##### သန္ဓေစိတ်ချင်း တူပေမယ့်လို့ အခြေအနေချင်း မတူဘူး၊ ######

  

သန္ဓေစိတ်ချင်း တူပေမယ့်လို့  အခြေအနေချင်း မတူဘူး၊

လူ့ဘ၀ လူတွေတောင်မှပဲ အမျိုးစုံပဲ၊ တူမှ မတူတာ။
အာဖရိကမှာမွေးတဲ့ လူတွေကျတော့ မည်းလို့၊
ဥရောပမှာမွေးတဲ့ လူတွေကျတော့ ဖြူတယ်၊
အာရှမှာမွေးတဲ့လူတွေကျတော့ အ၀ါရောင်လေးတွေ ဖြစ်နေတယ်၊
အရောင်မတူတာတွေ။ ဘာဖြစ်လို့တုံးဆိုရင် ခုနကပြောခဲ့တဲ့ ဒေသရဲ့ ဥပနိဿယပစ္စည်းတွေလည်း ပါတာပေါ့၊

လူ့ရဲ့အမျိုးအနွယ်လည်း ပါတာပေါ့၊
အကြောင်းတွေ အများကြီးပဲနော်၊

သို့သော် လူသားတွေရဲ့ ပဋိသန္ဓေစိတ်သည်
မဟာဝိပါက်စိတ် ၈-ခုနဲ့ ဥပေက္ခာသန္တီရဏ၊
အဲဒီ ၉-ခုထဲက တစ်ခုခုပဲ၊

နတ်တွေရဲ့ ပဋိသန္ဓေစိတ်ကလည်း ထို့အတူပဲ။

အဲဒီတော့ လူ့ပြည်ရယ်၊
နတ်ပြည် ၆-ထပ်ရယ်၊
ကာမသုဂတိဘုံ ၇-ဘုံ၊

သာမန်ရိုးရာအားဖြင့်
ဒါနကောင်းမှု လုပ်သူတွေ၊
သီလ စောင့်တည်ခဲ့သူတွေ၊
ဥပုသ်စောင့်ထိန်းတဲ့ ပုဂ္ဂိုလ်တွေရောက်တဲ့ဘုံတွေချည်းပဲ၊
ဒီအဆင့်နဲ့ ရောက်တဲ့သူတွေလို့ ဒီလိုပြောရမှာ၊
ဒါနကောင်းမှု သီလကောင်းမှု
ဥပုသ်စောင့်မှု အမေအဖေ ပြုစုလုပ်ကျွေးမှု-
အဲဒါတွေက နတ်ပြည် ၆-ထပ်နဲ့ လူ့ဘုံကို ရောက်ရှိစေနိုင်တယ်။

ငရဲဘုံ၊ ပြိတ္တာဘုံ၊ တိရစ္ဆာန်ဘုံဆိုတဲ့ ဘုံတွေ ရောက်တာကျတော့
ခုနက ဒုစရိုက်လုပ်တဲ့ ပုဂ္ဂိုလ်တွေ၊
လုပ်ရပ်အတိုင်း ဒီလမ်းကြောင်းအတိုင်း
သူတို့ရဲ့စခန်းကို ရောက်ရှိသွားတာပဲ၊
အဲဒီတော့ ဒါတွေကို ဒီလိုပြောရုံနဲ့
ဘုံနဲ့မြှောက်တယ်လို့ ဒီလိုပြောလို့ ဘယ်ရမလဲ၊
မြှောက်တာမှ မဟုတ်ဘဲနော်၊
ဘုံနဲ့ မြှောက်တာတို့ ငရဲနဲ့ ခြောက်တာတို့ မရှိပါဘူး၊
မခြောက်ပါဘူး၊ သူ့ဟာသူ ကြောက်ချင်ကြောက်မှာပေါ့။

လူ့လောကဆိုတာက အကျိုးတရားဆိုတာပြောရရင်
"မင်း စာကြိုးစား၊ စာကြိုးစားရင်
ပညာတတ်ကြီး ဖြစ်လိမ့်မယ်(သို့မဟုတ်)
ဆရာဝန်ကြီး ဖြစ်လိမ့်မယ်" - ဒါက မြှောက်တာမှ မဟုတ်ဘဲ၊
အကျိုးတရားကို ဖော်ပြတာပဲလေ၊ မြှောက်ပေးတာမှ မဟုတ်ဘဲ၊
ဒီလို အားပေးစကားပြောတာကို မြှောက်တာ မဟုတ်ဘူး၊

"ဘုံခန်းနဲ့ မြှောက်၊ ငရဲခန်းနဲ့ ခြောက်" တဲ့၊
ဘုံ လက်မခံတဲ့ ပုဂ္ဂိုလ်တွေက အဲဒီလို ပြောလေ့ရှိကြတယ်၊
မြှောက်စရာလည်း မလိုဘူး၊
ခြောက်စရာလည်း မလိုဘူး၊
ကိုယ့်လမ်းကိုယ်ရွေးပြီး ကိုယ့်စခန်းကိုယ်ထွင်နေကြတာပဲ။

ကောင်းပြီ - ငရဲဘုံ တိရစ္ဆာန်ဘုံ ပြိတ္တာဘုံ၊

ထိုပြိတ္တာဘုံထဲမှာ
ထပ်ပြီးတော့ ခွဲလိုက်တော့
အသူရကာယ်ဆိုပြီးတော့
ပြိတ္တာထဲကနေ တောက်ပြောင်မှုမရှိတဲ့
ပြိတ္တာအသူရကာယ်တွေ ရှိသေးတယ်။
ဆင်းဆင်းရဲရဲနေရတဲ့ ပြိတ္တာမျိုးတွေ ရှိသေးတယ်။
ပြိတ္တာတွေကလည်း အမျိုးအစား အများကြီးပေါ့။

နောက်ပြီးတော့ လူ့ပြည် နတ်ပြည်
သက်တမ်းတွေကလည်း တစ်ခုနဲ့တစ်ခု မတူဘူး၊
အဲဒီ သက်တမ်းမတူတာတွေကိုလည်းပဲ
မြတ်စွာဘုရားသခင်ကိုယ်တော်မြတ်က
ထိုထိုသုတ္တန်တွေမှာ ဟောထားတာတွေရှိတယ်။

ဆိုပါစို့ - ငရဲဘုံရဲ့ သက်တမ်းကျတော့
ကံသာလျှင် အဓိက ပဓာနဖြစ်သည့်အတွက်ကြောင့်
ကံရှိသလောက်ခံရမှာဖြစ်တယ်၊
ဒါ့ကြောင့် ငရဲရဲ့သက်တမ်းကို သတ်မှတ်လို့ မရဘူးတဲ့၊
ကံပေါ် မူတည်တယ်ပေါ့၊
ကံဆိုတာ ပုဂ္ဂိုလ်တစ်ဦးစီရဲ့ အခြေအနေ ကံပေါ်မှာ မူတည်တယ်။

ကောသလမင်းကြီးရဲ့ မိဖုရားကြီး မလ္လိကာ မိဖုရားကြီးဟာ
သေခါနီးမှာ စိတ်ဆင်းရဲပြီး ဒေါမနဿနဲ့ သေသွားရသည့်အတွက်ကြောင့်
အ၀ီစိငရဲ ကျသွားရှာတယ်၊
သို့သော် သူက အ၀ီစိငရဲမှာ ၇-ရက်ပဲ ကြာတယ်၊
၇-ရက်က လူတွေရဲ့ အရေအတွက်နဲ့ ၇-ရက်ပဲ ကြာတယ်၊
သူ့သက်တမ်းက အဲဒီလောက်ပဲ သူခံရတယ်၊ အဲဒီထက် ပိုမခံရဘူး၊

အဲဒါကြောင့်မို့ ငရဲဘုံမှာ ကံသာလျှင်အဓိက
ဖြစ်သည့်အတွက်ကြောင့် သက်တမ်းကို သတ်မှတ်ပြောလို့ မရဘူး။

လူတွေရဲ့ သက်တမ်းကလည်း တည်မြဲမှု မရှိဘူးတဲ့၊
အခုခေတ် သက်တမ်းကတော့ ဂေါတမမြတ်စွာဘုရား မပွင့်ခင်,
အခု ပွင့်ပြီးတဲ့နောက်အထိ ၁၀၀-တမ်းလို့ပဲ ဒီလိုပြောကြတယ်၊
၁၀၀-တမ်းထက် ပိုတော့မပိုဘူး၊ လျော့ဖို့ပဲ ရှိတယ်၊
၁၀၀-တမ်းလို့ပဲ ပြောရမှာပေါ့။

လူ့ထက် နည်းနည်း အထက်တန်းကျတဲ့
စတုမဟာရာဇ်နတ်ဘုံကို ကြည့်မယ်ဆိုရင်
လူတွေရဲ့ အနှစ်-၅၀ မှ စတုမဟာရာဇ်နတ်ပြည်မှာ ၁-ရက်ပဲ ရှိသေးတယ်၊
အဲဒီ ၁-ရက်နဲ့ တွက်လိုက်လို့ရှိရင် သူတို့အနေနဲ့ သူတို့သက်တမ်း အနှစ်-၅၀၀ အသက်ရှည်တယ်။

တာဝတိံသာနတ်ပြည်ကျတော့
လူတွေ အနှစ်-၁၀၀ မှာ သူတို့က ၁-ရက်၊
အဲဒီ အချိုးအစားနဲ့ ၂-နဲ့ မြှောက်ပြီး တွက်သွားလိုက်၊
လူတွေရေတွက်တဲ့ သက်တမ်းနဲ့ ပြောမယ်ဆိုရင် လေးနဲ့ မြှောက်သွားရမှာ၊

စတုမဟာရာဇ်နတ်ပြည်က အနှစ် ၉-သန်း ဆိုလို့ရှိရင်
အဲဒါကို ၄-နဲ့ မြှောက်သွားလိုက်လို့ရှိရင်
တာဝတိံသာနတ်ပြည်က လူတွေတွက်တဲ့ အသက်ကို သိမယ်၊

၎-နဲ့ချည်းပဲ မြှောက်သွားလို့ရှိရင်
အဖြေထွက်လာမှာပေါ့။

အဲဒါကို သဂြိုဟ်ကျမ်းမှာ
"တတော စတုဂ္ဂုဏံ တာဝတိံသာနံ"
၎-နဲ့ မြှောက်တာကို ပြောတာ။

သို့သော် ဋီကာကျမ်းမှာ
လေးနှစ်ဆ လေးနှစ်ဆလို့
ထည့်ပြောတာ နည်းနည်း ရှုပ်ထွေးသွားတယ်၊

လူ့သက်တမ်းကို ၄-နဲ့ မြှောက်လိုက်မယ်၊
လူတွေက ရေတွက်တဲ့ လူ့သက်တမ်းကို ၄-နဲ့ မြှောက်ရင်
နတ်ဘုံတစ်ခု သက်တမ်းရဲ့ အဖြေရမှာပေါ့၊
အဲဒီလို သက်တမ်းတွေဟာ တစ်ခုနဲ့တစ်ခု ပိုပိုရှည်သွားတာ၊
ဒါ ရိုးရိုးကုသိုလ်ကောင်းမှု ပြုလုပ်သူတွေရဲ့ ဖြစ်ရာ ဘုံဌာနတွေပဲ။

(အဂ္ဂမဟာပဏ္ဍိတ အရှင်နန္ဒမာလာဘိဝံသ - Ph.D)

Post by Ma Hla Hla Win