"ကိသာဂေါတမီရှာပုံတော်နှင့် ဘထွေးတော်ဥပါဒါန်"
၁။ ခေါင်းပါးသင်္ကန်း ဆင်မြန်ရာတွင် ထိပ်တန်း ဧတဒဂ်ဘွဲ့ပိုင်ရှင်
သောကသူဌေးမလေးအဖြစ်လူသိများတဲ ကိသာဂေါတမီ။
၂။ နိဗ္ဗူတာ နူန သာမာတာ ဂါထာကို သီဆီုခဲ့တဲ့ ကဗျာ(ဂါထာ)ရှင် ကိသာဂေါတမီ။
၃။ တိဿဘုရားရှင်၏ မြတ်သောအလုပ်အကျွေးမ ကိသာဂေါတမီ။
၎။ ဖုဿဘုရားအလောင်းတော်၏ အဂ္ဂမဟေသီ မိဖုးရား ကိသာဂေါတမီ။
ဒီမှာ နံပါတ် ၂ ကိသာဂေါတမီရဲ့ ဂုဏ်ပုဒ်ကို ပိတုစ္ဆာဓီတာယ ဘာသိတံ လို့ ဓမ္မပဒအဋ္ဌကထာမှာရောအဋ္ဌသာလိနီမှာပါ ဆိုပါတယ်။
ဇိနာလင်္ကာရဋီကာမှာလည်း ပိတုစ္ဆာဓီတာလို့ ပါရှိပါတယ်။
ဒါနဲ့ပတ်သက်လို့ အယူအဆတွေကလည်း အမျိုးမျိုးတွေ့ရပါတယ်။
ပိတုစ္ဆဓီတာယကို အဋ္ဌသာလိနီ ပြည်နိဿယမှာ ဦးရီးတော်၏ သမီး။
ဘာသာဋီကာမှာ ဘထွေးတော်၏သမီးဟု နိဿယပြန်တော်မူကြပြီး
တိပိအဘိဓာန်မှာလည်း ဘထွေးတော်၏ သမီးဖြစ်၍ ဘုရားရှင်နှင့် မောင်နှမတစ်ဝမ်းကွဲ
တော်စပ်သည်လို့ ဆိုထားပြန်ပါတယ်။
တထာဂတဥဒါနဒီပနီကျမ်းမှာ ဘထွေးတော် သုက္ကောဒနသာကီဝင်၏
သမီးတော်ဖြစ်သော ကိသာဂေါတမီလို့ ဖခင်နာမည်ပါ မိန့်ဆိုထားတာတွေ့ရပါတယ်။
ဇိနတ္ထပကာသနီမှာ ဤကိသာဂေါတမီကား ဘုရားလောင်းနှမပင်တည်းလို့ သာမန်သာမိန့်တော်မူထားပြီး ဘထွေးရဲ့သမီး အရီးရဲ့ သမီးဆိုတာတော့မပါပါ။
မင်းကွန်းဆရာတော်ကြီး၏ မဟာဗုဒ္ဓဝင်ကျမ်းတွင် အဆင်းအသရေ ဇာတ်အမျိုးအနွယ်စသောဂုဏ်အားဖြင့် မကြုံလှီမသေးငယ် ကြီးကျယ်မြင့်မြတ်သည့်ကိသာဂေါတမီအမည်ရှိ သာကီဝင်မင်းသမီးလို့ ဗုဒ္ဓဝံသနှင့် အပဒါန်အဋ္ဌကထာအတိုင်း ရေးသားတော်မူခဲ့ပါတယ်။
ဝဏ္ဏသီရိရေးသားသည့် ညီတော်အာနန္ဒာ၏ တသက်တာမှတ်တမ်းမှာကားသူ၏ ဖခင်မှာ သုဒ္ဓေါဓန မဟာရာဇာ၏ ညာလက်ရုံး အမတ်ကြီးဖြစ်သည်လို့ရေးထားပြန်တော့ ကိသာဂေါတမီရဲ့ ဖခင်ဟာ အမတ်ကြီးဖြစ်နေပြန်ရော။
မာတုစ္ဆာဓီတာယပုဒ်ကို ကြည့်ပြီး ဘထွေးတော်ရဲ့ သမီးလို့ ဘာသာပြန်မှု ပမာဒလေခကနေ အမှားကြာ အမှန်ဖြစ်ဆိုတာလို
မာတုစ္ဆာဆိုတဲ့ပုဒ်ကို ဦးရီးတော် ဘထွေးတော်လို့ မြန်မာပြန်ကို
အရီး-လို့ အမှန်ပြင်လျှင်တောင် ပြင်သူကို ဘာလိုလို ထင်ကုန်ကြပြန်ရော။
ဓမ္မပဒအဋ္ဌကထာ တိဿတ္ထေရဝတ္ထုမှာ ပိတုစ္ဆာပုတ္တော ဘထွေးတော်၏သားသည်လို့
ငယ်ငယ်က အရိုးစွဲလာတဲ့(ဥပါဒါန်)နိဿယကို
အမှန်သိရတော့တောင်မှ ဘထွေးတော်က
နေရာယူနေဆဲပါပဲ။
ဘယ်အချိန်ကစလို့ ဘထွေးတော် ဖြစ်ရတာပါလိမ့်လို့
မစဉ်းစားသင့်ပေမယ့် စဉ်းစားမိလိုက်တယ်။
ဓမ္မပဒအဋ္ဌကထာရဲ့ အဖွင့် ဓမ္မပဒမဟာဋီကာ(၂၈)မှာ ပိတုစ္ဆာပုတ္တောတိ စူဠပိတုပုတ္တော။- လို့
ဖွင့်ဆိုထားတာတွေ့ရတော့ မဟာဋီကာလက်ထက်ကပင် ပိတုစ္ဆာပုဒ်က အရီးမဟုတ်ပဲဘထွေးတော်ဖြစ်နေပြီပေါ့။
ဘထွေးတော် ဥပါဒါန်ကြောင့် ကိသာဂေါတမီ အဖေ ကွဲပြားနေသလားလို့တောင်
မချင့်မရဲ အတွေးပေါက်လိုက်မိပါသေးတယ်။
ပိတုစ္ဆာပုဒ်ကို ပိတု ဘဂိနီ ပိတုစ္ဆာ-လို့ (သာရတ္ထ၂၊ ၂၇၄။) မှာ
အဖေရဲ့ နှမ(အရီး)လို့ ဖွင့်ဆိုပါတယ်။
ဓမ္မပဒဘာသာဋီကာ(၂၅၅)မှာတော့ မြို့ပြင်ကြီး အဋ္ဌသာလိနီဂဏ္ဌိသစ်မှာ ပိတုစ္ဆာဓိတာယကို အရီးတော်၏သမီး-လို့ ပေးကြောင်း၊
မြတ်စွာဘုရားမှာ အမိတာမင်းသမီးနှင့် ပါလိတာမင်းသမီး အရီးနှစ်ယောက်ရှိကြောင်းနှင့်အမိတာမင်းသမီးက တိဿထေရ် သားတော်တစ်ပါးသာ ရှိရကားကိသာဂေါတမီဟာ ပါလိတာမင်းသမီးရဲ့ သမီးတော် ဖြစ်ဖွယ်ရှိတယ်လို့ မှတ်ချက်ပြုတော်မူခဲ့ပါတယ်။
ကိသာဂေါတမီဟာ သုက္ကောဒနရဲ့ သမီးလို့ ဒီပဲယင်း သုံးထပ်ရွှကျောင်းဆရာတော်ရဲ့ တထာဂတဥဒါနဒီပနီအဆို
အမတ်ကြီးတစ်ဦးရဲ့ သမီးဖြစ်တယ်ဆိုတဲ့
ဝဏ္ဏသီရိရဲ့ ညီတော် အာနန္ဒာ၏တစ်သက်မှတ်တမ်းအဆို
ပါလိတာ မင်းသမီး၏ သမီးတော် ဖြစ်ဖွယ်ရှိ၏ ဆိုတဲ့
ဓမ္မပဒဘာသာဋီကာအဆို မည်သည့်အဆိုက သဘာဝကျမှုရှိသည်ကို ဝေဖန်စိစစ်နိုင်ကြလိမ့်မယ်လို့
မျှော်လင့်မိပါတယ်။
ပိတုစ္ဆာပုဒ်ရဲ့ ဘထွေးတော် ဥပါဒါန်ကိုလည်း
မိမိကိုယ်တိုင် ပါးသထက်ပါးအောင် သတိထားရတော့မှာပေါ့လေ။
ရနံ့စံအိမ် ဆိုဒ်မှ ပြန်လည်မျှဝေသည်။
No comments:
Post a Comment