သေတာပန်တို့
----------------
ခံစံကြရသော နိဗ္ဗာန်၏
------------------------
အနက်လေးချက်
-----------------
တစ်စုံတစ်ယောက်သောသူက သောတာပန်ပုဂ္ဂိုလ်သည်
ထောင့်ငါးရာကိလေသာကို အကုန်မပယ်ရသေး အိုရခြင်း နာရခြင်း သေရခြင်း ဒုက္ခမှ မကင်းသေး ထို့ကြောင့် နိဗ္ဗာန်သို့ရောက်သည့် နိဗ္ဗာန်သွားရာလမ်းမကြီးပေါ်သို့ ရောက်နေပြီဟု မဆိုထိုက်ဟု စောဒကတက်ခဲ့သော်……………။
(က) နိဿရဏဋ္ဌ။ ။ ဒိဋ္ဌိ ဝိစိကိစ္ဆာအမှူးရှိသော အလွန်မည်းညစ်လှစွာသော ကိလေသာဝဋ်မှ အပြီးကျွတ်လွတ်မှု ဒုစရိုက်ဆယ်ပါး ဒုရာဇီဝ ဟူသော အကုသလကမ္မဝဋ်မှ အပြီးကျွတ်လွတ်မှု။ ။အပါယ်ဘဝဟူသော ဝိပါကဝဋ်မှ အပြီးကျွတ်လွတ်မှုသည် သောတာပန်ပုဂ္ဂိုလ်တို့ ခံစံကြရသော နိဿရဏမည်၏။
ပုထုဇဉ်ပုဂ္ဂိုလ်တို့သည် လူမင်း နတ်မင်း သိကြားမင်း ဗြဟ္မာမင်း ဖြစ်၍ပင်နေကြသော်လည်း ဒိဋ္ဌိ ဝိစိကိစ္ဆာ ဒုစရိုက် ဒုရာဇီဝ အပါယ်ဘဝတို့မှ အပြီးကျွတ်လွတ်မှု အပြီးလွတ်ငြိမ်းမှုဟူသော နိဿဂုဏဋ္ဌကို မရကြကုန်။ ။ ဒိဋ္ဌိ ဝိစိကိစ္ဆာတွေ တန်းလန်း ဒုစရိုက် ဒုရာဇီဝတွေတန်းလန်း အပါယ်သို့ ကျရောက်မှုတွေ တန်းလန်းနှင့်သာ နေကြရကုန်သည်။
(ခ) ပဝိဝေကဋ္ဌ။ ။ သောတာပန်ပုဂ္ဂိုလ်သည် ဘဝများစွာ ကမ္ဘာများစွာ ကြာမြင့်သော်လည်း မိမိတို့၏ စိတ်သန္တာန်၌ မိစ္ဆာဒိဋ္ဌိတရားတို့၏ နှောက်ယှက်မှုမှ အချင်းခပ်သိမ်း ကင်းငြိမ်းကြကုန်၏။ ဤသို့ ဘဝသံသရာ၌ အလွန်တရာ ယုတ်မာဆိုးရွားလှသော ပါပဓမ္မ အပါယဒုက္ခတို့၏ အနှောက်အယှက် အဖျက်အအစီးမှ ဆိတ်ကင်းမှုသည် သောတာပန်ပုဂ္ဂိုလ်တို့ ခံစားကြရသော ပဝိဝေကဋ္ဌမည်၏။
ပုထုဇဉ်ပုဂ္ဂိုလ်တို့သည် လူမင်း နတ်မင်း ဗြဟ္မာမင်း ဖြစ်၍ပင်နေကြသော်လည်း သမ္မာဒိဋ္ဌိနှင့်ကြည်တစ်ခါ နောက်တစ်လှည့် သုစရိုက်မှုနှင့် ကြည်တစ်ခါ ဒုစရိုက်မှုနှင့် နောက်တစ်လှည့် သုဂတိချမ်းသာနှင့် ကြည်တစ်ခါ အပါယ်ဒုက္ခသို့ရောက်၍ အနောက်ကြီးနောက်တစ်လှည့် ဤသို့သော် နှောက်ယှက်မှုတို့မှ မလွတ်ကင်းကြလေကုန်။
(ဂ) အသင်္ခတဋ္ဌ။ ။ သောတာပန်ပုဂ္ဂိုလ်တို့ ဆိုက်ရောက်ရရှိ တည်နေရာဖြစ်သော ဒိဋ္ဌိ ဝိစိကိစ္ဆာ ဒုစရိုက် ဒုရာဇီဝ အပါယ်ဒုက္ခတို့၏ အပြီးလွတ်ငြိမ်းမှုဟူသော သပါဒိသေသနိဗ္ဗာန်သည် ဘဝကမ္ဘာ အသင်္ချေ ကြာသော်လည်း ပျက်ကွက်ခြင်းရှိတော့သည် မဟုတ်။ အနမတဂ္ဂသံသရာနှင့် တကွ နိစ္စထာဝရဖြစ်တည်လေ၏။
ထိုသို့ ပျက်ကွက်ခြင်းမရှိ နိစ္စ ထာဝရတည်ရှိသော တရားဖြစ်ပေသောကြောင့် အသစ်တစ်ဖန် ထူထောင်မှုဟူ၍ မရှိပြီ။ ထိုသို့နိဗ္ဗာန်ဆွေးမြေ့ ပျက်စီးပြန်၍ မိမိသန္တာန်၌ ထိုနိဗ္ဗာန်ကို တစ်ဖန်ဖြစ်ပေါ်လာရန် ဒါနပြုမှု ဒုက္ခတွင်းသို့ ဆင်းရပြန်သည်ဟု မရှိပြီဆိုလိုသည်။
ဤသို့အဖန်ဖန် ပြုပြင်ရခြင်းဟူသော သင်္ခါရတို့မှ လွတ်ငြိမ်းမှုသည် သောတာပန်ပုဂ္ဂိုလ်တို့ ခံစံကြရသော အသင်္ခတဋ္ဌ မည်၏။ သောတာပန်ပုဂ္ဂိုလ်တို့အား ကြွင်းကုန်သော ကိလေသာတို့၏ ချုပ်ငြိမ်းဖို့အတွက်နှင့်သာ ဒါန သီလ ဥပေါသထ ဘာဝနာမှုကို ပြုဖွယ်ကိစ္စရှိတော့သည်။ ။ ချုပ်ငြိမ်းလေပြီးသော သက္ကာယဒိဋ္ဌိ ဝိစိကိစ္ဆာဒုစရိုက် ဆယ်ပါးတို့၏ ငြိမ်းဖို့အတွက်နှင့် ပြုဖွယ်ကိစ္စ မရှိပြီ။
(ဃ) အမတဋ္ဌ။ ။ ထိုသက္ကာယဒိဋ္ဌိ ဝိစိကိစ္ဆာ ဒုစရိုက် ဒုရာဇီဝ အပါယ်ဒုက္ခတို့၏ အပြီးလွတ်ငြိမ်းမှု ဟူသော သဥပါဒိသေသနိဗ္ဗာန်သည် အနတဂ္ဂသံသရာမှာ ဘယ်အခါမှ ဆွေးမြေ့ပျက်ဆုံးသည်ဟူ၍ မရှိပြီ။ ထိုဝသာခါ အနာထပိဏ်အစရှိသော ဘုံစဉ်စံသော သောတာပန်ပုဂ္ဂိုလ်တို့အား တစ်ဘဝလျှင် တစ်ခါ ခန္ဓာငါးပါး ပျက်ဆုံးမှုကားရှိကြ၏။
မိမိတို့ရရှိပြီးသော နိဗ္ဗာန်ကား ခန္ဓာပျက်ဆုံးသော်လည်း ပျက်ဆုံးခြင်းမရှိပြီ။ ခန္ဓာ တစ်ဘဝတစ်ခုပျက်၍ ခန္ဓာ တစ်ဘဝတစ်ခု ရောက်ကြပြန်လျှင် ထိုနိဗ္ဗာန်တွင်း၌သာ ရောက်ကြပြန်၏။ ပုထုဇဉ်ခန္ဓာသို့ ပြန်၍ရောက်ကြကုန်သည်ဟု မရှိပြီ။ ခန္ဓာတို့ကား မတဓာတ်မျိုးဖြစ်၍ တစ်ဘဝတစ်ခါ ပျက်ဆုံးကြကုန်သည်။ ထိုနိဗ္ဗာန်သည်ကား အမတဓာတ်မျိုးဖြစ်၍ ခန္ဓာပျက်သော်လည်း တစ်ခါတစ်ရံမျှ ပျက်ဆုံးသည်ဟူ၍ မရှိပြီ။ အနုပါဒိသေသနိဗ္ဗာန်နှင့် တစ်ဆက်တည်း ဆက်မိလေတော့သည်။ ထိုသောတာပန်တို့အား ထိုငြိမ်းမှုကုန်ဆုံး၍ သွားမည်ကို ကြောင့်ကြဖွယ်မရှိ။
ဤသို့ သောတာပတ္တိမဂ်သို့ ရောက်သည့်နေ့မှစ၍ အနုပါဒိသေသနိဗ္ဗာန်သို့ ဆိုက်ရောက်သည့်တိုင်အောင် ဘဝများစွာ ကမ္ဘာများစွာ ကြာချင်တိုင်းကြာငြားသော်လည်း တစ်ခါတစ်ရံမျှ ပျက်ကွက်ခြင်း မရှိမှု၍ ထိုဘုံစဉ်စံ သောတာပန်ပုဂ္ဂိုလ်အနန္တတို့၏ ကိုးကွယ်ရာ လဲလျောင်းရာ ပုန်းအောင်းရာ အနေနှင့် အမြဲစောင့်ရှောက်ကာ ပါရှိ၍နေသောအမှုသည် ထိုသောတာပန်ပုဂ္ဂိုလ်တို့ ခံစံကြရသော အမတဋ္ဌပေတည်း။ ဤကား သောတာပန်ပုဂ္ဂိုလ်တို့ ခံစံကြရသော သဥပါဒိသေသနိဗ္ဗာန် ဖြစ်၏။
--------------------------------
(လယ်တီဆရာတော် စတုသစ္စဒီပနီ)
No comments:
Post a Comment