မြန်မာ့ရိုးရာယဉ်ကျေးမှုနှင့်ဗုဒ္ဓစေတိတော်များဆိုဒ်သို့ ၀င်ရောက်ဖတ်ရှုကြသော ဓမ္မမိတ်ဆွေစာဖတ်သူများအားလုံး ကိုယ်စိတ်နှစ်ဖြာ ကျန်းမာချမ်းသာကြပြီး သာသနာအကျိုး ဆထက်တိုး၍ ထမ်းရွက်နိုင်ပြီးလျှင် နိဗ္ဗာန်ဆွေပြည်ကြီးကို လျှင်မြန်စောစွာမှောက်မြောက်ပြုနိုင်ကြပါစေသတည်း။
Tuesday, August 26, 2014
တရားမရလို့ ငိုတဲ့သူ။
ရှင်အာနန္ဒ မထေရ်မြတ်ဟာ ဘုရား သက်တော်ထင်ရှားရှိတဲ့အချိန်မှာ တရားထူး တရားမြတ်မရဘူး။ ကျင့်တော့ ကျင့်ပါတယ်။ နောက်ဆုံးမှာ မြတ်စွာဘုရား ပရိနိဗ္ဗာန်စံသွားတယ်။ မြတ်စွာဘုရားရဲ့ ဝေယျာဝစ္စ ကိစ္စတွေ၊ ပရိယတ္တိဓမ္မရဲ့ တာဝန်တွေနဲ့ ရှင်အာနန္ဒမထေရ်မြတ်ဟာ တရားအားထုတ်ခွင့် မရပါ။
မရတော့ ဘုရား ပရိနိဗ္ဗာန်စံခါနီးမှာ ၀မ်းနည်းတယ်။ ၀မ်းနည်းစကား ဘုရားကို လျှောက်တယ်၊
ဘုရားကလည်း ပရိနိဗ္ဗာန်စံတော့မယ်။ ညောင်စောင်းပေါ်မှာ လဲလျောင်းနေပြီ။ ငါလည်း သောတာပန်ပဲ
ရှိသေးတယ်။ ရဟန္တာ မဖြစ်သေးဘူး။ စိတ်ထဲမှာ ၀မ်းနည်းလာတယ်။ ၀မ်းနည်းလာပြီးတော့ ငိုတယ်တဲ့။
(ခုခေတ်တော့ တရားမရလို့ ငိုတဲ့သူ သိပ်မရှိဘူးထင်ပါရဲ့ ကြည့်ရတာနော်။)
ရှင်အာနန္ဒက အဲဒါ ၀မ်းနည်းပြီးတော့ ငိုတော့ မြတ်စွာဘုရားက “ အာနန္ဒာ ဘယ်သွားလဲ ” လို့
မေးတယ်။ အဲဒီမှာ ငိုနေတယ်၊ ငိုနေတော့ ခေါ်ပြီး “ ဘာဖြစ်လို့တုန်း ” မေးတယ်။ “ မြတ်စွာဘုရားလည်း
ပရိနိဗ္ဗာန် စံတော့မယ်။ သူ့မှာလည်းပဲ တရားထူး တရားမြတ်က မရသေးဘူး။ အဲဒါ တွေးပြီး စိတ်ထဲမှာ
ဝမ်းနည်းပါတယ် ” ဆိုတော့ မြတ်စွာဘုရားက နှစ်သိမ့်စကား မိန့်ကြားတယ်။ “ အာနန္ဒာတဲ့၊ မင်းမှာ
ပါရမီတွေ အများကြီး ရှိပါတယ်တဲ့။ တရားအားထုတ်ပါတဲ့။ ကြိုးစားပြီးတော့ တရားအားထုတ်လို့ရှိရင်
မင်း မကြာခင်ပဲ ရဟန္တာဖြစ်မှာပါ ” လို့။ အဲဒါနဲ့ ရှင်အာနန္ဒ မထေရ်မြတ်ဟာ ဘုရား ပရိနိဗ္ဗာန်စံသွားပြီး
တရားအားထုတ်တာ သုံးလကြာတဲ့အခါ ရဟန္တာဖြစ်ပါတယ်။
{ ၁၃၇၁ ခုနှစ်၊ နှောင်းတန်ခူးလပြည့်ကျော် (၅)ရက်၊ ရန်ကုန်တိုင်း ဒေသကြီး၊ လှိုင်မြို့နယ်၊
(၁၆)ရပ်ကွက်၊ ဓမ္မသဘင် အခမ်းအနားဝယ် ဒေါက်တာ အရှင်နန္ဒမာလာဘိဝံသ ဟောကြားအပ်
သော “အရှင်အာနန္ဒ ၏ ၀ိပဿနာ” တရားဒေသနာတော်မှ ကောက်နုတ်ရေးသား ပူဇော်ပါသည်။}
http://buddhismworld.ning.com/profiles/blog/show?id=6371237%3ABlogPost%3A442543
Subscribe to:
Post Comments (Atom)
No comments:
Post a Comment