****အရှိကိုအရှိတိုင်းမြင်မှ ချမ်းသာရ ****

 အရှိကိုအရှိတိုင်းမြင်မှ ချမ်းသာရ

<><><><><><><><><><>
လောကမှာ သူသူငါငါ သတ္တ၀ါတွေဟာ အာရုံငါးပါး
ကာမဂုဏ်တရားတွေ ခံစားနေရတာကို ပျော်စရာ
လို့ထင်နေကြတယ်။

နေ့စဉ်နှင့်အမျှ ဒီအာရုံတွေ ခံစားရဖို့ကိုပဲ ကြိုးစား
ရှာဖွေနေကြတယ် တွယ်တာမက်မော မခွဲနိုင်မခွာ
ရက်စွဲလမ်းနေကြတယ်

ဒီဘ၀မှာခံစားရတာကိုပင် မကျေနပ် မအားရလို့
မအို မနာ မသေပဲ အမြဲတမ်း အာရုံတွေ ခံစားနေရ
အောင် စိတ်ကူးယဉ် နိဗ္ဗာန် ဘုံကိုတောင် သတ္တ၀ါ
တွေဟာ ဖန်တီးမျှော်မှန်း နေကြရှာတယ်

အလွန်စစ်မှန်တဲ့ တန်ဖိုးရှိတဲ့ ဗုဒ္ဓတရားကိုကျတော့
အမျိုးမျိုး လက်လွတ်စပယ် ထင်ရာမြင်ရာ ဝေဖန်
နေကြပြန်တယ်

တကယ်တော့ ရုပ်နာမ် ခန္ဓာဘ၀ကိုက ငြီးငွေ့စရာ
ဒုက္ခတုံးကြီး အာရုံငါးပါးဆိုတာလဲ မမြဲတဲ့ဒုက္ခတရား ဆိုတာအလုပ်နဲ့မှ လက်တွေ့သိလာမှာပါ

သတ္တ၀ါတစ်ဦးရဲ့ ဖြစ်ခဲ့ရတဲ့ဘ၀တွေ ရှေ့ဆက်ဖြစ်
မယ့်ဘ၀တွေ များများမြင်ရလေ သူတော်ကောင်းတွေမှာ များများသနားခြင်း ဖြစ်ရလေပဲ

မြတ်စွာဘုရားရှင်တို့ရဲ့ မဟာကရုဏာဆိုတာ
ဒါကိုပြောတာပါ များများသိထားတော့
များများသနားနေရှာတာပေါ့ မသိတဲ့သတ္တ၀ါတွေက
တော့ပျော်မဆုံး မော်မဆုံးဖြစ်နေကြရှာတယ်

ဘုရားရှင်ကိုယ်တော်မြတ်ကြီးက သတ္တ၀ါအမျိုးမျိုး
ဘ၀အဖုံဖုံ ဒါတွေကို လက်ဝါးပေါ်တင်ပြီးကြည့်လို့
မြင်ရသလိုမြင်ပြီးမှ ဟောထားတဲ့တရားတွေပါ

ဘယ်သူမဆို ဒီလမ်းစဉ်ကို လုပ်ကြည့်ရင် ကိုယ်နှင့်
တန်သလောက် ပါရမီအလျှောက် ကိုယ်တိုင်သိနိုင်
ကြအောင်လဲ နည်းလမ်းတွေ ပေးထားပါတယ်

ဒါကြောင့် ထေရ၀ါဒဗုဒ္ဓဘာသာဟာ သတ္တလောက
သင်္ခါရလောက သြကာသလောက တစ်ခုလုံးကို
အရှိကို အရှိအတိုင်း မြင်အောင် သိအောင်
မယုံလာလှည့် စမ်း၍ကြည့်လို့ ကြွေးကြော်ဖိတ်
ခေါ်ပြီး ချမ်းသာကိုယ်စီရဖို့ ညွှန်ပြပေးနေတဲ့
ဘာသာလို့ စိတ်ချယုံ ကြရပါမယ်

(ဆရာတော်ဦးဥတ္တမသာရ)