*****အပါယ်လေးပါး မကျရောက်နိုင်ဘူးလို့ ဘယ်အာမခံချက်တွေ ရှိနေပြီလဲ*****
သူတစ်ပါးသေတာကို မြင်ဘူးကြပေမဲ့ သူတစ်ပါးသေခါနီးဆဲဆဲမှာ နောက်ဘ၀အတွက် ခန္ဓာတည်ဖို့ မိမိပြုခဲ့တဲ့ ကံနိမိတ်တွေ ဘယ်လိုပေါ်လာတယ်ဆိုတာ သင်တို့ မသိကြဘူး၊ အဲဒီ ကံနိမိတ်တွေဟာ မိမိအလိုနဲ့ပေါ် တာမဟုတ်ဘူး၊ မိမိသံသရာအစဉ်အဆက်နဲ့ ယခုဘ၀မှာ ပြုခဲ့တဲ့ အမှုတွေပါပဲ။
သူတစ်ပါးသေတာကို မြင်ဘူးကြပေမဲ့ သူတစ်ပါးသေခါနီးဆဲဆဲမှာ နောက်ဘ၀အတွက် ခန္ဓာတည်ဖို့ မိမိပြုခဲ့တဲ့ ကံနိမိတ်တွေ ဘယ်လိုပေါ်လာတယ်ဆိုတာ သင်တို့ မသိကြဘူး၊ အဲဒီ ကံနိမိတ်တွေဟာ မိမိအလိုနဲ့ပေါ် တာမဟုတ်ဘူး၊ မိမိသံသရာအစဉ်အဆက်နဲ့ ယခုဘ၀မှာ ပြုခဲ့တဲ့ အမှုတွေပါပဲ။
ဘ၀အစဉ်အဆက်က ဘာတွေပြုခဲ့ တယ်ဆိုတာလဲ မသိဘူး။ ဒီဘ၀မှာ ပြုခဲ့တာတွေကိုလည်း မိမိအကုန်မသိပေမဲ့ ဥပါဒါန် အစွဲစိတ်တွေက မှတ်ယူသိမ်းဆည်းထားတယ်။
မြတ်စွာဘုရားနှင့် ရဟန္တာများပင် ထိုကံတွေကို ခံစားရသေးတယ်။
မြတ်စွာဘုရား ၀မ်း တော်လားခြင်း၊ အရှင်သာရိပုတ္တရာ သွေးအန်ခြင်း၊ ရှင်မောဂ္ဂလန် ခိုးသားငါးရာအရိုက်ခံရခြင်း၊ အရှင်မဟာကဿဖ တောင်သုံးလုံးကြား၌ ပရိနိဗ္ဗာန်ပြုရခြင်းတို့ဟာ ကံကြွင်းများရဲ့သဘောဖြစ်တယ်။
အဲဒါကြောင့် ကောင်းကံ မကောင်းကံများက သင့်ရဲ့ စုတိစိတ်မှာ နိမိတ်အဖြစ်ပေါ်လာမှာ သေချာတယ်။
အဲဒီကံနိမိတ်တွေထဲက ကောင်းတဲ့ ကံနိမိတ် မကောင်းတဲ့ ကံနိမိတ်တွေရှိတဲ့အထဲမှာ မကောင်းတဲ့ကံနိမိတ်တွေကို တားဆီးပိတ်ဆို့နိုင်ပြီလားလို့ မိမိ ကိုယ်ကို ခေါင်းအေးအေးထားပြီး ခဏခဏ မေးခွန်းထုတ်ပါ။
ဒီဘ၀ ခန္ဓာချုပ်ပြီး နောက်ဘ၀ဆိုတာ ခန္ဓာတည်ရဦးမယ်။
***အဲဒီနောက်ဘ၀ဆိုတဲ့ အထဲမှာကြောက်စရာအကောင်းဆုံးဘ၀ကတော့ ငရဲ၊ တိရစ္ဆာန်၊
ပြိတ္တာ၊ အသူရကာယ်ဆိုတဲ့ ဘ၀လေးမျိုးပါဘဲ။***
ကုသိုလ်တစ်လှည့်၊အကုသိုလ်တစ်လှည့်ဘ၀ကို အသူရကာယ် လို့ခေါ်တယ်။ ကုသိုလ်အဟုန်နဲ့ ကောင်းကျိုးချမ်းသာ ခံစားလိုက်၊ အကုသိုလ်အဟုန်ကြောင့် ဆင်းရဲခြင်းတစ်လှည့် ခံစားလိုက်နဲ့ သက်တမ်းရှည်လွန်းလှတယ်။သူ့ထက် ဆိုးတာက ကျန်တဲ့ ဘ၀တွေပါဘဲ။ တိရစ္ဆာန်တွေဆိုတာ မောဟအကုသိုလ် အဟုန်ကြောင့်ဖြစ်တာ။
အဲဒီတိရစ္ဆာန် တွေကို နေ့တိုင်းစားသောက်နေကြတယ်။ တစ်ချိန်က အဲဒီတိရစ္ဆာန်တွေက
သူများအသားစားထားတော့ အဲဒီတိရ စ္ဆာန်တွေဟာ တလှည့်ပြန်အစားခံရတယ်။
မိမိလည်း သူတစ်ပါးအသားတွေကို အလိုရမ္မက်ကြီးစွာနဲ့ စားသောက်ထားတဲ့ ကြွေးတွေရှိနေတယ်ဆိုတာလည်း ပြန်သတိထားဦး။
ပြိတ္တာနဲ့ ငရဲကတော့ စက္ကန့်မခြား ဆင်းရဲရတယ်။ သက်တမ်းလည်း အလွန်ရှည်တယ်။ ကံပြုသမျှ အကုသိုလ် အဟုန်မကုန်မခြင်း ခံနေရတယ်။တစ်စက္ကန့်မှာ မဖြစ်မနေ ခံရမည့်ဘ၀ ကုဋေလေးသောင်းကြွေးတက်တယ်။
အဲဒီဘ၀အကြွေးတွေ မိမိပြုခဲ့ သမျှ
မိမိသာ ပြန်ခံရမှာ ဖြစ်တယ်။ သစ္စာလေးပါးကို မသိက မောဟ၊ တိရစ္ဆာန်ဘ၀
ဆန့်ကျင်ဘက်ဖြစ်၍ ဒေါသဖြစ် က ငရဲ၊ လိုချင်မှု လောဘစိတ်ဖြစ်က ပြိတ္တာဘ၀၊
မာန်မာနဖြစ်က အသူရကာယ်ဆိုတဲ့ ဘ၀တွေ စက္ကန့်ပိုင်းမှာ ကုဋေ နှင့်ချီ၍
ဘ၀အကြွေးတွေ တက်နေတယ်။
ယောဂီတို့ အဲဒီအပါယ်လေးပါး မကျရောက်နိုင်ဘူးလို့ ဘယ်အာမခံချက်တွေ ရှိနေပြီလဲလို့မိမိကိုယ်ကို ခေါင်းအေးအေးထားပြီး ခဏခဏ ပြန်ဆန်းစစ်ပြီး မေးခွန်းထုတ်ပါ။
ဆရာတော် ဘုရားကြီး အသျှင်စန္ဒိမာ(အောင်လံ)
No comments:
Post a Comment