“ကာမဂုဏ်တို့၏ အပြစ်”
ကာမဂုဏ်ဆိုတာ ငြိကပ်တတ်တဲ့သဘောရှိတဲ့အတွက် ညွန်နဲ့လည်း တူတယ်။ ညွန်ကြီးလို့သုံးထားတယ်။ ညွန်ကြီးဆိုသော်လည်း သူက ရွှံ့ဗွက်ပါပဲ။ အလွန် ကြီးကျယ်တဲ့ ရွှံ့ဗွက်ကြီးနဲ့လည်း တူတယ်တဲ့။ နောက်တစ်ခု ညွန်ပျောင်း။ ညွန်ပျောင်းဆိုတာကတော့  သဲထူထပ်တဲ့မြစ်ကမ်းပါးတွေမှာ များသောအားဖြင့် ရှိတတ်ပါတယ်။ သဲနဲ့ မြေနဲ့ ရောပြီးတော့ နုန်းတစ်ဝက်
ဖြစ်နေတယ်။ အဲဒီ နုန်းက လှုပ်လိုက်လျှင် မြုပ်သွားတယ်။
ရုန်းထွက်ဖို့ အင်မတန် ခက်ခဲတယ်။ ဒီအတိုင်းပဲ သက်ရှိသက်မဲ့ ကာမ၀တ္ထုအစုစု ဆိုတာကလည်း ငြိကပ်တွယ်တာတတ်တဲ့သဘောကြောင့် ညွန်ကြီးနဲ့လည်းတူတယ်။ ရုန်းထွက်ဖို့ရန်အင်မတန်ခက်ခဲတဲ့အတွက်ကြောင့် ညွန်ပျောင်းနဲ့
လည်းတူပါတယ်။ ဒီကာမဂုဏ်တွေဆိုတာ
က သတ္တ၀ါတစ်ဦးရဲ့ စိတ်ဓာတ်ကိုအလွန် ဆွဲဆောင်နိုင်တဲ့စွမ်းအား ရှိပါတယ်။ နောက်တစ်ခု ---
ကာမဂုဏ်ဆိုတဲ့ ရေအယဉ်ကျောမှာ မျောပါမိပြီ နစ်မြုပ်မိပြီဆိုလျှင်တော့ အဲဒီ ကာမဂုဏ် ၀ဲဂယက်ကနေ လွတ်မြောက်အောင် ကူးခတ်ဖို့ရန်ဆိုတာလည်း အလွန် လွန်မြောက်နိုင်ခဲတဲ့သ
ဘော ရှိပါတယ်။ ကာမဂုဏ်ဆိုတဲ့ ညွန်အိုင်မှလည်း ကျော်လွှား လွန်မြောက်ဖို့ဆိုတာ အင်မတန် ခက်ခဲပါတယ်တဲ့။
ဒါယကာကြီး ဒါယိကာမကြီးတွေ သူပြောလိုက်တဲ့ စကားကလေးကို သေသေချာချာ စဉ်းစား
ကြည့်စမ်းပါ။ ကာမဂုဏ်တွေဟာ စိတ်ဓာတ်ကို အင်မတန် ဆွဲဆောင်နိုင်တဲ့စွမ်းအား ရှိတယ်၊ ဒီကာမဂုဏ်တွေမှ လွတ်အောင်ရုန်းထွက်ဖို့ရန်အတွက်လည်း အလွန် ခက်ခဲတယ်တဲ့။ ဟုတ်သလား, မဟုတ်ဘူးလား? ဟုတ်နေတယ်။
ဒါယကာကြီးတွေ ... ဒီနေ့ ဘုန်းကြီး ကျောင်းပြန်တဲ့အခါ လိုက်ခဲ့ပါလို့ခေါ်လျှင် လိုက်နိုင်ပါ့မ
လား? မလိုက်နိုင်ဘူး။ ဘာဖြစ်လို့လဲ? ဒီကာမဂုဏ်တွေက စိတ်ဓာတ်ကို မသွားပါနဲ့ မလိုက်ပါနဲ့လို့ ဆွဲခေါ်ထားတယ်။ ဒီကာမဂုဏ်တွေကို လွတ်အောင် ရုန်းထွက်မယ်ဆိုလျှင်လည်း လွတ်
အောင် ရုန်းထွက်နိုင်တဲ့ စွမ်းအားတွေက အင်မတန် လျော့နည်းနေတယ်။ စွမ်းအင်တွေ က
လည်း မရှိ ဖြစ်နေတယ်။ နောက်တစ်ခု ---
ဒီကာမဂုဏ်တွေသည် သေမင်းရဲ့ တည်ရာလည်း ဖြစ်ကြတယ်တဲ့။ ဘာကြောင့် သေမင်းရဲ့ တည်ရာ ဖြစ်ရသလဲဆိုတာနဲ့ ပတ်သက်ပြီးပြောရမယ်ဆိုလျှင်တော့ သက်ရှိသက်မဲ့ ကာမ၀တ္ထု
အစုစုတွေအပေါ်မှာ တွယ်တာတပ်မက်နေတဲ့သဘောကို ဘာခေါ်သလဲ? တဏှာလို့ ခေါ်တယ်။
အဲဒီ တဏှာတရားက ဘာသစ္စာ ခေါ်သလဲ? သမုဒယသစ္စာ။ သမုဒယသစ္စာတရား ထင်ရှားရှိ
နေလျှင် နောက်ထပ် ဒုက္ခသစ္စာတရားတွေ ထင်ရှား မဖြစ်ဘူးလား? ဖြစ်မယ်။ ခန္ဓာငါးပါး ရုပ်တ
ရား နာမ်တရားတွေ ဖြစ်မယ်။ ခန္ဓာငါးပါး ရုပ်တရား နာမ်တရား ရှိနေတဲ့ ပုဂ္ဂိုလ်မှန်ခဲ့လျှင်နောက်ထပ်မသေရဘူးလား? သေရဦးမယ်။
ဒါကြောင့် ကာမဂုဏ်တွေအပေါ်မှာ တွယ်တာတပ်မက်နေတဲ့ တဏှာတရား ထင်ရှားရှိနေတဲ့ ဒီ
ပုဂ္ဂိုလ်သည် သေမင်းရဲ့ တည်ရာဖြစ်တဲ့ ဒုက္ခသစ္စာတရားတွေကို လှမ်းပြီး တွယ်တာမက်မော
နေတာနဲ့မတူဘူးလား? တူနေတယ်။
ဒီကာမဂုဏ် ညွန်ပျောင်းထဲမှာ နစ်နေတဲ့ သတ္တဝါတွေ မရှိကြဘူးလား? ရှိကြတယ်။
အဲဒီ နစ်နေတဲ့ သတ္တ၀ါတွေဟာ ယုတ်ညံ့တဲ့ စိတ်ဓာတ်တွေရှိကြတယ်တဲ့။ ဘာပြောတာလဲ?
ကာမဂုဏ်ကို ခံစားချင်တဲ့ စိတ်ဓါတ်တွေကို ယုတ်ညံ့တဲ့ စိတ်ထားလို့ ခေါ်ပါတယ်။ ဘာဖြစ်လို့ ယုတ်ညံ့သလဲ? ကာမဂုဏ်ကို ခံစားချင်တဲ့ စိတ်ဓာတ်က ကာမဂုဏ်တွေအပေါ်မှာ တွယ်တာ
တပ်မက်တဲ့ တဏှာကို အခြေခံတယ်။ ဒီတဏှာသည် အပါယ် (၄)ဘုံသို့ ရောက်တဲ့အထိ သတ္တ၀ါတွေကို ပစ်ချနိုင်တဲ့ စွမ်းအား မရှိဘူးလား? ရှိတယ်။ ကာမဂုဏ်ကို ခံစားနေတဲ့ အဲဒီစိတ်ထားတွေဟာ အပါယ် (၄)ဘုံအထိ ပစ်ချနိုင်တဲ့ စွမ်းအားရှိခြင်းကြောင့် ဒီလို စိတ်ထားမျိုးကို ယုတ်ညံ့
တဲ့ စိတ်ထားလို့ မခေါ်နိုင်ဘူးလား? ခေါ်နိုင်ပါတယ်။
ဒါကြောင့် ဘုရားရှင်ကလည်း အာဒိတ္တပရိယာယသုတ္တန်မှာ ဒီလို ဆိုဆုံးမ ထားတော်မူခဲ့ပါတယ်။
ဒီပါဠိတော်က ဘာကို ဆိုလိုပါသလဲ? သတ္တ၀ါအချင်းချင်း မြင်တွေ့တဲ့အခါ, တစ်ယောက်အသံ
ကို တစ်ယောက်က ကြားတဲ့အခါ, တစ်ယောက်ရဲ့အနံ့ကို တစ်ယောက် ခံယူရတဲ့အခါ သို့မဟုတ် တစ်ယောက်နှင့် တစ်ယောက်တွေ့ထိတဲ့အရသာကို ခံစားနေတဲ့အခါ ဒါက ယောက်ျား, ဒါ
က မိန်းမ, ဒါကသား, ဒါက သမီး, ဒါက အဖိုးကြီး, ဒါက အဖွားကြီး စသည်ဖြင့် တစ်ကိုယ်လုံးရဲ့ အမှတ်နိမိတ်ကိုသော်လည်း စွဲယူနေမိတတ်တယ်။
ဒါက မျက်နှာ, ဒါက လက်, ဒါက မျက်လုံး, ဒါက မျက်ခုံး စသည်ဖြင့် ကိုယ်အင်္ဂါ အစိတ်အပိုင်းတစ်ခုခုကိုသော်လည်း စွဲယူနေမိတတ်တယ်။ ဒီလို စွဲယူရုံတွင် မကဘဲ တစ်ကိုယ်လုံးအပေါ်
မှာ သို့မဟုတ် ကိုယ်အင်္ဂါ အစိတ်အပိုင်း တစ်ခုခုအပေါ်မှာ၊ ပြုံးဟန်-ရယ်ဟန်စတဲ့ အသေးစိတ် ကိုယ်အမူအရာ တစ်ခုခုအပေါ်မှာ နှစ်သက်မှုဖြင့် ရစ်ပတ်နှောင်ဖွဲ့ပြီး တည်နေတဲ့ စိတ်အစဉ်တွေသော်လည်းဖြစ်ချင် ဖြစ်နေမယ်။ ဒါကြောင့် ဘုရားရှင်က ----
ဒီလို နှစ်သက်သာယာမှုဖြင့် ရစ်ပတ်နှောင်ဖွဲ့ပြီး တည်နေတဲ့ စိတ်အစဉ်ကို ကမ္မဝိညာဏ်လို့
ခေါ်ဆိုပါတယ် နောင်တစ်ဖန် ဘဝသစ်၌ ပဋိသန္ဓေအကျိုးကို ပေးခြင်းငှာ စွမ်းနိုင်တဲ့ ၀ိညာဏ်မျိုး ဖြစ်ပါတယ်။
ဘယ်လို ပဋိသန္ဓေမျိုးကို ပေးမှာလဲ? ဘုရားရှင်က ဆက်ပြီး ဟောတော်မူပါတယ်။
ဒီလို ဘ၀သစ်ကို ဖြစ်စေနိုင်တဲ့ စွမ်းအင် အပြည့်အ၀ ရှိနေတဲ့ နှစ်သက်သာယာမှုဖြင့် ရစ်ပတ်နှောင်ဖွဲ့ပြီး တည်နေတဲ့ စိတ်အစဉ်တွေ ဖြစ်နေတုန်းဖြုန်းခနဲ သေလွန်သွားခဲ့လျှင် ဒီစိတ်အ
စဉ်တွေကလည်း မရဏာသန္နဇောရဲ့နေရာအထိ အပြည့် ယူသွားခဲ့မယ်ဆိုလျှင် ငရဲနှင့် တိရစ္ဆာန်
နှစ်မျိုး တစ်မျိုးမျိုးသော ဘုံဘ၀သို့ ရောက်မယ်ဆိုတဲ့ ဒီသဘောတရားကတော့ ထင်ရှား ဧကန် ရှိနေပါတယ်လို့ ဘုရားရှင်က ဟောကြားထားတော်မူပါတယ်။
ကာမဂုဏ် ဗွက်ညွန်အိုင်အတွင်းမှာ ထာဝစဉ် နစ်မြုပ်နေတဲ့ ရုန်းမထွက်နိုင်သေးတဲ့သူတွေ စဉ်း
စားသင့်တဲ့ အကြောင်းအရာတွေ ဖြစ်ပါတယ်။
ဒီလိုဆိုလျှင် ဒီနေ့ တရားနာနေတဲ့ ပရိသတ်တွေ ဒီလို ကာမဂုဏ်ကို ခံစားချင်တဲ့ ယုတ်ညံ့တဲ့ စိတ်ထားတွေ ရှိရမလား, မရှိရဘူးလား, မရှိရဘူးတဲ့။
အကယ်၍ရှိနေခဲ့မယ်ဆိုလျှင် ဘယ့်နှယ်လုပ်မလဲ?
ဤငြိကပ်တွယ်တာတတ်သော ကိလေသာ ညွန်ကြီး၌၊ ဤကျွံနစ်စေတတ်သော ကိလေသာ ညွန်ပျောင်း၌၊ နစ်မြုပ်၍ နေကြကုန်သော သတ္တဝါတို့သည် ယုတ်ညံ့သော စိတ်ထားရှိကြကုန်သည်ဖြစ်၍ နိဗ္ဗာန်ဆိုတဲ့ ထိုမှာဘက်ကမ်းသို့ မကူးမြောက်နိုင်ကြပါပေကုန်။
ဒီလို ယုတ်ညံ့တဲ့စိတ်ထားမျိုး ရှိနေမယ်ဆိုလျှင် နိဗ္ဗာန်ဆိုတဲ့ ထိုမှာဘက်ကမ်းသို့ ရောက်
နိုင်ပါ့မလား? မရောက်နိုင်ဘူးတဲ့။
ဖားအောက်တောရဆရာတော်
(အလောင်းတော်တို့တောထွက်တော်မူကြပြီ)
Buddhavasa Tiloka
No comments:
Post a Comment