ္ဓ၀င် ပြီး၏။
ဗုဒ္ဓ၀ံသပါဠိတော်
ဗုဒ္ဓကမ္ဘာမှ ဗုဒ္ဓအဆူဆူ၏ ဗုဒ္ဓ၀င်များ မှပြန်လည်မျှဝေသည်။
No comments:
Post a Comment