"ကံစီမံခြင်း မခံရလေအောင် (၁)"

 "ကံစီမံခြင်း မခံရလေအောင် (၁)"

★ ကြားဖူးတာလေး တစ်ခုက သားသတ်လိုင်စင်ရတဲ့ ပုဂ္ဂိုလ်တစ်ယောက်ဟာ သတ်ဖြတ်
နေရင်း စီးပွားတွေ တက်နေပြီး မကောင်းမှန်းသိလို့ အခြားသမ္မာအာဇီဝ အလုပ်လုပ်ရင်း
စီးပွားတွေ ကျပါသတဲ့။အဲဒါ ဘာကြောင့်ပါလဲ၊ ကံက စီမံနေလို့ပါပဲ..။
 

ချမ်းသာတာဟာ အတိတ်က ကောင်းမှုကြောင့်ဆိုရင် ပစ္စုပ္ပန်မကောင်းမှုက အတိတ်
ကောင်းမှုကိုထောက်ပံ့လို့ ချမ်းသာတာလား။ မဟုတ်ပါဘူး။ နှိပ်စက်လို့ ချမ်းသာတာပါ။
ဘယ်လိုနှိပ်စက်လဲဆိုရင်ကောင်းမှုအကျိုးတွေမြန်မြန်ကုန်သွားအောင်
 နှိပ်စက်တာပါ။

ဒါမှ မကောင်းမှုအသစ်ရဲ့အကျိုးတွေ မြန်မြန်ဝင်နိုင်ပါမယ်။

(ပျားရည်သုတ်ထားတဲ့ ဓားသွားကိုလျှက်နေသလို ပျားရည်ကပါးပါးလေးရယ်ပါ။
အဲဒါကို အဟုတ်ထင်ပြီးဆက်လျှက်နေရင် လျှာပြတ်ဖို့ပဲရှိပါတယ်။)

★ (အကျိုးမပေးသေးခင်တော့ မကောင်းမှုကို ပျားသကာလို ထင်ကြတယ်လို့ ဓမ္မပဒထဲမှာ
ဥပ္ပလဝဏ္ဏာထေရီကို ဖျက်ဆီးတဲ့ နန္ဒလုလင်နဲ့ ပက်သတ်ပြီး
မြတ်စွာဘုရားရှင်ကဟောတော်မူခဲ့ပါတယ်။)
ဒါဆို ကောင်းတာလုပ်ပြီး ဆင်းရဲတာကရော။ ပစ္စုပ္ပန်ကောင်းမှုက ချမ်းသာကို နှိပ်စက်လို့
ဆင်းရဲတာလား။ မဟုတ်ပါဘူး။ ထောက်ပံ့တာပါ။ ဆင်းရဲတွေကုန်သွားပြီး ချမ်းသာမှု
မြန်မြန်ရောက်အောင် ထောက်ပံ့တာပါ။

(အစွမ်းထက်တဲ့ ဆေးခါးကြီး သောက်ရသလိုပါပဲ။ ခဏသာ ခါးပေမယ့် ပြီးရင် နာကျင်
ဆင်းရဲမှုတွေပျောက်ပြီး ချမ်းသာရာ ရောက်ရမှာပါ။)

★ ရှင်သာရိပုတ္တရာ ပရိနိဗ္ဗာန်စံတော့ ရွှေပန်းခိုင်လေးနဲ့ ပူဇော်ဖို့လာတဲ့ရေဝတီဆိုတဲ့ ကလေး
မလေး လူအုပ်ကြီးနင်းခံရလို့ သေသွားသလို၊ ဥပုသ်စောင့်ပြီး ပြန်လာတဲ့ ဥပါသကာကြီး
လူသတ်ခံရလို့ သေသွားသလို မျက်မြင်အားဖြင့် (ကောင်းတာလုပ်ရင်းက) ကံဆိုးရသလို
လိုနဲ့ အမှန်က သူတို့ ဝဋ်ကြွေးမြန်မြန်ကျေပြီး ပိုကောင်းတဲ့ ဘဝကို ရရှိသွားကြတာမျိုးပါ။

★ သတ္တဝါတို့ကို စီမံတတ်တဲ့ ကံက (၄) မျိုးရှိပါတယ်။
အဲဒါတွေကတော့-
(၁) ဖြစ်စေတတ်တဲ့ကံ (ဇနကကံ)
(၂) ထောက်ပံ့တတ်တဲ့ကံ (ဥပတ္ထမ္ဘကကံ)
(၃) ညှင်းပန်းနှိပ်စက်တတ်တဲ့ကံ (ဥပပီဠကကံ)
(၄) သတ်ဖြတ်တတ်တဲ့ကံ (ဥပဃာတကကံ) တို့ပါပဲ။

(၁) ဇနကကံ - ကောင်းတဲ့အကျိုးကိုပဲဖြစ်ဖြစ်၊ မကောင်းတဲ့အကျိုးကိုပဲဖြစ်ဖြစ် ဖြစ်စေ
တတ်တဲ့ကံပါ။
(၂) ဥပတ္ထမ္ဘကကံ -ပေးပြီးသားကောင်းကျိုးကိုပိုကောင်းအောင်၊
မကောင်းကျိုးကို ပိုဆိုးအောင်ထောက်ပံ့တတ်တဲ့ကံပါ။
(၃) ဥပပီဠကကံ -ပေးပြီးသား ကောင်းကျိုးကို အားနည်းအောင်၊ မကောင်းကျိုးကိုလည်း
အားပျော့အောင်နှိပ်စက်တတ်တဲ့ကံပါ။
(၄) ဥပဃာတကကံ -ကောင်းကျိုးကိုပြတ်တောက်စေပြီး မကောင်းကျိုးကိုဖြစ်စေတတ်၊
မကောင်းကျိုးကို ပြတ်တောက်စေပြီး ကောင်းကျိုးကို ဖြစ်စေတတ်တဲ့
ကံပါ။

★ ဥပမာ -
(၁) လူဘဝကိုရခြင်းဟာ ကုသိုလ်ဇနကကံကြောင့်ပါ။
(၂) ထိုလူ ကျန်းမာ၊ ချမ်းသာနေခြင်းဟာ ကုသိုလ် ဥပတ္ထ မ္ဘကကံက
ထောက်ပံ့ လို့ပါ။
(၃) ထိုလူ ရောဂါထူ၊ ဆင်းရဲနေခြင်းဟာ အကုသိုလ်ဥပပီဠကကံက ညှင်းဆဲလို့ပါ။
(၄) ထိုလူသေဆုံးသွားခြင်း၊ လူ့ဘဝပြတ်သွားခြင်းဟာ အကုသိုလ် ဥပဃာတကကံ
က သတ်ဖြတ်လို့ပါ။

★ နောက်ဥပမာတစ်ခု -
(၁) ခွေးဘဝရခြင်းဟာ အကုသိုလ် ဇနကကံကြောင့်ပါ။
(၂) ခွေးပိန်၊ ခွေးဝဲစားဖြစ်ခြင်းဟာ အကုသိုလ် ဥပတ္ထမ္ဘကကံက ထောက်ပံ့လို့ပါ။
(၃)ချမ်းသာတဲ့သူက အဲဒီခွေးကို ကောက်ယူမွေးစားပြီး ကောင်းမွန်စွာ စားသောက်
နေထိုင်ရခြင်းဟာ ကုသိုလ်ဥပပီဠကကံက (ခွေးရဲ့အကုသိုလ်ကံကို အားနည်းသွားအောင်)
နှိပ်စက်လို့ပါ။
(၄) ခွေးဘဝ ပြတ်စဲသေဆုံးသွားပြီး ကောင်းရာဘဝရောက်ခြင်းဟာ
ကုသိုလ်ဥပဃာတက
ကံက(အကုသိုလ်ကံကို)ဖြတ်တောက်လိုက်လို့ပါ။

★ ကုသိုလ်ဇနကကံကြောင့် ထီပေါက်တယ်။
ကုသိုလ် ဥပတ္ထမ္ဘကကံက ထောက်ပံ့လို့ ဆုကြီးကြီး ပေါက်တယ်။
အကုသိုလ်ဥပပီဠကကံကနှိပ်စက်လို့ ဆုသေးသေးလေးပဲ ပေါက်တယ်။
အကုသိုလ်ဥပဃာတကကံကဖြတ်တောက်လိုက်လို့ ထီလက်မှတ်ပျောက်လို့
တစ်ပြားမှမရဖြစ်ရပါတယ်။

★ အကုသိုလ် ဇနကကံကြောင့် ကားမှောက်တယ်။
အကုသိုလ် ဥပတ္ထမ္ထကကံက ထောက်ပံ့လို့ ပြင်းပြင်းထန်ထန် ဒဏ်ရာရတယ်။
ကုသိုလ် ဥပပီဠကကံက နှိပ်စက်လို့ ဒဏ်ရာအနည်းငယ်သာ ရတယ်။
ကုသိုလ် ဥပဃာတကကံကဖြတ်တောက်လိုက်လို့ ဘာဒဏ်ရာမှ မရဘဲ အနာလွတ်ကင်း
ချမ်းသာရတယ်။

★ ဒီလိုပါပဲ ကုမ္ပဏီတစ်ခုဖြစ်ပေါ်လာခြင်း၊ တိုးတက်လာခြင်း၊ ဆုတ်ယုတ်လာခြင်း၊ ပျက်စီး
သွားခြင်းများ စသည်ဖြင့် အကျိုးတရားတွေကို မိမိဥာဏ်နဲ့ ချိန်ထိုးကြည့်နိုင်ပါတယ်။
ဖြစ်စေတတ်တဲ့ ဇနကကံပေါ် မူတည်ပြီး တိုးတက်မှာလား၊ ဆုတ်ယုတ်မှာလား၊
ပျက်စီးသွားမှာလားဆိုပြီး ကျန်တဲ့ကံ(၃)ပါးအနက် တစ်ပါးပါးက လာတွဲမှာပါ။
ဖြစ်စေတတ်တဲ့ကံကို - အမျိုးတူတဲ့ကံက (ကုသိုလ်ကို ကုသိုလ်က) (အကုသိုလ်ကို အကုသိုလ်က)ထောက်ပံ့ပြီး၊အမျိုးမတူတဲ့ကံက (ကုသိုလ်ကို အကုသိုလ်က)
(အကုသိုလ်ကို ကုသိုလ်က) ညှင်းဆဲနှိပ်စက်၊သတ်ဖြတ်ကြပါတယ်။

(" NANDA THITSA THERAVADA BUDDHISM & MEDITATION CENTER
2119, West 6th Street, Brooklyn, New York 11223,USA" စာမျက်နှာမှ)

ဆက်လက်ကူးယူဖော်ပြပါမည် အားလုံးကျန်းမာချမ်းသာကြပါစေ...။
_/\\_ _/\\_ _/\\_

" NANDA THITSA THERAVADA BUDDHISM & MEDITATION CENTER
2119, West 6th Street, Brooklyn, New York 11223,USA" စာမျက်နှာမှ

 Creat Post By ....   Pay Thoe