**** ဝေါဟာရဒေသနာ ၊ ပရမတ္တဒေသနာ ၊ အဓိသီလသာသနာ ၊ အဓိစိတ္တသာသနာ ၊ အဓိပညာသာသနာ****

 

ဗုဒ္ဓဘာသာ၌ ဒေသနာသည် ဝေါဟာရဒေသနာ ပရမတ္တဒေသနာဟူ၍ နှစ်ပါးအပြားရှိ၏။

ဝေါဟာရဒေသနာဆိုသည်ကား

လောက၌ ပုဂ္ဂိုလ်ရှိသည်။ အတ္တရှိသည်။ ဇီဝရှိသည်ဟု လောကီဘုံသား လူအများ မှတ်ယူပြောဆိုကြကုန်သော စကားမျိုးသည် ဝေါဟာရဖြစ်၏။
ထိုဝေါဟာရ ရှိကြသည့်အတိုင်း ဟောတော်မူသော ဝိနည်းဒေသနာ သုတ္တန်ဒေသနာများသည် ဝေါဟာရဒေသနာမည်၏။

ပရမတ္တဒေသနာဆိုသည်ကား
-------------------------------

လောက၌ ပုဂ္ဂိုလ်ဟူ၍ မရှိ။ အတ္တဟူ၍ မရှိ။ သတ္တဝါဟူ၍ မရှိ။ ဇီဝဟူ၍ မရှိ။ ရုပ်ဓာတ်အစု နာမ်ဓာတ်အစုမျှသာ ရှိသည်ဟု ဟောတော်မူသော အဘိဓမ္မာဒေသနာတော်သည် ပရမတ္တဒေသနာ မည်၏။

အဓိသီလသာသနာ
---------------------
အဓိစိတ္တသာသနာ
--------------------
အဓိပညာသာသနာ
-------------------
ဟူ၍ သာသနာအပြား သုံးပါးရှိ၏။

၁။ သူ၏ အသက်ကို မသတ်အပ် သူ၏ ဥစ္စာကို မခိုးအပ် အစရှိသဖြင့် ဆုံးမတော်မူသော သာသနာသည် " အဓိသီလ " သာသနာမည်၏။

၂။ သဗ္ဗေ သတ္တာ အဝေရာ ဟောန္တု အဗျာပဇ္ဇာ ဟောန္တု အစရှိသဖြင့် ပွားများကြစေရန် ဆုံးမတော်မူသော သာသနာသည် " အဓိစိတ္တ " သာသနာမည်၏။

၃။ ပုဂ္ဂိုလ် သတ္တဝါ အတ္တ ဇီဝဟူ၍ မရှိ။ ရုပ်ဓာတ်အစု နာမ်ဓာတ်အစုမျှသာ ဖြစ်၏။ ထိုရုပ်ဓာတ်အစု နာမ်ဓာတ်အစုသည် ဖြစ်သော်လည်း အနိစ္စသာ ဖြစ်၏။ ဒုက္ခသာဖြစ်၏။ အနတ္တသာဖြစ်၏ဟု ပွားများကြစေရန် ဆုံးမတော်မူသော သာသနာသည် " အဓိပညာ " သာသနာမည်၏။

ထိုတွင် အဓိသီလသာသနာ အဓိစိတ္တသာသနာ နှစ်ပါးသည် ဝေါဟာရဒေသနာ၏ ဆိုင်ရာဖြစ်၏။
အဓိပညာသာသနာသည် ပရမတ္တဒေသနာ၏ ဆိုင်ရာဖြစ်၏။
--------------------

(မေတ္တာရှင် ရွှေပြည်သာ)

ပေးရသောအချိန်နှင့် တန်သည့် …
အသိဥာဏ် ဗဟုသုတများ ရရှိကြပါစေ ………………။