''နိုင်သူ နှင့် ရှုံးသူ ''

''နိုင်သူ နှင့် ရှုံးသူ ''
★★★★★★★★★
လူ့လောကမှာ
လူတွေအနိူင်အရှုံး သတ်မှတ်တဲ့နေရာမှာ
အယူအဆခြင်း မတူညီကြဘူး။
လောကရှုထောင့်ကကြည့်တဲ့အခါ
အနိူင်လို့ထင်ရပေမယ့်
ဓမ္မရှုထောင့်ကကြည့်တဲ့အခါ
အရှုံးဖြစ်နေတာတွေ တွေ့တယ်။

ဒါကြောင့်မို့ အနိူင်အရှုံးဆိုတာဟာ
ရှုထောင့်အလိုက် ဘယ်သူကနိူင်ပြီး
ဘယ်သူကရှုံးသလဲဆိုတာ သိကြရတယ်။
တစ်ခါတစ်ရံ လူတွေဟာ
ကိုယ်ကနိူင်လိုက်တယ်လို့ ယူဆတယ်။
သို့သော် ကိုယ်ကရှုံးသွားတာကို မသိလိုက်ဘူး။
အဲဒီတော့ နိူင်လိုက်တယ်ထင်ပြီး
အရှုံးကြီးရှုံးသွားကြတဲ့ ပုဂ္ဂိုလ်တွေဟာ
တစ်ဘဝသာမကဘူး တစ်သံသရာထိအောင် ရှုံးသွားကြတယ်။

မိမိက နိူင်လိုက်တယ်လို့ ထင်ပေမယ့်
ရှုံးသွားတာတွေ အများကြီးပဲ။

အေး တချို့ပုဂ္ဂိုလ်ဟာ
ရှုံးသွားတယ်လို့ ယူဆပေမယ့်
အဲဒီရှုံးသွားတယ်ဆိုတဲ့ပုဂ္ဂိုလ်က
အနိူင်ရလိုက်တာကို မသိလိုက်ကြဘူး။

ဒါကြောင့် လောကအမြင်နဲ့ ဓမ္မအမြင်ဟာ
အင်မတန်မှ ကွာခြားတယ်။
တစ်ခါတစ်ရံ လုံးဝဆန့်ကျင်ဘက်ဖြစ်တယ်။

"အက္ကောဓေန ဇိနေကောဓံ" ကောဓဆိုတာ ဒေါသခက်ထန်သူ၊
ဒေါသခက်ထန်တဲ့လူတစ်ယောက်ကို
ဘယ်လုိအနိူင်ယူမလဲဆိုတဲ့ နည်းစနစ်။
လောကလူသားတွေကတော့
ဒေါသခက်ထန်တဲ့ လူတစ်ယောက်ကို
နှိမ်နင်းပြီးတော့ အနိူင်ယူမယ်၊
သတ်ဖြတ်ပြီးတော့ အနိူင်ယူမယ်လို့ ဒီအတွေးပဲရှိတယ်။
ဒီနေ့ခေတ် ကမ္ဘာမှာ
လူတကာဒုက္ခရောက်အောင်
ရက်ရက်စက်စက် အကြမ်းဖက်လုပ်ဆောင်နေတဲ့ပုဂ္ဂိုလ်တွေ၊
အကြမ်းဖက်သမားလို့ သတ်မှတ်ထားတဲ့ ပုဂ္ဂိုလ်တွေကို
ဘာနဲ့အနိူင်ယူမလဲဆိုရင် ပြန်လည် အကြမ်းဖက်ခြင်းဖြင့် အနိူင်ယူကြတယ်ပေါ့။

အဲဒီလို ပြန်လည်အကြမ်းဖက်တဲ့နည်းဖြင့် အနိူင်ယူတာဟာ
တကယ်နိူင်တာ ဟုတ်ရဲ့လားလို့ မေးစရာရှိတယ်။
အဲဒီ နည်းစနစ်ဟာ ဗုဒ္ဓမြတ်စွာရဲ့
ဓမ္မအမြင်ဘက်က ကြည့်လို့ရှိရင်
အလွန်မှားယွင်းနေတဲ့ နည်းစနစ်တစ်ခုပဲ။

မြတ်စွာဘုရားက "အက္ကောဓေန ဇိနေကောဓံ"
ဒေါသခက်ထန်နေတဲ့ ပုဂ္ဂိုလ်တစ်ယောက်ကို
မိမိကဒေါသခက်ထန်ခြင်းမပြု၊ သည်းခံခြင်း၊ မေတ္တာထားခြင်း၊
အေးငြိမ်းတဲ့စိတ်ဓာတ်မျိုးဖြင့်သာလျှင် အနိူင်ယူလို့ ဟောတော်မူတယ်။
လောကရဲ့အမြင်နဲ့ အလွန်ဆန့်ကျင်တယ်။ ခက်ထန်တဲ့ပုဂ္ဂိုလ်တစ်ယောက်ကို ဒေါသနဲ့မတုံ့ပြန်ဘဲ
မေတ္တာနဲ့တုံ့ပြန်ရမယ်လို့ ဆိုလိုတာပဲ။
ဒေါသကို မေတ္တာနဲ့အနိူင်ယူပါ၊
ခန္တီဆိုတဲ့တရားနဲ့ အနိူင်ယူပါ။

ဒီနေရာမှာ ခန္တီနဲ့မေတ္တာ
ဘာကွာသလဲလို့ မေးစရာရှိတယ်။
စာပေကျမ်းဂန်မှာ ဖွင့်ထားတာကြည့်ရင်
ခန္တီဆိုတဲ့တရားဟာ အဒေါသပဲဖြစ်တယ်။
မေတ္တာကလည်း အဒေါသပဲဆိုတော့
ခန္တီနဲ့မေတ္တာ တရားကိုယ်အားဖြင့် တူတယ်လို့ပြောရမှာပဲ။

နောက်တစ်နည်းအားဖြင့် ခန္တီဆိုသည်မှာ
အဒေါသ အဓိကပဓာန ဦးဆောင်နေတဲ့စိတ်ရဲ့
သဘာဝတရား၊ စိတ်နေစိတ်ထားလို့
ဒီလိုအဓိပ္ပာယ်ရတယ်။ နောက်တစ်ခါ
ခန္တီဆိုတဲ့ စကားလုံးရဲ့ ရှုထောင့်ကကြည့်မယ်ဆိုရင်
(သဒ္ဒါနည်းအရ ပြောပြတဲ့ Literal meaning ပေါ့ )။

ခန္တီဆိုတာ "ခမု"ဓာတ် (root)က လာတာ။
ခမုဓာတ်ကို အနက်ဖော်ရင်
"ခမုသဟနေ- စွမ်းနိူင်ခြင်း" ဆိုတဲ့ အဓိပ္ပာယ်ရတယ်။
ခန္တီဆိုတာ စွမ်းနိူင်တယ်လို့ အဓိပ္ပာယ်ရတယ်။
ဒါဖြင့် ဘာစွမ်းနိူင်တာလဲဆိုရင်
တစ်စုံတစ်ယောက်က
မိမိကိုဒေါသထွက်လာအောင် လာနှောင့်ယှက်ပေမယ့်
ဒေါသမထွက်အောင် ထိန်းထားနိူင်တယ်။
မူလစိတ် အခြေအနေလေးမပျက်အောင် ထိန်းထားနိူင်တယ်။
"အတ္တမန စိတ္တဿ" ကြည်နူးနေတဲ့စိတ်ကလေးကို
ပြင်ပကအနှောင့်အယှက်ကြောင့်
ပျက်စီးမသွားအောင် ထိန်းသိမ်းထားနိူင်တဲ့
စွမ်းရည်သတ္တိတစ်မျိုးကို ခန္တီလို့ ခေါ်တယ်။

လောကကြီးမှာ တချို့ပုဂ္ဂိုလ်တွေ
"ခန္တီ၊ ခန္တီ"လို့ ပြောနေပေမယ့်
တကယ်ခန္တီ မဟုတ်ဘူး။
ဒါကြောင့် ရယ်စရာအနေနဲ့ "
ခန္တီစ - မနိူင်လို့ သည်းခံရခြင်းသည်လည်းကောင်း"
ဆိုတဲ့ အဓိပ္ပာယ်ပေါ်လာတာပေါ့နော်။
မနိူင်လို့ အလျှော့ပေးတာကို
ခန္တီလို့ ထင်နေကြတယ်။

တကယ်တော့ ခန္တီဆိုတာ
မနိူင်လို့သည်းခံတာ မဟုတ်ဘူး။
မိမိရဲ့ ပင်ကိုကြည်နူးနေတဲ့စိတ်လေးကို
မပျက်ရအောင် ထိန်းထားနိူင်တဲ့ စွမ်းရည်သတ္တိ၊
စိတ်ပိုင်းဆိုင်ရာ ရင့်ကျက်မှုသဘောထားကို ခန္တီလို့ပြောတာ။

အေး ဒေါသထွက်ပြီးတော့
လူကအံ့ကြိတ်နေတယ်။
သို့သော် ပြန်တော့မပြောဘူး၊
ပြန်တော့မလုပ်ဘူး ဆိုတာမျိုးကို
ဒီကနေ့ ခန္တီလို့ခေါ်ကြတယ်။
စိတ်ပိုင်းဆိုင်ရာက တုံ့ပြန်နေတာ ဖြစ်တဲ့အတွက်ကြောင့်
အဲဒီဟာ ခန္တီမဟုတ်ဘူး။ ပြန်မပြောတာပဲရှိတယ်၊
ခန္တီ အစစ်မဟုတ်ဘူး။
ခန္တီဆိုသည်မှာ
ပင်ကိုအနေအထားလေးမပျက်အောင်
ထိန်းနိူင်တာကိုပြောတာ။

အဲဒါကြောင့် ခန္တီဆိုတာ
မေတ္တာမပျက်အောင်
ထိန်းထားနိူင်တဲ့ စွမ်းရည်သတ္တိပဲ။

လူတစ်ဖက်သား အကျိုးစီးပွားကိုလိုလားတဲ့
စိတ်နေသဘောထားသည် မေတ္တာ၊
ထိုမေတ္တာ ပျက်မသွားအောင်
ထိန်းထားတာသည် ခန္တီပဲ။

မေတ္တာဆိုသည်မှာ
ပုဂ္ဂိုလ်တစ်ဦးတစ်ယောက်ရဲ့ အကျိုးစီးပွားကို
လိုလားတဲ့စိတ်နေသဘောထားပဲ။
စကားလုံးအရပြောရရင် မေတ္တာဆိုသည်မှာ
"မိတ္တဿဧသာ"ဆိုတဲ့အတိုင်း
မိတ်ဆွေရဲ့စိတ်ဓာတ်ကို မေတ္တာလို့ခေါ်တယ်။
မိတ်ဆွေရဲ့စိတ်ဓာတ်ဆိုသည်မှာ
မိတ်ဆွေဟာ ဘယ်လိုစိတ်မျိုးထားသလဲ။
ကိုယ်ချစ်ခင်နှစ်သက်တဲ့ မိတ်ဆွေသူငယ်ချင်းတစ်ယောက်ရဲ့
ကောင်းစားမှုကိုလိုလားတယ် ၊
အကျိုးတရားကို လိုလားတယ် ၊
အဲဒါဟာ မေတ္တာပါပဲ။

(ပါမောက္ခချုပ်ဆရာတော် ဒေါက်တာ အရှင်နန္ဒမာလာဘိဝံသ)

Post by KO Naing Myo Aye