"တရားအားမထုတ်ခဲ့ရင်"

 

"တရားအားမထုတ်ခဲ့ရင်"
=================

မသေခင်ကာလမှာ ပြုအပ်တဲ့အမှုတွေ ကို
မပြု ထားခဲ့တဲ့ အတွက်ကြောင့်
"ငါဆိုတဲ့ ဘဝ"ကို မစွဲလမ်းသွားဘူးလား။

"ငါ့သား ငါ့သမီး နဲ့ ကွေ ကွင်းရ တော့မယ်"
ဆိုပြီးတော့လည်း စွဲလမ်းမှု မဖြစ်ဘူးလား။


ငါ့ အိုးအိမ်၊ ငါ့ ဘဝ စွန့်ရတော့မယ်ဆိုပြီး
စွဲလမ်းတော့ ဥပါဒါန် ဖြစ်သွားတယ်။

ဆို့နင့်သွားတာက တော့ ဒေါသ နော်။
စိတ်နှလုံးမသာမယာ ဖြစ်သွားတာ။
ဒီတော့ သောက ဗျာပါဒ တွေရောက်မသွားဘူးလား။

စိတ်နှလုံးမသာမယာ ဖြစ်သွားတာက
ဒေါမနဿ အကုသိုလ်နော်။

စွဲလမ်းတယ်ဆိုတာက လောဘ နော်။
လောဘက အကုသိုလ်။

ကိုယ့်စိတ်ကို မရှုနိုင် တဲ့ အတွက်ကြောင့်
ကိုယ့်စိတ်မှာ ကုသိုလ်စိတ်၊ အကုသိုလ်စိတ်
ဘာဖြစ်လဲ မဆင်ခြင်နိုင် တဲ့ အတွက်ကြောင့်
မောဟဆိုတဲ့အဝိဇ္ဇာကြီးက ရော မ ရောက်သွားဘူးလား။

ဒီတော့ လောဘ၊ ဒေါသ၊ မောဟ
အကုသိုလ်စိတ်တွေ ဖြစ်နေတယ်နော်။

ဒါကြောင့်သေတာ အကုသိုလ်ဇောနဲ့ သေကြတာနော်။

"တရားအားမထုတ်ခဲ့ရင်" ဆိုပြီးသတိပြုကြရမှာနော်။

အားလုံး သေခြင်းနဲ့ ရင် ဆိုင်ရမှာမဟုတ်လား။
ဘာလက်နက်လိုသလဲ။ ဥာဏ် လက်နက်လိုတယ်ကွဲ့။
မဂ္ဂင် ရှစ်ပါးဆိုတဲ့ ဥာဏ်လက်နက် လိုတယ်နော်။

ကောင်းပြီ... ဝေဒနာတွေ မ ပေါ်တတ်ဘူးလား။
ဆာလောင် မွတ်သိပ်တယ်။
ညောင်းတယ်။ ကိုက်တယ်။
ဖိထားတဲ့ အတွက်ကြောင့် နာတယ်ပေါ့။

အဲဒိ ဝေဒနာတွေက ခန္ဓာကလာတာ။
ခန္ဓာဟာ ဘယ် က နေ ဖြစ်သလို့ မေးရင်
သစ္စာ နဲ့ပြောတော့ သမုဒ္ဒယသစ္စာနော်။

သမုဒ္ဒယသစ္စာဟူသော အ ကြောင်းကြောင့်
ဒုက္ခသစ္စာဟူသော အကျိုးဖြစ်လာတယ်နော်။

အ ကြောင်းတရား နဲ့အကျိုးတရားတွေကို
သုတမယ ဥာဏ်နဲ့ သိနေတာနော်။

ဆင်းရဲ လှတဲ့၊ ပြင်းထန်လှတဲ့ တရားတွေ
က သေခါနီး မှာမလာဘူးလား။
လာတဲ့အခါ ခုလိုရှာဖွေ ဆည်းပူးအားထုတ်ထားခြင်း
မရှိရင် "သား၊သမီး၊ မယား၊ လင်" တွေကို
"တဏှာ၊ ဥပါဒါန်" ဆိုတဲ့ ဆိုးကျိုးပေးတဲ့
ကိလေသာ အကုသိုလ် တွေနဲ့ မစွဲသွားဘူးလား။
ဆိုးကျိုးပေးတဲ့ အပါယ်လေးပါး ကိုပဲသွားရမယ်နော်။

ဒါကြောင့် မြတ်စွာဘုရား က
`ချစ်သား အာနန္ဒာ သတ္တဝါတွေ သေကြတဲ့ အခါ
သုဂတိဘုံ ရောက်သွားကြတာ
အလွန်တရာမှ နည်းတယ်။
ဒုက္ခတိ ဘုံ က်ို ချည်း ပဲ
ရောက်သွားကြတယ်´လို့ မိန့်တယ်။

ကဲ... ဒီတော့ အကုသိုလ် ဖြစ်ပြီး
သေတယ်ဆိုတာ အကုသိုလ် ဖြစ်မှန်း
မသိကြလို့ မဟုတ်လား။
အဝိဇ္ဇာ ဖုံးတာလေ။

ဒါကြောင့် တရားနာတာ၊
တရားအားထုတ်တာ
ကုသိုလ်၊ အကုသိုလ် မှန်းသိအောင်
လုပ်နေကြရတာမဟုတ်လား။

အ သေမဦးခင် ဥာဏ်ဦးအောင်
ကြိုးစားအားထုတ်ပါလို့
အားလုံးသော ပုဂ္ဂိုလ် များကို
ဘုန်းကြီး တိုက်တွန်းပါတယ်။

ဓမ္မဂုဏ်ရည်တောရ ဆရာတော်ဘုရားကြီး

credit - Thandar swe oo
photo - လောကချမ်းသာရုပ်ပွားတော်မြတ်(မိုးဗြဲ)

မေတ္တာဖြင့် ဝေမျှသူ
အနှိုင်းမဲ့စာတိုပေစများ
(www.infinitydhamma.com)

 ဓမ္မစာပေများ တစ်ဆင့်မျှဝေခြင်းဖြင့် ကုသိုလ်ပွားများနိုင် ကြပါစေ .....