မြန်မာ့ရိုးရာယဉ်ကျေးမှုနှင့်ဗုဒ္ဓစေတိတော်များဆိုဒ်သို့ ၀င်ရောက်ဖတ်ရှုကြသော ဓမ္မမိတ်ဆွေစာဖတ်သူများအားလုံး ကိုယ်စိတ်နှစ်ဖြာ ကျန်းမာချမ်းသာကြပြီး သာသနာအကျိုး ဆထက်တိုး၍ ထမ်းရွက်နိုင်ပြီးလျှင် နိဗ္ဗာန်ဆွေပြည်ကြီးကို လျှင်မြန်စောစွာမှောက်မြောက်ပြုနိုင်ကြပါစေသတည်း။
Monday, February 24, 2014
“ကောင်းကံလုပ်နေပါလျှက် ကံမကောင်းရခြင်းအကြောင်း”
“ကောင်းကံလုပ်နေပါလျှက် ကံမကောင်းရခြင်းအကြောင်း”
••••••••••••••••••••••••••••••••••••••••••••••
ဒကာလေးတစ်ယောက်က မေးလာပါတယ်။
“တပည့်တော် မကြာခဏဆိုသလို
ကုသိုလ်တွေ လုပ်ဖြစ်ပါတယ်။
အထူးသဖြင့် ရေကုသိုလ်များများလုပ်ဖြစ်ပါတယ်တဲ့။
ဒါပေမယ့် တပည့်တော်ဘ၀က
ထူးခြားမလာဘူးဘုရား”
ဒီမေးခွန်းကတော့ မကြာခဏအမေးခံရတဲ့မေးခွန်း၊
ဆရာတော်များလည်း မကြာခဏ
ဖြေကြားပေးနေတဲ့မေးခွန်းလေးပါ။
ဘုရားရှင်လက်ထက်က “အနာထပိဏ်သူဌေး”ဆိုတာ
စွန့်ကြဲလှူဒါန်းတဲ့နေရာမှာ ဧတဒဂ်ရထား တဲ့သူပါ။
သောတာပန်ပုဂ္ဂိုလ်ဖြစ်ပြီး သီလကို ဘယ်တော့မှ
မချိုးဖောက်တော့တဲ့သူပါ။ ဒီလိုပုဂ္ဂိုလ်တောင်မှ
ကုန်းကောက်စရာမရှိအောင် ဆင်းရဲတဲ့ဘ၀ကို
ရောက်ခဲ့ဖူးတယ်။ သူဟာ ကောင်းတာတွေ
လုပ်နေပါလျက် ဘာလို့ခုလို ကံဆိုးမှုနဲ့ ကြုံရတာလဲ။
www.facebook.com/youngbuddhistassociation.mm
ဒီအကြောင်းကို ဘုရားရှင်ကိုယ်တော်မြတ်က
♦“မကောင်းတာလုပ်နေတဲ့သူဟာ မကောင်းတဲ့ကံ
အကျိုးပေးဖို့ မရင့်သန်သေးခင်မှာတော့
ကောင်းတာတွေ တွေ့မြင်ခံစားနေရပါတယ်။
ဒါပေမယ့် သူပြုထားတဲ့ မကောင်းကံတွေ
ရင့်သန်လာရင်တော့ မကောင်းကျိုးတွေ
ဆက်တိုက်ခံစားကြုံတွေ့ရပါလိမ့်မယ်။
♦ဆန့်ကျင်ဘက်အားဖြင့် ကောင်းတာလုပ်နေတဲ့သူဟာ
ထိုကုသိုလ်တွေ မရင့်သန်သေးခင်မှာတော့
အတိက်ကပြုခဲ့တဲ့ မကောင်းကျိုးလေးတွေ
တွေ့မြင် ခံစားရပါတယ်။ ထိုအကုသိုလ်ကံ
အားနည်းလာပြီး ကုသိုလ်ကံရင့်သန်လာချိန်မှာတော့
ကောင်းတဲ့အကျိုးတွေ ဆက်တိုက်
ကြုံတွေ့ခံစားရပါလိမ့်မယ်။”
ဟောကြားတော်မူပါတယ်။
ဒါကြောင့် ကောင်းတာလုပ်နေသော်လည်း
အချိန်မတန်သေးလို့ ဘ၀ထူးခြားမလာသေးတာပါ။
ကိုယ်လက်ရှိလုပ်နေတဲ့ကောင်းတဲ့အလုပ်ကို
ယုံကြည့်မှုအပြည့်အ၀ဖြင့် ဆက်လက်
လုပ်ဆောင်ဖို့လိုပါတယ်။
www.facebook.com/youngbuddhistassociation.mm
♠ယုံကြည်မှုအားနည်းရင် ရင့်ကျက်မှုအားနည်းမယ်။
♠နောက်တစ်ခုအကြံပေးချင်တာက ဘာကုသိုလ်ပဲ
လုပ်လုပ် ဘုရားလောင်းစိတ်ဓာတ်လို လုပ်ကြည့်ပါ။
ဘုရားလောင်းတို့ဟာ ဒါနစသည်
ကုသိုလ်လုပ် တဲ့အခါမှာ အကျိုးကို မစဉ်းစားပါဘူး။
အများသတ္တ၀ါတွေ ချမ်းသာစေဖို့ပဲ ကြည့်ပါတယ်။
ဒါကြောင့် အလှူခံပုဂ္ဂိုလ်မရွေးပါဘူး။
ရေအိုးစင်မှာ ရေဖြည့်တဲ့အခါ
“ဒီလိုရေဖြည့်လို့ ထီများပေါက်လေမလား၊
လူတွေက ငါ့ကို ချီးကျူးပြီး ဆုချမှာလား”ဆိုတဲ့
ရည်ရွယ်နဲ့ ဖြည့်တာထက်
“ငါဖြည့်လိုက်တဲ့ရေကို သောက်သုံးရလို့
ခရီးသွားသူ များဗိုလ်လူ အမောပြေ၊
အင်အားပြည့်ဝပြီး စိတ်ချမ်းသာပါစေ”ဆိုတဲ့
ရည်ရွယ်ချက်နဲ့ ဖြည့်တာ ဘယ်ဟာက
ပိုမြင့်မြတ်သလဲ စဉ်းစားကြည့်ပါ။
ဒါကြောင့် ဓမ္မမိတ်ဆွေများ ကောင်းကံလုပ်နေလျက်
ကံမကောင်းလာသေးလို့ စိတ်ဓာတ်မကျပါနဲ့ ။
ကံမကောင်းလာသေးလေ ကောင်းကံတွေ
တိုးပြီးလုပ်ရလေပါပဲ။ ဘုရားလောင်း
စိတ်ဓာတ်မွေးပြီး ကောင်း ကံတွေပြုလို့
“ကံကောင်းခြင်းလက်ဆောင်များ” ရရှိနိုင်ကြပါစေ။
- (ရွှေစမ်းမြေ အရှင်က၀ိဓဇသာရ)
Dhamma Danã Source ►
www.facebook.com/youngbuddhistassociation.mm
Subscribe to:
Post Comments (Atom)
No comments:
Post a Comment