“အစွန်းသုံးပါးလွတ်တဲ့ အသားငါး” (အကျယ်)
ထိုအသားနဲ့ ငါး နှစ်ခုလုံးသည်လည်းပဲ၊ မိမိတို့အတွက် ရည်ညွှန်းပြီး သတ်ထားတယ်လို့ မိမိတို့ ကိုယ်တိုင် မမြင်ဘူး၊ မိမိတို့အတွက် ရည်ညွှန်းပြီး သတ်ပါတယ်လို့ မိမိတို့ ကိုယ်တိုင်လည်း
မကြားဘူး၊ မိမိတို့အတွက် ရည်ညွှန်းပြီး သတ်ထားပါတယ်လို့ စိတ်ထဲမှာလည်း သံသယ မရှိဘူး၊ ဒီလိုဆိုရင်တော့ အပ်တယ်။
နောက်တစ်ခု --- မိမိတို့အတွက် ရည်ညွှန်းပြီး သတ်တယ်လို့ မမြင်ဘူး၊ မကြားဘူး၊ သံသယ မ
ရှိဘူးဆိုရင် အစွန်းသုံးပါး လွတ်တယ်လို့ ခေါ်တယ်။ ဒီလို အစွန်းသုံးပါးလွတ်နေတဲ့ ငါးအမဲကို
မြတ်စွာဘုရားရှင်ကိုယ်တော်တိုင်က ခွင့်ပြုထားပြီး ဖြစ်နေတယ်။ ကဲ ... ဒီနေရာမှာ မမြင်ဘူး
ဆိုတာက ဘာလဲ?
မမြင်ဘူးဆိုတာက ရဟန်းတွေအတွက် ရည်ညွှန်းပြီးတော့ သားငါးတွေကို သတ်ဖြတ်ပြီးတော့ ယူဆောင်လာတာကို မမြင်တာကို ပြောတာတဲ့။
နောက်တစ်ချက် ---
“အသုတုတုတ အသုတုတုတ”ဆိုတာက ရဟန်းတွေအတွက် ရည်ညွှန်းပြီးတော့ သားတွေ ငါး
တွေကို သတ်ဖြတ်ပြီးတော့ ယူဆောင်လာတယ်လို့ မိမိတို့မကြးဘူး။ အဒဲလို မကြားတဲ့အသား
ကို အသုတလို့ခေါ်တယ်။
မြင်လည်း မမြင်ဘူး, ကြားလည်း မကြားဘူး, ဒါပေမဲ့ သံသယရှိခြင်း၊ အဲဒီ သံသယရှိခြင်း (၃)ခု
က လါတ်နေခဲ့မယ် ဆိုလို့ရှိရင်တော့ အပရိသင်္ကိတလို့ ခေါ်တယ်။ ဒါ ဘယ်လိုလဲဆိုတော့ ---
ရဟန်းတွေက တွေ့ပြီ။ ပိုက်ကွန်တွေ ဆောက်ပုတ်တွေ လက်နက်တွေ စွဲကိုင်ပြီးတော့ ရွာ
က ထွက်လာတဲ့ လူတွေ သို့မဟုတ် တောမှာ လှည့်လည် ကျက်စားနေတဲ့ လူတွေကို မြင်ပြီ။
မြင်လိုက်တဲ့ အချိန်အခါကျတော့ ဘာဖြစ်သလဲ?
နောက်တစ်နေ့ ဆွမ်းခံကြွပြီ။ ဆွမ်းခံကြွလိုက်တဲ့ အချိန်အခါကျတော့ ဒီရဟန်းတော်တွေ
ကို သူတို့က အသားငါးနှင့် တကွသော ဆွမ်းတွေကို ရှေးရှုဆောင်ယူပြီးတော့ လာပြီး လှူဒါန်း
ကြပြီ။
သြော်, မနေ့က တို့ တောထဲမှာ သို့မဟုတ် ရွာပြင်မှာ လက်နက်တွေ ကွန်တွေနဲ့ ထွက်လာ
တာ ဒီလူတွေကို တို့တွေ့ကြတယ်။ တို့အတွက် ရည်ညွှန်းပြီးတော့များ ဒီပုဂ္ဂိုလ်တွေ စီမံ
ထားလေသလားဆိုပြီးတော့ ရဟန်းတော်တွေက သံသယဖြစ်ကြတယ်။ ဘာဖြစ်လို့ သံသယ
ဖြစ်ကြသလဲ?
ကိုယ့်ဒကာကြီး တွေအကြောင်း ကိုယ်နားလည်နေတယ်။ ဘုန်းကြီးတို့ တောဓလေ့ပေါ့နော်။
ဈေးထဲမှာ ကြက်ဆိုတာ အင်မတန် ရောင်းခဲပါတယ်။ ဆွမ်းအုပ်ထဲမှာ ကြက်ပါလာပြီလို့ ဆိုလို့
ရှိရင် ဒီကြက်က ဘယ်လို ဖြစ်ပေါ်လာတယ် ဆိုတာတော့ နည်းနည်း နားမလည်ဘူးလား? နားလည်ကြပါတယ်။
(ဈေးထဲမှာ)တောဓလေ့ပေါ့လေ၊ ကြက်ဥ ရောင်းတယ်ဆိုတာ အလေ့အထ အင်မတန်နည်း
တယ်။ ဘုန်းကြီး ဆွမ်းအုပ်ထဲမှာ ကြက်ဥကြော် ပါလာပြီဆိုလို့ရှိရင် သံသယ မဖြစ်သင့်ဘူး
လား? ဖြစ်သင့်နေပြီနော်။ အလားတူပဲ၊ မနက်ဖြန် ဆွမ်းအလှည့်ကျပြီ။ ဒကာကြီးတစ်ယောက်
လျှောက်ဖူးပါတယ်။ ဒီကွေ့ဝမ်းကဒကာကြီးပဲ။ အခုတော့ မရှိတော့ဘူး။
တပည့်တော်ဘုရား .. ဟိုတုန်းက နက်ဖြန် တို့အိမ် ဆွမ်းအလှည့်ကျပြီဆိုလို့ရှိရင် ညနေပိုင်း တ
ပည့်တော်က ပိုက်ကွန်ယူပြီး လယ်တောထဲ ထွက်တော့တာပဲတဲ့။ အဲဒီလို ထွက်သွားတာ
ကို ဘုန်းကြီးက မြင်လိုက်တယ်။ မြင်လိုက်ပြီဆိုလို့ရှိရင် နောက်တစ်နေ့လည်း သူက ပိုက်ကွန်
ကနေ ရလာတဲ့ငါးတွေက ဆွမ်းအဖြစ်နဲ့ ပါလာပြီဆိုလို့ရှိရင်တော့ သံသယ မဖြစ်သင့်ဘူးလား?
တပည့်တော်တို့ကတော့ သံသယ မရှိပါဘူး။ ဒီလိုလုပ်လို့ မဖြစ်ဘူးနော်။ ရဟန်းဆိုတာ သံသ
ယ ရှိသင့်တဲ့ နေရာမှာ ရှိရမှာပဲ။
သံသယရှိသင့်ပါလျက်နဲ့ မရှိပါဘူးဆိုပြီး ကိုယ့်ကိုယ်ကို လိမ်ညာနေလို့တော့ မဖြစ်ဘူးနော်။
ကဲ - အဲဒီမှာ မြင်ရုံနဲ့ ကိုယ်က သံသယရှိတယ်။ မြင်လိုက်လို့ ခုလို သံသယရှိခဲ့ရင် သံသယ
ရှိနေတဲ့ ဒီအသားငါးကို ခံယူဖို့ရန် မအပ်ဘူးတဲ့နော်။
အဲဒီလို သံသယမရှိတဲ့ အသားငါး ဖြစ်ခဲ့မယ်ဆိုရင်တော့ အပ်ပါတယ်တဲ့။
နောက်တစ်ခု ---
အဲဒီအခါမှာ ရဟန်းတော်တွေက နေပြီးတော့ မအပ်ဘူးလို့ သံသယရှိတာနဲ့ သူတို့က အလှူမခံ
ကြတော့ဘူး။ အလှူမခံတဲ့ အချိန်အခါမှာ ဒကာတွေက နေပြီးတော့ မေးမယ်။ မမေးရင်တော့
ဘာမှ ပြောခွင့် မရှိဘူးနော်။
မေးပြီ၊ အရှင်ဘုရားတို့ ဘာဖြစ်လို့ အလှူမခံကြပါသလဲ? မေးလိုက်ပြီး၊ အလှူမခံရင် ကောင်း
တာပေါ့လေ။ တို့ချည်းပဲ စားရတာပေါ့။ အလှူရှင် ဒကာတွေဘက်က အဲဒီပုံစံနဲ့ဆိုရင်တော့ ဒီ
ဘုန်းကြီး ငတ်ပြီ ထင်တယ်နော်။
ကဲ အရှင်ဘုရားတို့ ဘာဖြစ်လို့ အလှူမခံသလဲလို့ မေးပြီ။ မေးလိုက်တဲ့ အချိန်အခါကျတော့
ရဟန်းတွေကလည်း မိမိတို့ မြင်လိုက်တဲ့ အချိန်အခါမှာ သံသယရှိကြလို့ပါဆိုပြီးတော့ သူတို့
က ပြန်ပြီးတော့ အဖြေပေးကြတယ်။
အဖြေပေးလိုက်တဲ့စကားကို ကြားလိုက်ရတဲ့ အချိန်အခါကျတော့ ဒကာက ဒါ လှည့်ပတ်တာ
လည်း ဖြစ်နိုင်တယ်နော်။ ဘယ်လိုကြောင့်လဲ? အရှင်ဘုရား ဒါက ရဟန်းတော်တို့အလို့ငှာ
တပည့်တော် ပြုပြင်စီမံထားတဲ့အသား မဟုတ်ပါဘူး၊ ငါး မဟုတ်ပါဘူး။ တပည့်တော်တို့ စားဖို့
အတွက် တပည့်တော်တို့ပြုပြင် စီမံထားတဲ့ အသားငါးသာ ဖြစ်တယ်။ မင်းယောက်ျားအစရှိတဲ့ ပုဂ္ဂိုလ်တွေအတွက် တပည့်တော်တို့ ပြုပြင်စီမံထားတဲ့ အသားငါးသာ ဖြစ်ပါတယ်လို့ ဒကာက
အလျှောက်ကောင်းခဲ့ရင်ပေါ့နော်။ အဲဒါဆိုရင် အပ်ပါတယ်။
ဒါပေမဲ့ အဲဒါ တကယ်ဟုတ်မှနော်။ ဒကာကနေပြီးတော့ ၀ိနည်းနားလည်လို့ ငါတို့ ဒီလိုလျှောက်
ရင်တော့ ဒီကိုယ်တော်တွေ အလှူခံမယ်ဆိုပြီး ကျိတ်ဝိုင်းထိုင်လိုက်တဲ့ ပုံစံမျိုးဆိုရင်တော့ အပ်ပါ့
လား? မအပ်ဘူးနော်။
ဒကာက နားလည်လို့ တချို့ ဒီလို လှည့်ပြီးတော့ လျှောက်တာလည်း မရှိဘူးလား? ရှိနိုင်ပါ
တယ်။ ဒကာကြီးတွေ လျှောက်ဖူးတယ်ထင်တယ်။ ကဲ...လျှောက်တဲ့စကား ရှိခဲ့ရင်တော့ လှည့်
ပတ်တာပဲ။ လှည့်ပတ်တဲ့စကားက ဘာဖြစ်လို့ သူက ဒီမှာ လှည့်သလဲ? သူ့အသက်ကို
တောင် သတ်ရဲတဲ့ ပုဂ္ဂိုလ်တစ်ယောက်က ဒီလို လှည့်ပတ်ဖို့ရန်အတွက်တော့ ၀န်လေးပါဦးမ
လား? ၀န်မလေးပါဘူးနော်။ ကဲ နောက်တစ်ခု ---
ရဟန်းတွေ ကိုယ်တိုင်တော့ မမြင်လိုက်ဘူး။ ဒါပေမဲ့ ကြားလိုက်တယ်။ ဘယ်လို ကြားသလဲ?
ကဲ - မြင်တော့ မမြင်လိုက်ဘူး ကြားလိုက်ပြီနော်။ လူတွေ ပိုက်ကွန်တွေ လက်နက်တွေ လက်စွဲ
ပြီးတော့ ရွာကနေ ထွက်လာကြတယ်လို့ ကြားလိုက်တယ်။ သို့မဟုတ် တောထဲမှာ လှည့်လည်
နေကြတယ်ဆိုပြီးတော့ ကြားလိုက်ပြီ။ ကြားလိုက်တဲ့ အချိန်ခါမှာကျတော့ ဘာဖြစ်သလဲ?
နောက်တစ်နေ့ ကိုယ်တော်တွေကလည်း ရွာထဲကို ဆွမ်းခံကြွပြီ။ ဆွမ်းခံကြွလိုက်တဲ့ အချိန်ခါမှာ
ဒီကိုယ်တော်တွေကို အသားငါးနဲ့ တကွသော ဆွမ်းတွေကို ရှေးရှုဆောင်ယူပြီးတော့ လှူဒါန်းကြ
ပြီ။
အဲဒီရဟန်းတွေက မူလက ကြားထားတဲ့အတွက်ကြောင့် ဒီအသားငါးအပေါ်၌ သံသယဖြစ်လာ
ပြီ။ သံသယဖြစ်တဲ့အတွက် ဘာဖြစ်သလဲ?
ရဟန်းတော်တွေ အတွက်ပေါ့။ နက်ဖြန် ဆွမ်းကျွေးမယ်၊ ဆွမ်းလောင်းမယ်ဆိုတဲ့ ရည်ရွယ်ချက်
ဖြင့် ပြုပြင်စီမံများ ထားလေသလားဆိုပြီးတော့ စိတ်ထဲမှာ သံသယဖြစ်သွားကြတယ်။ အဲဒီလို သံသယဖြစ်လာတဲ့အတွက် ဘာဖြစ်သလဲ? သံသယဖြစ်ခဲ့လို့ရှိရင်တော့ -
ဤအသားသည် အကြားဖြင့် သံသယရှိတဲ့ အသား မည်ပါပေ၏။
ထို သံသယရှိနေတဲ့ အသားငါးကို အလှူခံယူခြင်းငှာ မအပ်ပါ။
အဲဒီလို သံသယရှိနေရင် ဒီလိုအသားငါးမျိုးကို အလှူခံရမလား? အလှူ မခံရဘူးတဲ့နော်။
ကဲ ဒကာကြီးတွေ အိမ်မှာ တစ်ယောက်ယောက်ကနေပြီး ကြက်ရိုက်ချက်တယ် ဆိုတာကတော့ ကိုယ်က မမြင်ဖူးဘဲထား။ ဒါပေမဲ့ ကြက်အော်လိုက်တဲ့ အသံလေးကြားလိုက်တယ် ဆို
ကြပါစို့နော်။အဲဒီလိုဆိုလို့ရှိရင်ကောသံသယမဖြစ်သင့်ဘူးလား?
ဖြစ်သင့်ပါတယ်။ အဲဒီ
အခါမှာ စားရင်ကော အတူတူပဲ မအပ်ဘူးနော်။ ကဲ နောက်တစ်ခု ---
ဒီလို သံသယမရှိတဲ့ အသားငါးဖြစ်ခဲ့မယ်ဆိုရင်တော့ အပ်တယ်နော်။ နောက်တစ်ခု ဘာလဲ?
ခုနက အတိုင်းပဲနော်။ အကယ်၍ ဒကာ ဒကာမတွေကလည်း နားလည်လို့ မေးမြန်းကြပြီ။အရှင်ဘုရားတို့ ဘာဖြစ်လို့ အလှူမခံကြသလဲ? မေးကြည့်ကြတယ်။ မေးလိုက်တဲ့ အချိန်အခါ
ကျတော့လည်း မိမိတို့ သံသယရှိတဲ့အကြောင်း ရဟန်းတော်တွေက ပြန်ပြီးတော့ ပြောပြကြ
တယ်။ ပြောလိုက်တဲ့ အချိန်အခါမှာ ဒကာ ဒကာမတွေကလည်း အရှင်ဘုရားတို့ တပည့်တော်တို့ဟာ ဒီအသားတွေ ငါးတွေကို ရဟန်းတော်တို့အတွက် ရည်ရွယ်ပြီးတော့ ပြုပြင်စီမံထားတာ
မဟုတ်ပါဘူး။ တပည့်တော်တို့ စားဖို့ရန်အတွက် ပြုပြင်စီမံထားတာပါ။ မင်းချင်းယောက်ျား အစရှိတဲ့ ပုဂ္ဂိုလ်တွေအတွက် ရည်ရွယ်ပြီးတော့ ပြုပြင်စီမံထားတဲ့ အသားငါးသာ ဖြစ်ပါတယ်။ အဲဒီလို လျှောက်ထား ခဲ့ကြမယ်ဆိုလို့ရှိရင်တော့ ဒါ အပ်ပါတယ်။ ဒါ သံသယမရှိသင့်တော့ဘူး
နော်။
ဒီနေရာမှာလည်း ခုနကလို ဒကာက ၀ိနည်းနားလည်လို့ ကျိတ်ဝိုင်းထိုင်တဲ့ ပုံစံဆိုရင်တော့ အပ်
ပါ့မလား? မအပ်ဘူးနော်။ နောက်တစ်ခု ---
ရဟန်းတော်တို့အတွက် ရည်ရွယ်ပြီးတော့ သတ်တယ်လို့ မမြင်ဘူး။ ရည်ရွယ်ပြီး သတ်တယ်ဆိုတာလည်း ကြားလည်း မကြားဘူး။ တစ်နည်းပြောရင်တော့ ခုနက ပိုက်ကွန်တွေ ဆောက်ပုတ်
တွေ ယူပြီးတော့ သွားတာကိုမြင်လည်း မမြင်ဘူး၊ ကြားလည်မကြားဘူး။ ဒါပေမဲ့လို့ ရွာထဲ ဆွမ်းခံရောက်လိုက်တဲ့အချိန်ခါမှာ ဒီရဟန်းတော်ရဲ့ သပိတ်ကို ဒကာတွေကယူတယ်။ ဒါ ရှေးရှေးယဉ်
ကျေးမှုပဲနော်။ ယူပြီးတဲ့ အချိန်အခါကျတော့ အသားငါးနှင့်တကွ စီမံထားတဲ့ ဆွမ်းတွေကို သပိတ်ထဲ လောင်းထည့်ပြီးတော့ ရဟန်းတွေကို လာကပ်ပြီ။ လာကပ်လိုက်တဲ့ အချိန်အခါ သပိတ်ထဲကြည့်လိုက်တော့ ဒီအသားငါးတွေ တွေ့ပြီ၊ တွေ့တော့ ဘာဖြစ်သလဲ?
ရှေးယခင်က ဘုရားရှင်လက်ထက်မှာ အများအားဖြင့် သပိတ်ဖုံးကို အသုံးမပြုကြဘူးနော်။ သပိတ်ဖုံး အသုံးမပြုတဲ့အခါကျတော့ သပိတ်ကြီးက ပွင့်လျက်သားကြီးဆိုတော့ လှမ်းကြည့်လိုက်
လို့ရှိရင် မမြင်ဘူးလား? မြင်နေတယ်။
အလှူရှင်ဆိုတာကလည်း သူလှူတာ ဘာလှူတယ်ဆိုတာလေး နည်းနည်း ဖော်ပြချင်တယ်နဲ့ တူပါတယ်နော်။ အောက်ကနေ အသာလေး ဆွမ်းလေးနဲ့ ဖုံးမထားဘူး။ သူကလည်း အပေါ်
ဖော်ထားပြန်တယ်။ အပေါ်ဖော်ထားတော့ ရဟန်းတော်ကလည်း သူက နည်းနည်း သံသယကြီးတဲ့ ပုဂ္ဂိုလ်ဆိုတော့ လှမ်းကြည့်လိုက်တော့ မြင်နေပြီ။ မြင်နေလိုက်တဲ့ အချိန်အခါကျတော့ဘာဖြစ်လာသလဲ?
ရဟန်းတော်တို့အတွက်များ ပြုပြင်စီမံထားလေသလားဆိုပြီးတော့ စိတ်ထဲ သံသယ ဖြစ်လာကြတယ်။
ဤကဲ့သို့ သံသယရှိခြင်းသည်ကား၊ မြင်ခြင်းကြားခြင်းဆိုတဲ့ ထိုအစွန်းနှသ်ဘက်မှလွတ်သောသဲသယရှိခြင်း မည်ပါပေ၏။
မြင်လို့ သံသယရှိတာလည်း မဟုတ်ဘူး၊ ကြားလို့ သံသယရှိတာလည်း မဟုတ်ဘူး၊ မြင်ခြင်းကြားခြင်း ဒီနှစ်မျိုးမှ လွတ်ပြီးတော့ ဖြစ်ပေါ်လာတဲ့ သံသယပဲ။ အိမ်မှာ ကြက်ရိုက်ချက်တာ ကိုယ်ကိုယ်တိုင် မမြင်ဘူး၊ ကြားလည်းမကြားဘူး၊ ဒါပေမဲ့ စားပွဲထဲမှာ ရောက်လာပြီဆို
လို့ရှိရင်တော့ သံသယ မရှိဘူးလား? ဒကာကြီး။
မြင်ခြင်း ကြားခြင်းဆိုတဲ့ နှစ်ပါးမှ လွတ်ပြီးတော့ သံသယရှိပုံပဲ။ မိမိတို့ကိုယ်တိုင် သတ်တယ်
ဆိုတာလည်း မမြင်ဘူး။ မိမိတို့အတွက် ရည်ရွယ်ပြီးသတ်တယ်ဆိုတာလည်း မကြားဘူး။ ဒါပေ
မဲ့ သံသယရှိနေတယ် ဘာဖြစ်လို့လဲ?
အထူးသဖြင့် တောအရပ်ဒေသတွေမှာကတော့ မသတ်မဖြတ်ဘဲနဲ့ စားရဖို့ဆိုတကတော့ အခက်အခဲတွေများစွာ ရှိတတ်ပါတယ်နော်။ ဒါကြောင့် ထမင်းဝိုင်းထဲမှာ ဒီကြက်သားတစ်ခု ပါ
လာပြီ ဆိုလို့ရှိရင်တော့ သံသယတော့ မဖြစ်သင့်ဘူးလား? တောဒေသအလိုက် ဖြစ်သင့်တာ
ပြောတာပါနော်။ သံသယ ဖြစ်သင့်ပါလျက်နဲ့ မိမိက သံသယမရှိပါဘူးလို့ ကိုယ့်ကိုကိုယ် လိမ်ပြီး စားလိုက်ခဲ့မယ်ဆိုရင် ရဟန်းတော်များအဖို့ကျတော့ သံသယရှိခဲ့ရင် ဘာဖြစ်လဲ?
သံသယဖြစ်လောက်တဲ့ အသားဖြစ်ခဲ့ရင် အလှူခံဖို့ရန်အတွက်တောင် မအပ်ဘူးနော်။
အကြင်အသားငါးသည်ကား ဤသို ယုံမှားသံသယမရှိ။ ထိုကဲ့သို့သော အသားငါးသည်ကား။
ရဟန်းတော်တို့အား အပ်စပ်ပါပေ၏။
သံသယတကယ်မရှိတာ ပြောတာနော်။ ကိုယ့်ကိုကိုယ် လိမ်ပြီးတော့ သံသယမရှိပါဘူးဆိုတဲ့ လုပ်တဲ့ပုံစံမျိုးကတော့ ရဟန်းဖြစ်ရင် အာပတ်သင့်မှာပဲ၊
လူဖြစ်လည်း အထိုက်အလျောက် ပါဏာတိပါတကံ ဖြစ်ပါတယ်။
တပည့်တော်တို့က ဒီအသားငါးတွေကို တပည့်တော်တို့ စားဖို့စီမံထားတာ၊ ရဟန်းတွေအတွက်
ရည်ရွယ်ပြီး စီမံထားတာလည်း မဟုတ်ဘူး။ တစ်နည်း မင်းချင်းယောက်ျား အစရှိတဲ့ ဧည့်သည်
တွေအလို့ငှာ စီမံထားတဲ့ အသားငါးသာ ဖြစ်ပါတယ်။ အရှင်ဘုရားတို့အတွက် တပည့်တော်
ရည်ရွယ်ပြီးတော့ စီမံထားတာ မဟုတ်ပါဘူး။ တကယ်လည်း ရဟန်းတော်တွေအတွက် မရည်
ရွယ်တာလည်း ဖြစ်ရမယ်နော်။ မိမိတို့စားဖို့ဆိုပြီးတော့ မိမိတို့ သတ်ဖြတ်ထားတာ ဖြစ်ချင်ဖြစ်
ပါစေ။ သို့မဟုတ် ဧည့်သည်တော် မင်းချင်းယောက်ျား အစရှိတဲ့ ဧည့်သည်တို့အလို့ငှာသတ်
ဖြတ်ထားတာလည်း ဖြစ်ချင် ဖြစ်ပါစေ။
မှန်နေခဲ့ရင်ပေါ့ ရဟန်းတော်အတွက်ဆိုတဲ့ ရည်ရွယ်ဦးတည်ချက် မရှိဘူး။ ယောဂီတို့အတွက် ရည်ရွယ်ဦးတည်ချက် မရှိဘူး။
ဖားအောက်တောရဆရာတော်
(အာမဂန္ဓသုတ္တန်)
Buddhavasa Tiloka
ဓမ္မစာပေများ တစ်ဆင့်မျှဝေခြင်းဖြင့် ကုသိုလ်ပွားများနိုင် ကြပါစေ .....
No comments:
Post a Comment