မြန်မာ့ရိုးရာယဉ်ကျေးမှုနှင့်ဗုဒ္ဓစေတိတော်များဆိုဒ်သို့ ၀င်ရောက်ဖတ်ရှုကြသော ဓမ္မမိတ်ဆွေစာဖတ်သူများအားလုံး ကိုယ်စိတ်နှစ်ဖြာ ကျန်းမာချမ်းသာကြပြီး သာသနာအကျိုး ဆထက်တိုး၍ ထမ်းရွက်နိုင်ပြီးလျှင် နိဗ္ဗာန်ဆွေပြည်ကြီးကို လျှင်မြန်စောစွာမှောက်မြောက်ပြုနိုင်ကြပါစေသတည်း။
Wednesday, June 18, 2014
“သူများသားသမီးနှင့် ကိုယ့်သားသမီး ဘယ်သူ့ကို ပိုချစ်တယ်ဆိုတာ စဉ်းစားကြည့်ကြ "
“သူများသားသမီးနှင့် ကိုယ့်သားသမီး
ဘယ်သူ့ကို ပိုချစ်တယ်ဆိုတာ စဉ်းစားကြည့်ကြ "
=================================
ဒီအထဲမှာ သားသမီးတွေရှိတဲ့ ဒကာကြီးတွေ
ဒကာမကြီးတွေ ရှိပါလိမ့်မယ် ထင်ပါတယ်၊
ဘုန်းကြီး မေးခွန်းလေး တစ်ခုတော့ မေးကြည့်ချင်တယ်။
သူများသားသမီးနှင့် ကိုယ့်သားသမီး
ဘယ်သူ့ကို ပိုချစ်သလဲ?
“ကိုယ့်သားသမီးကို ပိုချစ်တယ်”
ဘုန်းကြီးကတော့ သိပ်မယုံဘူး၊
မယုံတာ ဘုန်းကြီးအကြောင်းကလေးတစ်ခု ပြောလိုက်ဦးမယ်၊
ဘုန်းကြီး “အစင်ရွာ”မှာ နေစဉ်အခါတုန်းကပေါ့၊
ဒကာကြီးတစ်ယောက်နှင့် ဒကာမကြီး တစ်ယောက် ရှိပါတယ်၊ ဘုန်းကြီးတို့နေတဲ့ ခြံရှင် ကျောင်းဒကာကြီးရဲ့
ယောက္ခမ ဆိုကြပါစို့နော်၊
အဖိုးကြီးက အသက် (၉၀)ကျော်သွားပြီ၊
အဖွားကြီးက အသက် (၈၀)ကျော်နေပြီ။
အဖိုးကြီးက တစ်နေ့တော့ တောကျောင်းမှာ
လာပြီး ဥပုသ်စောင့်မယ်, ကျောင်းမှာပဲ အိပ်တော့မယ်ဆိုပြီး
တော့ အထုပ်အပိုးတွေနှင့် ရောက်လာတယ်၊
နံနက်(၉)နာရီလောက်, သီလယူပြီးတဲ့ အချိန်
လောက်ကြတော့ မြေးတွေက လိုက်လာတယ် --
“အဖိုး ...အိမ်မှာ အဖွားက အဖိုးကို မမြင်လို့ ငိုနေပြီ” တဲ့ ---
ဒီလိုလာပြောတယ်၊ အဖိုးကြီးလည်း ဒီစကားကို
ကြားတာနဲ့ ချက်ချင်းပဲ အထုပ်ကလေးကို ပိုက်
ပြီး အိမ်ကို ပြန်ပြေးသွားတယ်၊
ကျောင်းမှာ အိပ်ပြီးတော့ ဥပုသ်စောင့်သုံးမယ်
တရားဘာဝနာပွားများမယ်ဆိုတဲ့ စိတ်ကူးတွေဟာ
အားလုံးအရည်ပျော်သွားတယ်။
အဲဒါ သူများသားသမီးနှင့် ကိုယ့်သားသမီး
ဘယ်သူ့ကို ပိုချစ်တယ်ဆိုတာ စဉ်းစားကြည့်ကြ
စဉ်းစားကြည့်ကြ၊ ကိုယ့်သားသမီးတွေက
အနားမှာ ရှိနေသားပဲ၊ သူ့မှာပြုစုနေတဲ့
သမီးတစ်ယောက် အနားမှာ အမြဲရှိတယ်၊
ဒါပေမဲ့ အဖိုးကြီးကို မမြင်လို့တဲ့ ထိုင်ပြီးငိုနေတယ်၊
အသက် (၈၀) ကျော်နေကြပြီ မမြင်ရရင်
ငိုတုန်းပဲ ရှိသေးတယ်။
အဲဒါ ဘာဖြစ်လို့လဲဆိုတော့
ဒီဥပါဒါနက္ခန္ဓာငါးပါးအနားမှာ ကပ်ပြီးတော့
သွားနေတယ်၊ ကပ်ပြီးတော့ ရပ်နေတယ်၊
ကပ်ပြီးတော့ ထိုင်နေတယ်၊ ကပ်ပြီးတော့
အိပ်နေတယ်။ အဲဒါနှင့် နည်းနည်း
ခွဲလိုက်ရပြီဆိုရင် ခွဲနိုင်တဲ့စွမ်းအားရှိသလား?
မရှိကြဘူးနော်။
ဒါကြောင့် မြတ်စွာဘုရားက ဘာဟောတော်မူသလဲ?
ဒါကြောင့် သင်ချစ်သားတို့ သင်ချစ်သမီးတို့တစ်တွေဟာ
မကြာခဏ မိမိရဲ့စိတ်ကို ဆင်ခြင်ပေးပါ၊
ဘယ်လို ဆင်ခြင်ရမလဲ - နေ့ညဥ့်သံသရာရှည်မြင့်စွာသော
အချိန်အခါကာလတို့ပတ်လုံး ငါတို့ရဲ့
စိတ်သည် ရာဂကြောင့် ညစ်နွမ်းနေရတယ်၊
ဒေါသကြောင့် ညစ်နွမ်းနေရတယ်၊
မောဟကြောင့် ညစ်နွမ်းနေရတယ်လို့
ဒီလို မကြာခဏ ဆင်ခြင်ပေးပါ။
ဘာဖြစ်လို့လဲ? စိတ်ဓာတ်တွေ ညစ်နွမ်းရင်
သတ္တ၀ါတွေ ညစ်နွမ်းကြရတယ်၊
ပင်ပန်းကြရတယ်၊ ဆင်းရဲကြရတယ်။
စိတ်ဓာတ်တွေ ဖြူစင်သန့်ရှင်းလာပြီဆိုရင်လည်း
သတ္တ၀ါတွေ စင်ကြယ်သန့်ရှင်းသွားရတယ်။
ဘာဖြစ်လို့ ဒီစိတ်ဓာတ်တွေ ညစ်နွမ်းရင်
သတ္တ၀ါတွေ ညစ်နွမ်းရသလဲ?
ခုနကဥပမာ ကြည့်ပေါ့လေ။
ဖားအောက်တောရဆရာတော်ကြီး
(စိတ်ဓါတ်ပြုပြင်ပြောင်းလဲရေးတရားဒေသနာတော်)
Ref; Buddhavasa Tiloka
credit - moon ko ko
မေတ္တာဖြင့် ဝေမျှသူ
အနှိုင်းမဲ့စာတိုပေစများ
(www.infinitydhamma.com)
ဓမ္မစာပေများ တစ်ဆင့်မျှဝေခြင်းဖြင့် ကုသိုလ်ပွားများနိုင် ကြပါစေ .....
Subscribe to:
Post Comments (Atom)
No comments:
Post a Comment