" ကြွေးမွေးဧည့်ခံရာတွင်"
*********************
တကယ်တော့ မိမိမွေးနေ့ဟာ သူတစ်ပါးရဲ့ သေနေ့ မဖြစ်သင့်ဘူး ဒကာကြီး။ဦးပဉ္စင်း စဉ်းစားမိတယ်။မင်္ဂလာဆောင်ကြတယ်ဆိုတာ
မိန်းမနဲ့ယောက်ျား အကြင်လင်မယားအဖြစ် ရာသက်ပန်ပေါင်းကြရအောင်ပွဲလမ်းသဘင်ခင်းကျင်းပြီး
ကောင်းအောင်ကျွေးမွေးကြတာမဟုတ်လား။
လူတွေမှာတော့ လင်မယားအဖြစ်နဲ့ ပေါင်းသင်းကြတဲ့ပွဲကြီးမှာ
ကြက်တွေ၊ ဝက်တွေကျတော့ သားမယားနဲ့ကွဲပြီး
အသေဆိုးနဲ့သေရတဲ့နေ့ကြီး ဖြစ်နေပြီ ဒကာကြီး။
လူတွေဘက်ကကြည့်ရင် ပျော်စရာကောင်းသလောက်
တိရစ္ဆာန်ဘက်ကကြည့်ရင် ဝမ်းနည်းစရာ၊ ကြေကွဲစရာ၊
ရင်နာစရာ ကောင်းလှပါတယ်။
ဒီလောက်ထိ တစ်ဖက်သတ်ဆန်တဲ့ မတရားမှုကြီးကို
အသိဉာဏ်ရှိပါတယ်ဆိုတဲ့ လူတွေက ဘာ့ကြောင့်ကျင့်သုံးနေကြတာလဲ။
မသိကြလို့လား။ဒါမှမဟုတ် သိလျက်နဲ့ လျစ်လျူရှုပြီး ကျင့်သုံးနေကြတာလားဆိုတာ
ဦးပဉ္စင်းဖြင့် စဉ်းစားရခက်နေပြီ ဒကာကြီးရယ်။
{အရှင်မဏ္ဍလ (အင်ကြင်းပင်) ဆရာတော်}
~~~~~~~~~~~~~~~~~~~~~~~~~
" အလှူပွဲနှင့် သားငါးဟင်းလျာ"
★★★★★★★★★★★★★★
အလှူဒါနပြုလုပ်ရန် အလှူရှင်က အသားငါးများ
ကြိုတင်မှာယူထားတာဟာ အသတ်ခိုင်းတာနဲ့ အတူတူပါပဲ။
အသတ်ခိုင်းရာကျရုံမက သတ်တာကို သဘောတူရာလည်း ရောက်တဲ့အတွက် အလှူရှင်ဟာ ပါဏာတိပါတကံကျူးလွန်ရာ ရောက်နေပါတယ်။
ဒါကြောင့် အလှူရှင်မှာ အပြစ်ရှိတယ်လို့ ပြောခဲ့တာဖြစ်ပါတယ်။
သည်သဘောကိုနားလည်ကြတဲ့ ယနေ့ အချို့အလှူရှင်များဟာ
အလှူအတန်းပြုရာ၌ ဒံပေါက်ထမင်းများ၊ သားငါးဟင်းများ၊ သားစိမ်းငါးစိမ်းများကို ကြိုတင်မှာယူထားခြင်းမျိုးကို ရှောင်ကြဉ်ပါတယ်။ဘယ်သူ့အတွက်ရယ်လို့ ရည်ရွယ်မထားဘဲလာဝယ်ရင် ရောင်းဖို့ပဲဆိုပြီး စီးမံထားတဲ့ ဈေးထဲမှာရှိနေတဲ့
သားဟင်းငါးဟင်းများ၊ သားစိမ်းငါးစိမ်းများကို ဝယ်ယူတာမျိုးကတော့
အပြစ်မရှိပါဘူး။သည်လို ကြိုတင်မှာယူတာမျိုးဟာ ကုသိုလ်လုပ်ရင်းနဲ့
အကုသိုလ်ဖြစ်သွားရတာဖြစ်ပါတယ်။အလှူကြီးရင် ကြီးသလောက်
တန်ဖိုးကြီးပေးပြီး ငရဲကိုဝယ်ယူရာရောက်ပါတယ်။
{ဟံသာသီရိဆရာတော်ကြီး}
~~~~~~~~~~~~~~~~~~~~~~~~~~~~~~~
" ပြုပြင်စရာတွေ"
★★★★★★★★
အဲဒီပွဲတွေ ကျင်းပပြီဆိုရင်
ဝက်တွေသတ်၊ ကြက်တွေသတ်၊ နွားတွေသတ်နဲ့
သူတို့ ကုသိုလ်တွေထဲမှာ ဒီသတ္တဝါတွေက ဝင်သေပေးနေကြရ၊
အချောင်အဆစ်ပါနေကြရတယ်။
သဘာဝမကျလိုက်တာ။
အဲဒါတွေဟာ ပြုပြင်ကြရမှာတွေပဲ။
လမ်မှန်းရောက်အောင် ပြောပေးရမှာ၊
အသိမှန်ရအောင်ပြုပြင်ပေးကြရမှာပဲ။
ဒီလမ်းစဉ်ကြီးက ရိုးနေပြီဆိုပြီး မပြင်ဘဲနေလို့မဖြစ်ဘူး။
ဆိုးသည်ထက်ဆိုး၊ နစ်သည်ထက် နစ်ကုန်ကြမှာပေါ့။
(အရှင်ဇနကာဘိဝံသဆရာတော်ကြီး)
~~~~~~~~~~~~~~~~~~~~
မင်းနန်(မော်ကျွန်း)ဆရာတော်ကြီးများ၏ သြဝါဒတော်များပေါင်းချုပ် ( စာမျက်နှာ - ၅၉၄, ၂၁၅)မှကောက်နုတ်ပူဇော်ပါသည်။
No comments:
Post a Comment