ကျောက်ဂူဥမင်သမိုင်းကြောင်း
ညောင်ဦးမြို့ ကျောက်ဂူဥမင်ကို
ခရစ် (၁၁) ရာစုတွင် နရပတိစည်သူမင်း တည်ခဲ့သည်။
ကျောက်ဂူဥမင် တွင်ရှိသော
ကျောက်စာအရ နရပတိ စည်သူမင်း
(အေဒီ-၁၁၆၅-၁၂၁၁) လက်ထက်ကျောက်ဂူဥမင်တွင်
သခင်ထံပါ (ဓံပါ- ဓမ်ပါလ်-ဓမ္မပါလ်) သီတင်းသုံးလျက် ရှိကြောင်း၊ နရပတိစည်သူ
မင်းသည် အေဒီ (၁၁၈၈) တွင် သခင်ထံပါ၏ ဘုရား၌ ကျွန်များ လှူဒါန်းခဲ့သည်ဟု
သိရှိရသည်။
ကျောက်ဂူဥမင်သည်
သဲကျောက် ကမ်းပါးယံကို ထွင်း၍ အုတ်နှင့်ကျောက် ရော၍
ဥမင် တည်ဆောက်
ထားခြင်း ဖြစ်သည်။
ကျောက်ဂူဥမင် တိုက် မြေညီထပ်တွင် အတွင်း အပြင်
ကျောက်အုတ်များဖြင့်
တည်ဆောက် ထားပြီး အပေါ်ပိုင်း နှစ်ဆင့်မှာ
ရိုးရိုးမြေအုတ် များဖြင့်
တည်ဆောက် ထားသည်။ ဥမင်၏ မြောက်ဘက်တွင် အ၀င်မုခ်၊
အာရုံခံခန်းမ ရှိပြီး မြောက်ဘက် မျက်နှာမူနေသည့်
သဲကျောက်ဖြင့် ထုလုပ်
ထားသည့် ဗုဒ္ဓရုပ်ဆင်းတု ရှိသည်။
ရုပ်ပွားဆင်းတုတော်၏ အရှေ့၊ အနောက်နှင့်
မြောက်ဘက်တွင် စင်္ကြလမ်းများ ရှိသည်။
ဥမင်အတွင်းသို့ ဆင်းတုတော်၏ အရှေ့
အနောက် ကို
ခုံးဖြောင့် ပေါင်းကူး ၀င်ပေါက်မှ ဥမင်လိုဏ်ခေါင်း အတွင်း
ဝင်ရောက်နိုင်သည်။
ဥမင် လိုဏ်ခေါင်းအတွင်း ၀င်္ကပါသဖွယ် ထောင့်ချိုးများဖြင့်
ဖောက်လုပ်ထားပြီး
ဝင်္ကပါလမ်း၌ ကမ္မဌာန်း ဘာဝနာ တရား အားထုတ်ရန်
အခန်းကျဉ်းများလည်း ရှိသည်။
ဥမင်၏ အရှေ့ နှင့် မြောက်ဘက် မျက်နှာတွင်
ပြတင်းပေါက်များ ရှိသည်။
ဥမင်လိုဏ်ခေါင်းအတွင်းသို့အလင်းရောင် ရရန် ရောင်လင်း
ပေါက်များ ဖောက်ထားသည်။
ကျောက်ဂူဥမင်တွင် နံရံဆေးရေးပန်းချီနှင့်
ကျောက်ဆစ် ပန်းတမော့ လက်ရာများကိုလည်း လေ့လာနိုင်ပါသည်။
ကျောက်ဂူဥမင် အတွင်းရှိ
ပဓာနဗုဒ္ဓရုပ်ပွား ဆင်းတုတော် ကြီး ရှိသည့် ဂန္ဓကုဋီတိုက် နံရံ
အောက်ပိုင်းတွင် နံရံ ဆေးရေး ပန်းချီများလည်း ရှိပါသည်။
ဂူ၏
အာရုံခံ ခန်းမကြီးကို ကြီးမားသော ကျောက်အုတ်စီ တိုင်မကြီး
နှစ်ခုက
ထောက်ထားပြီး ကျောက်တိုင် အောက်ခြေ
ပတ်လည်တွင် အလွန်လှပသော
ကျောက်ပန်းခက်များဖြင့် ထွင်းလုပ်ထားသည်။
ကျောက်ဂူ တိုက်မအတွင်း အရှေ့၊ အနောက်နှင့်
မြောက်နံရံတွင် နံရံမုခ် ကပ်သုံးတန်း
ရှိပြီး နံရံမုခ်ကပ် (၄၉)ခု ရှိသည်။
ထိုနံရံမုခ်ကပ်များတွင် ဗုဒ္ဓရုပ်ပွား ကျောက်ဆင်းတုများ
နှင့် ဗုဒ္ဓ၀င်ခန်း
ဆိုင်ရာ ကျောက်ဆစ်ရုပ်ထု များရှိသည်။ ဗုဒ္ဓရုပ်ထုတော်များတွင် ခမည်းတော်
သုဒ္ဓေါဒန မင်းကြီး လယ်ထွန်း မင်္ဂလာပြုစဉ် ဘုရားလောင်း
သိဒ္ဓတ္တ မင်းသားဇဗ္ဗူ့
သပြေပင်ရိပ်တွင် နေပုံ၊ မုစလိန္ဒာ သတ္တဟ စံနေပုံ၊
ဘုရားလောင်း ဒုက္ကရ စရိယာ
ကျင့်စဉ်၊ နတ်တို့က နားရွက်မှ
သြဇာသွင်းပုံ ကျောက်ဆစ် လက်ရာများကို
လေ့လာနိုင်သည်။
(အမျိုးသား ယဉ်ကျေးမှု ပြတိုက်ရှိ ဘုရားလောင်း
ဖွားတော်မူခန်း ကျောက်ဆစ်ရုပ်ထုမှာ ဤ ကျောက်ဥမင်ဂူမှ ယူဆောင် ပြသခြင်း
ဖြစ်သည်။)
ကျောက်ဂူဥမင်၏
အ၀င်မုခ် လက်ဝဲလက်ယာ ထောင့်ချိုးများတွင် အလွန်လှပသော
ကျောက်ဆစ်လက်ရာ
ဘီလူးရုပ်၊ မိန်းမရုပ်၊ ကြာပန်းများ
အကြား ကိန္နရီ ကိန္နရာရုပ်၊ နတ်ရုပ်၊
ခြင်္သေ့၊ ကျား၊ သမင်၊ ယုန်ရုပ်များကို ကျောက်အုတ်
များစီ၍ ထွင်းထု ထားသည်။
ပုံတော်များကို www.ancientbagan.com မှ ရယူထားပါသည်။
ဆုရည်ရေးသားထားသော
http://aung-myay.blogspot.com/2008/06/blog-spot_25.html ဆိုဒ်
ကိုလည်း ၀င်လေ့လာနိုင်ပါသည်။
အားလုံးဗဟုသုတရပြီး ပျော်ရွှင်ချမ်းမြေ့ကြပါစေ..........
No comments:
Post a Comment