“သရဏဂုံစွမ်းရည် အသက်ရှည်”

“သရဏဂုံစွမ်းရည် အသက်ရှည်”
••••••••••••••••••••••••••••
ဒေါ်ခင်မေ နေထိုင်သည်က ရွှေပြည်သာမြို့၊
၅/၅-ရပ်ကွက်၊ နှင်းဆီပန်းခြံ။
ယခု ဒေါ်ခင်မေအသက် ၆၀-ကျော်ခဲ့ပါပြီ။
“သရဏဂုံသုံးပါးမစွဲမြဲခဲ့ရင် အဒေါ့်အသက်ဟာ
၄၀-လောက်ကတည်းက သေနေပါပြီ” ဟု ဒေါ်ခင်မေက
အိမ်နီးချင်းများကို မကြာခဏ ပြောပြလေ့ရှိသည်။
ဒေါ်ခင်မေ ပြောပြမည် ဆိုလျှင်လည်း ပြောပြချင်စရာပင်။

ဒေါ်ခင်မေအသက် ၄၀-အရွယ်ခန့်က သေလုမျောပါး
ရောဂါတစ်ခုဖြင့် ရန်ကုန်ဆေးရုံသို့ တက်ရောက်ခဲ့ရ၏။
ရောဂါ ပြင်းထန်လွန်းအားကြီးသဖြင့်
ရုတ်တရက်မေ့မျောသွားခဲ့သည်။
ဒေါ်ခင်မေ၏ ဝိညာဉ်က ခန္ဓာကိုယ်မှခွာကာ
ဆေးရုံကြီးအတွင်း လှည့်ပတ်ကြည့်ရှုနေမိသည်။

ထိုအခါကျမှ ဘုရားဟောထားသည့် တရားတော်များ
မည်မျှမှန်ကန်လှကြောင်းကို လက်တွေ့မြင်ရပါတော့သည်။
အဘယ့်ကြောင့်ဆိုသော် ဆေးရုံကြီး အတွင်း၌ လူအရေအတွက်ထက်
“သရဲ၊ တစ္ဆေ၊ ပြိတ္တာ” အရေအတွက်က အဆ ပေါင်းများစွာ
သာလွန်နေသောကြောင့်ပါတည်း။ ဓမ္မကထိက ဆရာတော်တစ်ပါး
ဟောကြားသော တရားသံကလေးက ဒေါ်ခင်မေနားထဲတွင်
တဝဲဝဲနှင့် ကြားယောင်လာမိသည်။

“ဒကာ, ဒကာမတို့၊ အသေမြတ်ချင်ရင် သေနည်းသင်ရမယ်၊
ရွှေထီးကြီးမိုးပြီး သေရသော်လည်း အပါယ်ကျတယ်ဆိုရင်
အသေမြတ်တယ် မခေါ်ဘူး၊ လမ်းဘေးမှာ သေရတာဖြစ်သော်လည်း
သုဂတိဘုံရောက်ရင် ဒါအသေမြတ်တယ်လို့ ခေါ်ရမှာပဲ။

ဒကာ, ဒကာမတို့ ဒုက္ခအပေးဆုံး တရားကတော့
စွဲလမ်းတပ်မက်တဲ့ လောဘတရားပဲ။
လောဘက ပရမတ္ထတရားဖြစ်လို့ ဘယ်တော့မှ မဖောက်ပြန်
မပြောင်းလဲဘူး၊ ဘယ်လို မဖောက်ပြန်
မပြောင်းလဲသလဲဆိုတော့ လောဘရဲ့ သဘောက
လိုချင်တပ်မက်ခြင်းပဲ။

ခွေးသန္တာန်မှာ ဖြစ်လည်း လိုချင်တပ်မက်တာပဲ၊
လူ့သန္တာန်မှာဖြစ်လည်း လိုချင်တပ်မက်တာပဲ၊
နတ်သန္တာန်မှာဖြစ်လည်း လိုချင်တပ်မက်မှာပဲ၊
လိုချင်တပ်မက်ခြင်း သဘောက ဘယ်သောအခါမှ မဖောက်ပြန်ဘူး။

လောဘဟာ လိုချင်တပ်မက်ခြင်း သဘောက ဘယ်တော့မှ
မဖောက်ပြန်သလို လောဘကို လက်ခံထားတဲ့သူ
မှန်သမျှကိုလည်း တစ္ဆေ သရဲလို့ခေါ်တဲ့ ပြိတ္တာဘုံကို
ပို့ပေးခြင်းအလုပ်ကနေ ဘယ်တော့မှ ဖောက်ပြန်လိမ့်မယ် မဟုတ်ဘူး။

လူပုဂ္ဂိုလ်တွေ မဆိုထားနဲ့ ဘုရားလက်ထက်က
“တိဿရဟန်းကြီး” တောင် မိမိစွဲလမ်းတဲ့ သင်္ကန်းခေါက်ထဲမှာ
ခုနှစ်ရက်တိတိ သန်းပြိတ္တာ ဖြစ်ရသေးတယ် မဟုတ်လား။
အဲဒါကြောင့် ပြိတ္တာဘုံ မရောက်ချင်ရင် လောဘကို
ကြပ်ကြပ်ကြီး ထိန်းသိမ်းကြ”

“သြော် - ဘုရားတရားတော်တွေဟာ အမြဲတမ်း
မှန်ကန်နေတာပါပဲလား” ဟူသော အတွေးနှင့်အတူ
ပတ်ဝန်းကျင်ကို စေ့စေ့စပ်စပ် ကြည့်လိုက်မိပြန်သည်။
ဆေးရုံကုတင်တွေအောက်နှင့် ထုတ်တန်းတွေပေါ်ပါမကျန်
သရဲတစ္ဆေများ ပြည့်ကြပ်နေသည်ကို တွေ့ရသည်။
သူတို့ကို ကြည့်ပြီး မိမိကိုယ်တိုင်ပင် စိတ်ကျဉ်းကြပ်သလို
ဖြစ်လာသဖြင့် ဆေးရုံကြီး ခြံဝင်းကြီးထဲ ဆင်းလျှောက်လိုက်မိသည်။

ဆင်းလျှောက်ရင်းမှပင် “ငါ ကိုယ်တိုင်လည်းသေပြီး
ပြိတ္တာများ ဖြစ်နေပြီလား” ဟု တွေးလိုက်မိသဖြင့်
ရင်ထဲတွင် သိမ့်ခနဲ နေအောင် ခံစားလိုက်ရသည်။
လူ့ဘဝတန်ဖိုးကိုလည်း တော်တော် နားလည်သွားသည်။
ထိုစဉ်မှာပင် မိမိကို လှမ်းပြောသလိုအသံမျိုး ကြားရသဖြင့်
သေချာနားစွင့်ကြည့်လိုက်ရာ-

“နင် မသေသေးဘူး၊ လူ့ပြည်မှာ နေရမယ့်ကံတွေ
ရှိနေသေးတယ်၊ လျှောက်သွားမနေနဲ့၊ အန္တရာယ်ရှိတယ်၊
နင့်ခန္ဓာကိုယ် ရှိတဲ့နေရာ ပြန်သွားတော့”

ဟူသော အသံကိုကြားရသဖြင့် အသံလာရာ
သစ်ပင်မြင့်ကြီးထက်သို့ မော်ကြည့်လိုက်ရာ ဝတ်ဖြူစင်ကြယ်ဝတ်
အဘိုးကြီးတစ်ယောက်ကို တွေ့လိုက်ရသည်။
“ရုက္ခစိုးနတ်ကြီး ဖြစ်ရမည်” ဟု မှန်းဆမိသည်။
သတိပေးတာကို ကျေးဇူးတင်မိသော်လည်း
စကားကိုတော့ နားမထောင်မိ။ အသွင်သစ်၊
အမြင်သစ်နှင့် အံ့သြစရာများချည်း ဖြစ်နေသည့်အတွက်
ဆေးရုံကြီး တစ်ပတ်လုံး လှည့်ကြည့်ချင်စိတ် ပေါက်လာမိသည်။

သို့နှင့် လှည့်ပတ်ကြည့်ရှုနေရာ တစ်နေရာအရောက်တွင်ကား
အရုပ်ဆိုးဆိုး ပြိတ္တာငါးယောက်ခန့် ဒေါ်ခင်မေကို
ဝိုင်းဝန်းချုပ်ကိုင်လိုက်ကြပြီးလျှင်-

“မင်း- ငါတို့နဲ့ တစ်ခါတည်းလိုက်ခဲ့၊ ဟိုမှာတွေ့လား၊
အဲဒီထဲမှာ တစ်သက်လုံးနေရမယ်” ဟု
တစ်ယောက်ကပြောပြီး လက်ညှိုးထိုးပြသဖြင့်
လှမ်းကြည့်လိုက်ရာ ခပ်ဝေးဝေး နေရာတစ်ခုသော
ရွှေရောင်တောက်နေသော လိုဏ်ဂူကြီးတစ်ခုကို လှမ်းမြင်နေရသည်။

သို့သော် ဒေါ်ခင်မေ စိတ်ထဲတွင် ထိုနေရာသို့
လုံးဝ သွားချင်စိတ်မရှိ။ သို့သော် ထိုပြိတ္တာငါးယောက်က
သူ့ကို မလှုပ်နိုင်အောင် ချုပ်ကိုင်ထားကြသည်။
ဒေါ်ခင်မေက ရှိသမျှအားနှင့် ရုန်းကြည့်သေးသည်။
ဘယ်လိုမှ မရ။ ဒီကြားထဲ ခေါင်းဆောင်ပြိတ္တာ
ပြောလိုက်သော စကားက အသည်းတုန်၊ ရင်တုန်စရာ
ကောင်းလှသည်။ သူပြောလိုက်သည်က...။

“ဟေ့ကောင်တွေ- တော်တော်လေးကြာအောင်
ဆွဲထားကြဟေ့။ သိပ်မလိုတော့ဘူး။
မကြာခင်မှာ သူ့ခန္ဓာနဲ့ သူနဲ့ အဆက်ပြတ်တော့မှာ” တဲ့။
မည်မျှ ကြောက်စရာကောင်းသော စကားပါနည်း။
ဤနေရာ၌ စိတ်ပညာစာအုပ်တစ်အုပ်တွင် ဖတ်ရသော
“နာမ်လွင့်ခြင်း” ဟူသော အကြောင်းလေးကို
ယခုဖြစ်ရပ်နှင့်ဆက်စပ် စဉ်းစားနိုင်ရန် အနည်းငယ် တင်ပြပါမည်။

ထိုစာအုပ်တွင် နာမ်လွှင့်ခြင်း ဟူသောအခန်း၌
ရေးသားထားသည်မှာ အမျိုးသားတစ်ယောက်သည်
လေ့ကျင့်ထားသော စိတ်ပညာ၏ အစွမ်းဖြင့် ညည
ရောက်လျှင် သူ၏နာမ်ကို ရုပ်မှခွာကာ ကမ္ဘာအရပ်ရပ်သို့
လှည့်ပတ်ကာ လျှောက်သွားလေ့ရှိသည်။
သို့သော် သတ်မှတ်ထားသော ပြန်ရောက်သင့်သည့်
အချိန်မှာတော့ မိမိခန္ဓာကိုယ် ရှိရာသို့ ပြန်ရောက်ရသည်။

တစ်နေ့တွင်တော့ ထိုသူသည် အလည်လွန်သွားပြီး
ပြန်ရောက်သင့်သည့်အချိန်တွင် ခန္ဓာကိုယ်ဆီ ပြန်မရောက်သဖြင့်
အပြီးတိုင်း သေဆုံးသွားခဲ့ရသည်။ နောက်တစ်နေ့ နံနက်
သူ့အလောင်းကိုတွေ့မှ သေဆုံးမှန်း သိကြရသည်။
ယခု ဖြစ်ရပ်တွင်လည်း မကောင်းဆိုးဝါးများက
ဒေါ်ခင်မေကို သူ့ခန္ဓာကိုယ်နှင့် အဆက်ပြတ်သွားရန်၊
တစ်နည်းအားဖြင့် အပြီးတိုင် သေသွားရန်
လုပ်ဆောင်နေခြင်းဖြစ်ကြောင်း ထင်ရှားလှပါသည်။

ဒေါ်ခင်မေ စိတ်ထဲတွင်လည်း ဤပုံစံအတိုင်းဆိုလျှင်
နောက်တစ်ခဏ ကြာလျှင်ပင် မိမိ သေဆုံးရတော့မည်
ဖြစ်ကြောင်း အလိုလိုသိနေသည်။
ဤမကောင်းဆိုးဝါးများ လက်မှ လွတ်အောင်
ဘာကိုအားကိုးရမည်နည်း။ ဟော သတိရပါပြီ။
“ဘုရား, တရား, သံဃာ သရဏဂုံသုံးပါး” ရှိနေတာပဲ။
တခြား ဘာအားကိုစရာများ ရှာစရာလိုဦးမလဲ။

ရတနာသုံးပါးကို ကြည်ညိုအားထားသော သဒ္ဓါစိတ်တို့က
ပြည့်လျှံသည်အထိ ဖြစ်လာသည်။ တခဏမျှ မဆိုင်းတော့ပါ။
ဆရာတော်များဆောက်တည်ပေးထားသည့် အတိုင်းပင်
သရဏဂုံသုံးပါးကို ရွတ်ဆိုဆောက်တည်လိုက်ပါတော့သည်။

ဗုဒ္ဓံ သရဏံ ဂစ္ဆာမိ။
ဓမ္မံ သရဏံ ဂစ္ဆာမိ။
သံဃံ သရဏံ ဂစ္ဆာမိ။
သရဏဂုံသုံးပါး ဆောက်တည်ပြီးသည်နှင့် တစ်ပြိုင်နက်
ဒေါ်ခင်မေကို ချုပ်ကိုင်ထားကြသော မကောင်းဆိုးဝါးများမှာ
တစ်စုံတစ်ယောက်က ဆွဲယူကိုင်ပေါက်ပစ်လိုက်သကဲ့သို့
သူမနှင့် ခပ်ဝေးဝေး နေရာများဆီသို့ အော်ဟစ်
ညည်းညူရင်း လွင့်စင်ကျသွားသည်ကို တွေ့မြင်လိုက်ရတော့သည်။
အချုပ်အနှောင်မှ လွတ်သွားပြီဖြစ်သော ဒေါ်ခင်မေတစ်ယောက်
မိမိခန္ဓာရှိရာ ဆေးရုံထဲသို့ ဒရောသောပါး ပြေးဝင်ရတော့သည်။

မိမိခန္ဓာကိုယ်နား ရောက်သည်နှင့် တစ်စုံတစ်ယောက်က
တွန်းလှဲလိုက်သလို ခန္ဓာကိုယ်ပေါ် လဲကျသွားသည်ကိုပဲ
သတိထားမိလိုက်သည်။ ခဏအကြာမှာပင် ဒေါ်ခင်မေ
သတိပြန်ရလာခဲ့ပြီ။ သတိရလာတော့ ဒေါ်ခင်မေကိုကြည့်ပြီး
အနားမှာ စောင့်နေကြသည့် ခင်ပွန်းနှင့် သားသမီးများကို
ဆရာဝန်ကြီး ပြောလိုက်သောစကားက

“လူနာရော၊ ခင်ဗျာတို့ရော အားလုံးကံကောင်းတယ်ဗျာ၊
နောက်ထပ် ငါးမိနစ်ရှိတဲ့အထိ သတိပြန်မလည်ရင်
ဒီလူနာ အသက်ရှင်စရာအကြောင်း မရှိတော့ဘူး” ဟူ၏။
ဒေါ်ခင်မေတစ်ယောက် သရဏဂုံစွမ်းရည်ဖြင့် အသက်ရှည်ခဲ့ခြင်း ပါတကား။

-【မေတ္တာရှင်(ရွှေပြည်သာ)၏ “သရဏဂုံအစွမ်း
အံ့မခန်းဖြစ်ရပ်ဆန်းများ” မှ ကောက်နှုတ်ပူဇော်မျှဝေပါသည်။】

Dhamma Dãna Source ►
မူရင်းဓမ္မဒါန - zahan mon &
www.facebook.com/youngbuddhistassociation.mm