Pages
▼
**** သာသနာကို ရှောင်ကွင်းသူများ ****
သာသနာကို ရှောင်ကွင်းသူများ
--------------------------------
ဘေးကိုမမြင် ခေတ်လျှင်ချထား
စောင့်စားပါရမီ ဒွိဟိတ်မည်နှင့်
တစ်လီဓိပတိတ် ဤငါးစိတ်သည်
တိရိစ်ဘုံစဉ်စံဖို့တည်း။
၁။ အိုဘေး နာဘေး သေဘေးကို မတွေးမမြင်ဘဲ ပျော်ရွှင်မိုက်မှား နေကြသူများ။
၂။ ဒီခေတ်ဟာ အရိယာခေတ် မဟုတ်တော့ဘူး ကျင့်ရင်လည်း ပင်ပန်းရုံသာရှိမယ်လို့ ခေတ်အပေါ်မှာ လွှဲပုံချနေသူများ။
၃။ တို့များက ပါရမီနည်းတယ် ပါရမီရှင်ကြီးတွေနှင့်သာ ထိုက်တန်ပါတယ်ဟု ပါရမီပေါ်လွှဲချနေသူများ။
၎။ မဂ်ဖိုလ်နိဗ္ဗာန်ဆိုတာ တိဟိတ်ပုဂ္ဂိုလ်မျိုးတွေသာ ဒီဘဝကျင့်ရင်ရနိုင်တာ
တို့က ဒွိဟိတ်ပုဂ္ဂိုလ်အတန်းအစား လောက်ပါဟု စစ်မရောက်မီ မြားကုန်ကာ
အရှုံးပေးနေကြသူများ။
၅။ ဘဝပေါင်းများစွာက ဆုတောင်းလာကြတဲ့
ဆုထူးပန် အဓိပတိပုဂ္ဂိုလ်ကြီးတွေသာကျင့်ရင် မဂ်ဖိုလ်နိဗ္ဗာန်ရနိုင်တာ
တို့များ ငနုံငမွှားတွေနှင့် မထိုက်တန်ပါဘူးဟု လွှဲချနေကြသူများ။
ဤသူများ…………
တိရစ္ဆာန်ဘုံစဉ်စံရမည်
မဂ်ဖိုလ်မရဟု ဆိုလို၏။
ဣမေ သုဘဒ္ဒဘိက္ခုသမ္မာ-ဝိဟရေယျုံ အသုညောလောကော အရဟန္တေဟိအဿ။
(မဟာပရိနိဗ္ဗာနသုတ်)
" သုဘဒ် ဤရဟန်းတို့သည် ဝိပဿနာတရားကို ကျင့်ကြံအားထုတ်နေငြားအံ့ လောကသည် ရဟန္တာတို့ဖြင့် မဆိတ်သုဉ်းနိုင်။"
ကျင့်ကြံအားထုတ်သူ ရှိနေလျှင် သာသနာဘယ်တော့မှမကွယ် ရဟန္တာများ အမြဲရှိနေမည်ဟု ဆိုလို၏။
---------------------------------
(လယ်တီဆရာတော်ဘုရားကြီး)
---------------------------------
(မေတ္တာရှင် ရွှေပြည်သာ)
No comments:
Post a Comment