မြန်မာ့ရိုးရာယဉ်ကျေးမှုနှင့်ဗုဒ္ဓစေတိတော်များဆိုဒ်သို့ ၀င်ရောက်ဖတ်ရှုကြသော ဓမ္မမိတ်ဆွေစာဖတ်သူများအားလုံး ကိုယ်စိတ်နှစ်ဖြာ ကျန်းမာချမ်းသာကြပြီး သာသနာအကျိုး ဆထက်တိုး၍ ထမ်းရွက်နိုင်ပြီးလျှင် နိဗ္ဗာန်ဆွေပြည်ကြီးကို လျှင်မြန်စောစွာမှောက်မြောက်ပြုနိုင်ကြပါစေသတည်း။
Friday, June 13, 2014
ဗုဒ္ဓဟောကြားသော ဥပုသ်စောင့်ခြင်း၏ အကျိုးကျေးဇူး။
ဗုဒ္ဓဘာသာတင်မက အခြားအခြားသော ဘာသာတွေမှာလည်း ဥပုသ်စောင့်တယ်ဆိုတာရှိကြပါတယ်။ သို့သော် သူတို့ဥပုသ်နဲ့ ကိုယ့်ဥပုသ် မတူညီကြပါ။ မတူညီသည့်အလျောက် အကျိုး
ပေးလည်း မတူညီကြပါ။ ဥပုသ်စောင့်ခြင်း၏ အကျိုးကျေးဇူးကို ဘုရားရှင်က လူတိုင်းနားလည်
အောင် ဟောကြားထားသည်မှာ== “ ကမ္ဘာလောကကြီး အတွင်းမှာရှိတဲ့ အဖိုးတန် ရတနာတွေ
ရဲ့ တန်ဖိုးနဲ့ တစ်ကြိမ်တစ်ခါ မွန်မြတ်ပြီး အဓိပ္ပါယ်ရှိရှိ စောင့်ထိန်းလိုက်ရတဲ့ ဥပုသ်နဲ့ နှိုင်းယှဉ်
ကြည့်လိုက်မယ်ဆိုရင် ရတနာတွေရဲ့ တန်ဖိုးဟာ ဥပုသ်တစ်ခါ စောင့်ရတဲ့ ကုသိုလ်တန်ဖိုးရဲ့ ၁၆
ပုံ ပုံ၊ ၁ ပုံတောင် မရှိဘူး” လို့ ဟောကြားခဲ့ပါတယ်။
ဥပုသ်တစ်ကြိမ်တစ်ခါ စောင့်လိုက်တာနဲ့ နတ်စည်းစိမ်၊ နတ်ချမ်းသာတွေ ရနိုင်ပါတယ်။နတ်ချမ်းသာဆိုတာ အဲဒီ ရတနာတွေရဲ့ တန်ဖိုးထက် ကြီးပါတယ်။ လူချမ်းသာဆိုတာ နတ်ချမ်းသာနဲ့ နှိုင်းယှဉ်လိုက်ပါက မပြောပလောက်ပါ။ ချမ်းသာသုခလို့တောင် မဆိုနိုင်တော့ပါ။
လူ့ပြည်မှာ အနှစ် ၅၀-မှ စတုမာရာဇ်နတ်ပြည်မှာ ၁-ရက်ပဲ ရှိပါသေးတယ်။ လူ့ပြည်မှာ အနှစ် ၁၀၀-ဆိုရင် တာဝတိံသာနတ်ပြည်မှာ ၁-ရက်ပါ။ နတ်ရက်နဲ့တွက်ပြီး နှစ် ၁၀၀၀- ဟာတာဝတိံသာနတ်ပြည်ရဲ့ နတ်တစ်သက်ပါ။ တစ်ကြိမ်တစ်ခါ မွန်မြတ်ပြီး အဓိပ္ပါယ်ရှိရှိ စောင့်ထိန်း
လိုက်ရတဲ့ ဥပုသ်ရဲ့ အကျိုးဟာ အခုပြောတဲ့ နတ်ပြည်တွေအားလုံးကို ရောက်နိုင်ပါတယ်။
ဒါတင်မက သိကြားမင်းက “ လူ့လောကမှာရှိတဲ့ ပုဂ္ဂိုလ်တွေ လဆန်း ၈-ရက်၊ လဆုပ် ၈ရက်၊ လပြည့်၊ လကွယ်တွေမှာ ဥပုသ်စောင့်ကြမယ် ဆိုရင် ငါ့လို သကြားဘ၀ကို ရောက်ရှိစံစား
ကြရမယ်။ ” လို့ နတ်သဘင် အစည်းအဝေးကြီးမှာ မိန့်ခွန်းပြောခဲ့ ပါတယ်။ အဲဒီလို မိန့်ခွန်းပြောတာကို ဘုရားရှင်က “ သိကြားမင်းပြောတဲ့ ' ငါ့လိုသိကြား ဖြစ်ချင်လို့ ရှိရင် ဥပုသ်စောင့် ' ဆိုတဲ့
စကားဟာ မပြည့်စုံဘူး” တဲ့။ တကယ်ပြောရမှာက “ ရဟန္တာပုဂ္ဂိုလ်က ငါ့လို ရဟန္တာဖြစ်ချင်ရင်ဥပုသ်စောင့် ” လို့ပြောရမယ်တဲ့။
ဒါကြောင့် အဓိပ္ပါယ်ရှိလှတဲ့ ဗုဒ္ဓဘာသာတို့ရဲ့ (ဥပုသ်) ကျင့်စဉ်တစ်ခုဟာ ပုံပျက်ပန်းပျက်မဖြစ်စေဘဲနဲ့ အဓိပ္ပါယ်ရှိရှိ ဥပုသ်ကို စောင့်ထိန်းနိုင်ဖို့ အင်မတန်မှ အရေးကြီးပါတယ်။ ဥပုသ်လို့
ပြောလိုက်တာနဲ့ ဘာသာခြားတွေရဲ့ ဥပုသ်နဲ့ အနှစ်သာရပိုင်းမှာ အလွန်ကွာခြားတယ်ဆိုတာအားလုံး သဘောပေါက် နားလည်ပြီး အဓိပ္ပါယ်ရှိရှိ ဥပုသ်ကို စောင့်ထိန်းနိုင်ကာ ဘ၀မြင့်သထက်
မြင့်ပြီး နိဗ္ဗာန်ချမ်းသာကို ရောက်ရှိနိုင်တဲ့ သူတော်စင်သူတော်မြတ်တို့ဖြစ်ကြပါစေကုန်သတည်း။
{ကောဇာသက္ကရာဇ် ၁၃၇၀ ပြည့်နှစ်၊ တန်ခူးလဆန်း ၈ ရက်၊ တနင်္ဂနွေနေ့၊ ရန်ကုန်တိုင်းဒေသ ကြီး၊ ကြည့်မြင်တိုင်မြို့နယ်၊ ဦးကြွယ်ဟိုးလမ်း မိသားစု၌ ဒေါက်တာအရှင်နန္ဒာမာလာဘိဝံသ
ဟောကြားတော်မူသော“ဥပုသ်စောင့်ခြင်း အဓိပ္ပါယ်” တရားတော်ကို ကိုးကားရေးသားပူဇော် ပါသည်။}
ပြန်လည်မျှဝေခြင်းဖြင့် ကုသိုလ် ပွားများကြပါစေ ...
ဓမ္မနဒိဆိုဒ်မှ ပြန်လည်မျှဝေသည်..။
Subscribe to:
Post Comments (Atom)
သာဓု သာဓု သာဓု
ReplyDelete