မြတ်စွာဘုရားရှင် လက်ထက်တုန်းက ရောဟိတမြို့မှာ <ပစ္စယ> ဆိုတဲ့ မင်းသားတစ်ပါးရှိခဲ့ဖူးတယ် ။ သူအရွယ်ရောက်တဲ့ အချိန် ဆယ်ခြောက်နှစ်သားမှာ ဖခင်ဘုရင်ကြီး နတ်ရွာစံသွားတဲ့ အတွက် ပစ္စယမင်းသားလေး ရှင်ဘုရင်ဖြစ်လာခဲ့တယ် ။
သူ ရှင်ဘုရင်ဖြစ်ပြီး သိပ်မကြာခင် လပိုင်းမှာပဲ ဘုရင့်အခွန်တော် ဆက်သပွဲကြီးကို တစ်နေရာထဲမှာ စုပေါင်းကျင်းပပါတယ် ။
လူတွေအများကြီး စုဝေးမိနေချိန်မှာ ရတနာသုံးပါးရဲ့ ဂုဏ်ကိုထင်းရှားပြဖို့ အတွက် မြတ်စွာဘုရား အဲဒီအခွန်တော် ဆက်သပွဲကို ကြွရောက်တော်မူလာပါတယ်။ များပြားလှတဲ့ လူစုလူဝေးကြီး မြတ်စွာဘုရားကို မော့ကြည့်နေချိန်မှာ
မြတ်စွာဘုရားရှင်က ဝေဿဝဏ် နတ်မင်းကြီး ဖန်ဆင်းပေးတဲ့ အထွတ်တပ် ရတနာပြာသာဒ်ထဲက ခြင်္သေ့ခံ ရတနာပလ္လင်ပေါ်မှာ ထိုင်ပြီး တရားဟောတော်မူပါတယ် ။
ကောင်းကင်ယံတရားပွဲရဲ့ တရားတော် အဆုံးမှာ လူပေါင်းများစွာ သစ္စာသိပြီး ကျွတ်တမ်းဝင်ကြပါတယ်။ ပစ္စယမင်းလည်း မြတ်စွာဘုရားရှင်ရဲ့ တရားနာကြားပြီး သဒ္ဓါတရားဖြစ်လို့ မင်းစည်းစိမ်ကို စွန့်ပြီး ရဟန်းပြုလိုက်ပါတယ် ။ ဝိပဿနာအလုပ်ကို အဓိကထားပြီး လုပ်တဲ့ အတွက် ရဟန်းပြုပြီး ငါးရက် အတွင်းမှာပဲ အနာဂါမ်အဆင့်ထိရောက်ရှိသွားပါတယ်။
ခြောက်ရက်မြောက်နေ့မှာတော့ အရှင်ပစ္စယ အဓိဌာန်တစ်ခု ပြုလိုက်ပါတယ် ။ ငါဟာ သိက္ခာသုံးပါးကို ကျင့်ဆဲပုဂ္ဂိုလ်အဆင့်ပဲရှိသေးတယ် ကျင့်ပြီးပုဂ္ဂိုလ် မဟုတ်သေးဘူး ငါမှာ ပယ်သတ်စရာ ကိလေသာ ကျန်သေးတယ် ။ အရဟတ္တမဂ်နဲ့မှ ပယ်နိုင်တဲ့ ကိလေသာတွေ မကုန်သေးဘူး ။
ဒီနေ့ ဒီအချိန်က စပြီး ငါ့နှလုံးသားထဲက တဏှာဆူးငြောင့်ကို အရဟတ္တမဂ်နဲ့ မပယ်နုတ်နိုင်မချင်း ဘာအစားအစာမှလည်း မစားတော့ဘူး။ ဘာအရည်မှလည်း မသောက်တော့ဘူး ။ အိပ်လည်း လုံးဝ မအိပ်တော့ဘူး။ အညောင်းပြေ အညာပြေလေးတောင် လုံးဝ မလဲလျောင်းတော့ဘူး။
**ငါ့ ရဟန္တာ မဖြစ်မချင်း ဒီကျောင်းထဲ ဒီအခန်းထဲကနေ အပြင်ကို လုံးဝ မထွက်တော့ဘူး** အဲဒီလိုလအဓိဋ္ဌာန်ပြုပြီး ဝိပဿနာအလုပ်ကို စူးစူးစိုက်စိုက် အားထုပ်လိုက်တာ ဥာဏ်ရင့်ချိန်ရောက်နေပြီ ဖြစ်တဲ့ အတွက် တစ်ခဏချင်း အတွင်းမှာပဲ ကိလေသာလုံးဝ ကုန်ခမ်းလို့ ရဟန္တာ ဖြစ်သွားပါတယ် ။
အရှင်ပစ္စယဟာ ကဿပဘုရားရှင်လက်ထက်တုန်းကလည်း ရဟန်းဘဝနဲ့ သံမဏိအဓိဋ္ဌာန်ပြုပြီး ဝိပဿနာအလုပ် အားထုပ်ခဲ့ဖူးပါတယ်။ ရဟန္တာမဖြစ်မချင်း ကျောင်းအပြင်မထွက်တော့ဘူးပေါ့ ဒါပင်မဲ့ ဥာဏ်မရင့်သေးတဲ့အတွက် ပုထုဇဉ်ဘဝနဲ့ပဲ ပျံလွန်တော်မှုခဲ့ရတယ် ။
ရဟန္တာမဖြစ်မချင်း ကျောင်းအပြင်မထွက်တော့ဘူး ကိလေသာ မကုန်မချင်း အထိုင်မဖျက်တော့ဘူး ဆိုတဲ့ အဓိဋ္ဌာန်နဲ့ အားထုပ်လို့က်လို့ ရဟန္တာဖြစ် ကိလေသာကုန်းသွားတဲ့ သူတွေ ကိုအားကျပြီး ငါလည်း သူတို့လို လိုက်လုပ်ရင် သူတို့လို ဖြစ်မှာပဲလို့ သေချာပေါက် ပြောလို့မရပါဘူး။ အဲဒီလို အဓိဋ္ဌာန်မျိုး ဆိုတာ အခြေအနေ အချိန်အခါအရ လုပ်သင့်မှသာ လုပ်ရတဲ့ အဓိဋ္ဌာန်မျိုး ပါ။ အရှင်ပစ္စယ အဓိဋ္ဌာန်ပြုတာ အနာဂါမ်အရိယာ ဖြစ်ပြီးမှဆိုတာ ကို အထူးသတိပြုဖို့ လိုပါတယ်။ အနာဂါမ်ဖြစ်ပြီးရုံနဲ့ လည်း မရသေးဘူး ဝိပဿနာအလုပ်ကို အရှိန်အဟုန်ကောင်းကောင်းနဲ့ အပြင်းအထန် အားထုပ်နေတဲ့ အချိန်မျိုးလည်း ဖြစ်ရပါမယ်။
(အနာဂါမ်ဖြစ်ပြီးမှ ဒီလို အဓိဋ္ဌာန်ရမယ်လို့တော့ မဆိုလိုပါဘူး)။ တရားထူးတရားမြတ်ဆိုတာ အချိန်တန်မှ ရတာပါ။ အချိန်မတန်သေးရင် ဘယ်လောက်ပဲအားထုတ်အားထုတ်မရပါဘူး။ဥာဏ်ရင့်ချိန်ဆိုတာ
စောင့်ကို စောင့်ရပါတယ်။ ဘာမှမလုပ်ဘဲ အလကားထိုင်စောင့်နေရမှာတော့ မဟုတ်ဘူးပေါ့။
လုပ်သင့်လုပ်ထိုက်တဲ့ အလုပ်တွေကို လုပ်ရင်း စောင့်ရမှာလေ ။ ဝိပဿနာ အလုပ်ကို ပင်တိုင်ထားပြီး တခြားကုသိုလ်အလုပ်တွေကို စွမ်းနိုင်သမျှခြံရံလုပ်သွားရင် ဥာဏ်ရင့်တဲ့တစ်နေ့ ဥာဏ်ရင့်တဲ့ တစ်ချိန် ဆိုတာ ရောက်ကို ရောက်လာမှာပါပဲ။
အရှင်ပစ္စယလောင်းလျာ ကဿပဘုရားရှင်လက်ထက်တုန်းက အပြင်းအထန် အားထုပ်ပေမယ့် ဥာဏ်မရင့်သေးလို့ တရားထူး မရခဲ့တာကို အထူးသတိပြုပါ။ သာဝကဗောဓိဥာဏ်အတွက် ပါရမီဖြည့်နေစရာ မလိုဘူး ဆိုတဲ့ အယူအမှားတွေကို စွန့်လွတ်ပြီး ဥာဏ်ရင့်ချိန်ကို ပါရမီဖြည့်ရင်း စောင့်ရပါမယ် ။ အရှင်ပစ္စယရဲ့ ဆုံးဖြတ်ချက်ခိုင်မာမှု စိတ်ဓာတ်ပြတ်သားမှုကိုတော့ အတုယူကြရပါမယ် ။
လောကရေးမှာပဲဖြစ်ဖြစ် ဓမ္မရေးမှာပဲဖြစ်ဖြစ် ရည်မှန်းချက် အောင်မြင်ချင်တယ်ဆိုရင် စိတ်ဓာတ်ပြတ်သားမှု ဆုံးဖြတ်ချက်ခိုင်မာမှုရှိဖို့ သိပ်အရေးကြီးပါတယ် ။စိတ်ဓာတ်ပြတ်သားမှုကို ဖျက်ဆီးတဲ့အရာ ။ဆုံးဖြတ်ချက် တွေကို ပြောင်းလဲသွားစေနိုင်တဲ့ အရာဟာ အားနာစိတ်ပါ ။
ဒီဟာ မပြီးမချင်း ဟိုဟာ မလုပ်တော့ဘူးလို့ ဆုံးဖြတ်ထားပေမဲ့ ဟိုလူ အားနာ ဒီလူအားနာနဲ့ အားနာပြီး ဟိုဟာတွေ လိုက်လုပ်ပေးလိုက်တော့ ကိုယ်ရည်မှန်းထားတဲ့ ဒီဟာက မပြီးတော့ဘူးပေါ့။ ဒါကြောင့် စိတ်ဓာတ်ပြတ်သားချင်ရင် ဆုံးဖြတ်ချက်ခိုင်မာချင်ရင် အားနာတဲ့ စိတ်ပျော့စိတ်ညံ့တွေကို လုံးဝ မောင်းထုပ်ပစ်နိုင်ရပါမယ်။
အားနာမှုကြောင့် ကိုယ်ရဲ့ ဆုံးဖြတ်ချက် ပျက်စီးမသွားပါစေနဲ့ ။ ဆုံးဖြတ်ချက် ပျက်ဆီးသွားနိုင်စေတဲ့ နောက်အကြောင်းတစ်ခုကတော့ **ခြွင်းချက်** ပါ။ ဒါကတော့ ခြွင်းချက်ပေါ့လေ လို့ တစ်ခုကို ခြွင်းချက်လုပ်လိုက်တာဟာ ဆုံးဖြတ်ချက် ပြိုလဲခြင်းရဲ့ လမ်းစပါပဲ။ ဒီတစ်ခါတော့ ခြွင်းချက် ဒီတစ်ကြိမ်တော့ ခြွင်းချက် ။
ဒီတစ်ခါပြီးရင် တော်ပြီ။ ဒီတစ်ကြိမ်ပြီးရင် တော်ပြီနဲ့ ခြွင်းချက်တွေ ဆက်သွားလိုက်တာ အခါပေါင်းများစွာ အကြိမ်ပေါင်းများစွာ မဆုံးနိုင်တော့ပါဘူး။ကိုယ်ရည်မှန်းချက် အောင်မြင်ဖို့အတွက် ခြွင်းချက် တစ်ခုမျှမထားလိုက်ပါနဲ့ ။ခြွင်းချက်တစ်ခုက ခြွင်းချက် ပေါင်းများစွာကို ခေါ်လာပြီး ကိုယ်စိတ် ကိုယ်အလုပ် ကိုယ်ဘဝကို ဖျက်ဆီးရင်း ပူလောင်မှုတွေ စိမ်ပြေနပြေ ပေးပါလိမ့်မယ်။
ခြွင်းချက် တစ်ခုကို မကျော်လွှားနိုင်သရွေ့. စိတ်အေးချမ်းမှုကို ဘယ်တော့မှ မရနိုင်ပါဘူး။ ခြွင်းချက်ကို မုန်းတယ် ။ခြွင်းချက်တစ်ခုကြောင့် ခြွင်းချက် ပေါင်းများစွာ ပေါ်လာပြီး ကိုယ်ရဲ့ ဆုံးဖြတ်ချက်တွေ ပြိုလဲခဲ့ရတယ် ။ ကိုယ်ရဲ့ ရည်မှန်းချက်တွေ ပျက်စီးခဲ့ရတယ် ။
တစ်ခါတစ်ရံမှာ တစ်ဖက်သားအပေါ် သိပ်ငဲ့ညှာလွန်းတဲ့ မေတ္တာတရားက စိတ်ဓာတ် ပျော့ညံ့မှု။ ဆုံးဖြတ်ချက် မခိုင်မာမှုတွေကို ဖြစ်ပေါ်စေပါတယ် ။ မေတ္တာလွန်ကဲ သွားတော့အားနာမှုက မေတ္တာအယောင်ဆောင်ပြီး စိတ်ဓာတ်ပြတ်သားမှုကို တိုက်စားဝါးမျိုပစ်လိုက်တာပေါ့။
ရင်ထဲက အကျိုးလိုလားတဲ့ မေတ္တာတရားကို အကန့်အသတ်မထားသင့်ပေမယ့် မေတ္တာတရားကို ကိုယ်နဲ့ နှုတ်နဲ့ လက်တွေ အကောင်အထည်ဖော်တဲ့နေရာမှာတော့ အကန့်အသတ်ထားတတ်ဖို့ လိုအပ်ပါတယ်။ မေတ္တာစိတ်ဓာတ်ကို အကန့်အသတ် မထားဘဲ မေတ္တာလုပ်ရပ်ကို အကန့်အသတ်ထားတတ်မှ အဒီမေတ္တာဟာ လက်တွေကျပြီး ကျယ်ပြန့်တဲ့ ခိုင်ခံ့ပြီး တစ်ဖက်သားအပေါ် ပိုမိုအကျိုးသက်ရောက်တဲ့ ။
ကိုယ်တိုင်လည်း တကယ်စိတ်အေးချမ်းပြီး ကုသိုလ်
အပြည်အဝရတဲ့ မေတ္တာစစ် မေတ္တာမှန်ဖြစ်နိုင်ပါတယ်။
မေတ္တာစိတ်ဓာတ်မှာ အဓိကနဲ့ သာမည ခွဲစရာမလိုပေမယ့် မေတ္တာလုပ်ရပ်မှာတော့ အဓိကနဲ့ သာမည ကို စနစ်တကျ ခွဲခြားကျင့်သုံးတတ်ဖို့ လိုပါတယ် ။ ဥာဏ်ယှဉ်တဲ့ ဥပေက္ခာနဲ့ တွဲစပ်မကျင့်သုံးနိုင်သမျှတော့ မေတ္တာတရားဟာ ပျော့ညံ့မှုတွေ မပြတ်သားမှုတွေ ဝန်းရံနှိပ်စပ်နေတဲ့ ဗြဲလျန်းမေတ္တာ ဖြစ်နေဦးမှာပါပဲ။
ဆုံးဖြတ်ချက်တစ်ခုနဲ့ ပတ်သက်လို့ စိတ်ဓာတ်ပြတ်သားချင်ရင် အဒီဆုံးဖြတ်ချက်ကို အချိန်ဆွဲမထားဖို့ သိပ်အရေးကြီးပါတယ် ။ဝေးကွာနေသေးတဲ့ အချိန်ကာလ တစ်ခုကို ရည်ညွန်းပြီး အဒီနေ့ကစပြီး ငါဘာမှ မလုပ်တော့ဘူး အဲဒီနေ့က စပြီး ငါဘာလုပ်မယ် လို့ဆုံးဖြတ်လိုက်ရင် အဲဒီဆုံးဖြတ်ချက်က မအောင်မြင်ဖို့ ရာခိုင်နှုန်း ပိုများပါတယ် ။
အဲဒီလိုနဲ့ ပျက်သွားတဲ့ ဆုံးဖြတ်ချက်တွေလည်း မနည်းတော့ပါဘူး။ ဒါကြောင့် ပြတ်သားမှ ပြတ်သွားပါလိမ့်မယ်။
***ရွှေပါရမီတောရ ဆရာတော်အရှင်ဆန္ဒာဓိက ဟောကြားတော်မှုသော
ပြတ်သားမှ ပြတ်သွားမယ် တရားတော်***မှ ကောက်နှုတ်တင်ပြသည်။
်
No comments:
Post a Comment