*** ဘုရားရှင်ပရိနိဗ္ဗာန်ပြုတော်မူခြင်းနှင့် ပံ့သကူ ၀က်ပျိုသားဟင်း ဆက်စပ်မှု ***

ဘုရားရှင် ပရိနိဗ္ဗာန်ပြုတော်မူတာဟာ အသားဟင်းရဲ့ ပယောဂ မကင်းဘူးဆိုတာနဲ့ ပတ်သက်ပြီး အနည်းငယ် ရှင်းလင်းပြောပြချင်ပါတယ်။ ဘုရားရှင် နောက်ဆုံး ဘုဉ်းပေးတော်မူတာဟာ ပန်းထိမ်သည်ရဲ့သား စုန္ဒရဲ့ ပံ့သကူ ၀က်ပျိုသားဟင်းပါ။ ဘုရားရှင် ပရိနိဗ္ဗာန်ပြုတော်မူတာဟာ အကြောင်းရင်း အမျိုးမျိုးရှိပါတယ်။

အဲဒါတွေကတော့ -

(၁) လူ့သက်တမ်း တိုတဲ့အချိန်မှာ ပွင့်တော်မူပြီး သက်တမ်းတော်ပြည့်ပြီ ဖြစ်တာက တစ်ကြောင်း၊

(၂) သာသနာတော်ကို ဆက်လက် ထိန်းသိမ်းစောင့်ရှောက်မယ့် ပရိတ်သတ်လေးပါး စုံညီပြီဖြစ်တာက တစ်ကြောင်း၊

(၃) ဘုရားရှင် ကိုယ်တော်တိုင် ချေချွတ်ရမယ့် သတ္တ၀ါကုန်ပြီ ဖြစ်တာကတစ်ကြောင်း၊

(၄) နောက်ဆုံး ကျန်တဲ့ ၀ဋ်ကြွေးတော်ဖြစ်တဲ့ - ဘ၀တစ်ခုမှာ ဆေးဆရာဖြစ်ပြီး လူနာက ဆေးဖိုးမပေးနိုင်တာနဲ့ မကျေနပ်တာကြောင့် ခဏတာ စိတ်ရိုင်းဝင်ပြီး လူနာကို အားတိုးဆေးပါ ဆိုပြီး ၀မ်းနုတ်ဆေးတွေ ကျွေးမိတာကြောင့် လူနာမှာ ၀မ်းလျှောတဲ့ ဝေဒနာကိုပါ အလူးအလဲ ထပ်ခံစားရပါတယ်။ ဒါပေမယ့် ဘုရားလောင်းပီပီ အချိန်မှီ မိမိမှားမှန်းသိ၍ ၀န်ချတောင်းပန်၍ ဆေးပြန်ကုပေးပါသော်လည်း လူနာမှာ ၀မ်းလျှောခြင်းဝေဒနာကို ခံစားခဲ့ရပါတယ်။ ထိုဘ၀မှာ ပြုလုပ်ခဲ့မိတဲ့ ၀ဋ်ကြွေးကြောင့် ဘုရားဖြစ်တဲ့ နောက်ဆုံးဘ၀မှာ ဒီဝဋ်ကြွေးကို ပေးဆပ်ရတဲ့ အနေနဲ့ ၀မ်းတော်လားပြီး ပရိနိဗ္ဗာန်ပြုတော်မူတာ ဖြစ်ပါတယ်။

ဝက်ပျိုသားဟင်းကြောင့် မဟုတ်သလို အသားဟင်းရဲ့ ပယောဂ မပါဘူးလို့ ဆရာတော်တစ်ပါးက မိန့်ဖူးပါတယ်။ ၀မ်းတော်လားနေချိန်မှာ အင်အားအလွန်နည်းနေတော်မူနေပေမယ့်

(၁) ဘုရားရှင်တို့ မစွန့်အပ်သော ဖွား ပွင့် ဟော စံ ဌာနကြီးလေးခုမှာ ဘုရားရှင်အဆူဆူတို့ ပရိနိဗ္ဗာန်ပြုတော်မူကြရာ အရပ်ဒေသဖြစ်တဲ့၊

(၂) ကိုယ်တော်တိုင် ချေချွတ်ရမယ့် နောက်ဆုံးသာဝကဖြစ်တဲ့ သုဘဒ္ဒရဟန်းရှိရာ အရပ်ဖြစ်တဲ့၊

(၃) နောင်ဓာတ်တော်ဝေရာမှာ ခုနှစ်ပြည်ထောင်မင်းတွေ စစ်မတိုက်ကြပဲ ငြိမ်းချမ်းစွာ ဓာတ်တော်တွေကို ခွဲဝေပေးနိုင်မယ့် အဲဒီ့မင်းတွေရဲ့ ငယ်ဆရာဖြစ်တဲ့ ဒေါန ပုဏ္ဏားရှိရာ အရပ်ဖြစ်တဲ့

မလ္လာမင်းတို့ရဲ့ အင်ကြင်းဥယျာဉ်ကို ဈာန်တန်ခိုးအဘိညာဉ်မသုံးပဲ ခြေဗလာနဲ့ပဲ ပကတိခြေကျင်ကြွတော်မူပါတယ်။ ဒီနေ့ခေတ်မိုင်နဲ့ ဆိုရင် မိုင်ရာချီ ရှိမယ်ထင်ပါတယ်။ (ဒီနေရာမှာ မိုင်အတိအကျကိုတော့ ကျမ်းဂန်တွေထဲမှာတော့ တွက်ပြထားပါတယ်။ ဗုဒ္ဓဂါယာ မြေပုံကိုကြည့်ပြီးတွက်ရင်လည်းရပါမယ်။ သေချာတာကတော့ သက်တော်ရှစ်ဆယ်အရွယ်၊ ၀မ်းတော်လားတဲ့ ဝေဒနာကို သည်းခံရင်း သတ္တ၀ါတွေရဲ့ အကျိုးစီးပွားအတွက် မိုင်ရာချီတဲ့ ခရီးကို ဖိနပ်မပါ၊ ထီးမပါ၊ ပိုက်ဆံတစ်ပြားတစ်ချပ်မှ မပါပဲ မဟာကရုဏာရှေ့ထားပြီး ကြွတော်မူတာပါ။)

အဲဒီ့အပြင် လမ်းမှာ စုန္ဒလှူဒါန်းတဲ့ ပံသကူ ၀က်ပျိုသားဟင်းဟာ ဘုရားရှင်အတွက် အားဖြစ်စေပါတယ်။ ပရိနိဗ္ဗာန်ပြုတော်မမူခင် နောက်ဆုံးဘုဉ်းပေးတာဖြစ်တာကြောင့် နတ်တွေက နတ်သြဇာတွေ ထည့်ထားတာကြောင့် ဘုရားမှ တစ်ပါး ရဟန္ဒာများအပါအ၀င် ဘယ်ပုဂ္ဂိုလ်တစ်ဦးတစ်ယောက်ရဲ့ အစာအိမ်ကမှ ဒီအစာတွေကို ကြေညက်အောင် ကြိတ်ချေနိုင်စွမ်းမရှိတာကြောင့် ဘုရားရှင်တစ်ပါးတည်းကိုပဲ အဲဒီ့ ၀က်ပျိုသားဟင်းကို ကပ်စေပါတယ်။ ပြီးတော့ ဘုရားရှင်ဘုဉ်းပေးပြီးတာနဲ့ ချက်ချင်း ကျန်တာတွေကို တွင်းနက်နက်တူးပြီး မြေမြုပ်စေပါတယ်။ အဲဒီ ၀က်ပျိုသားဟင်းက ဘုရားရှင်အတွက်အားဖြစ်စေတယ်လို့ ဆိုပါတယ်။ အဲဒီ့အားနဲ့ပဲ ကုသိနာရုံထိ အရောက်ကြွပြီး နောက်ဆုံးသာဝကကို ချေချွတ်ပြီးမှ ပရိနိဗ္ဗာန်ပြုတော်မူတယ်လို့ စာမှာလာတယ်လို့ ပြောပါတယ်ခင်ဗျာ။

အဲဒါကို ၀က်သားမစားတဲ့ ဘာသာခြားတွေရော၊ မင်းကြီး မင်းလေးနတ်တွေ ကိုးကွယ်တဲ့ နတ်ကတော်တွေကရော သူတို့ ၀က်သားမစားတာကို ကာကွယ်ချင်တာရယ်၊ ဗုဒ္ဓဘုရားရှင်နဲ့ ဗုဒ္ဓဘာသာတရားကို နှိမ့်ချစော်ကားချင်တာကြောင့် ဗုဒ္ဓဘုရားရှင်ဟာ ၀က်သားစားလို့ ၀မ်းလျှောပြီး ပရိနိဗ္ဗာန်ပြုတော်မူတယ် (သူတို့အခေါ် သေတယ်) ဆိုပြီး မသိနားမလည်တဲ့ ဗုဒ္ဓဘာသာဝင်တွေကို ရှေးရှေးကတည်းက ပြောဆိုစည်းရုံးခဲ့ကြတာပါ။

အမှန်တော့ ဘယ်အသားမဆို အခန့်မသင့်ရင်၊ ချက်နည်းပြုတ်နည်း မမှန်ရင် စားတဲ့လူမှာ ရောဂါရမှာ အမှန်ပါပဲ။ အခုဆိုရင် ကြက်ငှက်တုပ်ကွေးရောဂါပိုးဟာ H1N1 အဆင့်မဟုတ်တော့ပဲ H7N9 အဆင့်ကိုတောင် ရောက်နေပါပြီ။ ကြက် ဘဲ အားလုံးမှာ ကူးစက်ခံရနိုင်ပါတယ်။ အဲဒီလိုပဲ ၀က်မှာလည်း ၀က်တုပ်ကွေး virus ရှိတာပါပဲ။ အမဲသားမှာလည်း နွားရူးရောဂါပိုးကြောင့် သတိထားနေရတာပါ။ ဟိုတလောကပဲ သြစီနဲ့ အမေရိကန်က သူတို့ဆီကို အမဲသားတွေ တင်သွင်းခွင့် ပိတ်လိုက်တာပါပဲ။ ဆိုလိုတာက ဗုဒ္ဓဘာသာကို မလိုလားသူတစ်ချို့တွေက ၀က်သားကို ဗန်းပြပြီး ဘုရားက ၀က်သားစားလို့ပဲ ၀မ်းတော်လားပြီး ပရိနိဗ္ဗာန်ပြုရသလို ပုံစံမျိုးတွေ လျှောက်ပြောနေကြတာပါ။ ဗုဒ္ဓဘာသာဝင်တွေ အယုံမလွယ်ကြဖို့ လိုပါတယ်။ ၀က်သားမှာမှ အပြစ်ရှိတာမဟုတ်ပါဘူး။ ဘယ်အသားမဆို အခန့်မသင့်ရင် အန္တရာယ်ဖြစ်တတ်ပါတယ်။ အသားတင်မဟုတ်ပါဘူး။ အသီးအရွက်စားရင်တောင် သပ္ပါယ မျှတအောင် မစားရင်၊ ချက်ပြုတ်ရာမှာ သန့်ရှင်းမှုမရှိရင်၊ မိမိနဲ့ ဓာတ်မတည့်တာမျိုးရှိရင် အချိန်မရွေး အန္တရာယ် ရှိတတ်ပါတယ်။

အဲဒီ့အပြင် မြတ်စွာဘုရားတို့ မည်သည် မည်သူတစ်ဦးတစ်ယောက်၏ ပယောဂကြောင့်မျှ ပရိနိဗ္ဗာန်စံဝင်ရခြင်းမျိုး ဘယ်သောအခါမှ မရှိလို့ ဘုရားရှင် ကိုယ်တော်တိုင် မိန့်ကြားဖူးပါတယ်။ မြတ်စွာဘုရားဟာ အစာအာဟာရကို မှီဝဲတာဟာ မဟာကရုဏာတော်ကြောင့် လူတွေကို ချီးမြှောက်တော်မူလိုတာကြောင့် မှီဝဲခြင်းဖြစ်ပါတယ်။ သမ္မာသမ္ဗုဒ္ဓမြတ်စွာဘုရားရှင်ကို ဆွမ်းလုပ်ကျွေးရတဲ့ ကုသိုလ်ထူးကို လူသတ္တ၀ါတွေကို ရရှိစေချင်တာကြောင့် လူတို့ကပ်တဲ့ ဆွမ်းကို အလှူခံယူတော်မူခြင်း ဖြစ်ပါတယ်။

ဒါ့အပြင် ဘုရားရှင်ဟာ ဆွမ်းဘုဉ်းပေးတဲ့ နေရာမှာ သပ္ပါယမျှတအောင် ဘုဉ်းပေးလေ့ရှိပါတယ်။ သဗ္ဗညုတဉာဏ်တော်ရှင် ဘုရားအနေနဲ့ သူများကပ်တဲ့ဆွမ်းကို အစားမှား ၀မ်းလျှောပြီး ပရိနိဗ္ဗာန်ပြုရတယ်ဆိုတာ ဖြစ်နိုင်ပါ့မလား ဗုဒ္ဓဘာသာဝင်စစ်စစ်တွေကို လေးလေးနက်နက် စဉ်းစားစေချင်ပါတယ်။ မလိုလားတဲ့သူတွေရဲ့ ကုန်းချောတဲ့ စကားကို အယုံမလွယ်ဖို့ မိမိကိုယ်တိုင်ရဲ့ ဉာဏ်နဲ့ ဘုရားဂုဏ်တော်တွေ ဘုန်းတော်တွေနဲ့ ယှဉ်ထိုးပြီး သေသေချာချာလေး စဉ်းစားပြီးမှ ဆုံးဖြတ်ကြပါလို့ တိုက်တွန်းပါတယ်။ ကာလာမသုတ္တန် ဒေသနာကို မမေ့ကြပဲ လိုက်နာကျင့်သုံးနိုင်ကြပါစေလို့ ဆန္ဒပြုလိုက်ပါတယ်။

credit to - Kaung kin thit

 

မေတ္တာဖြင့် ဝေမျှသူ

 

အနှိုင်းမဲ့စာတိုပေစများ