*** အားပေးစကား ***

   
 စိတ်ဓာတ်အကျဆုံးအချိန်
 လူတွေ စိတ်ဓာတ်အကျဆုံးအချိန်ဟာ ဘယ်အချိန်လဲလို့တရားချစ်ခင် သူတော်စင်ပရိသတ်တို့ သိဖို့လိုတယ်နော်၊ လူတိုင်းလူတိုင်း နောက်ဆုံးကြုံတွေ့ရမယ့် “တစ်နေ့သောအချိန်” ဆိုတာဘယ်အချိန်လဲ? သေခါနီးအချိန်ပေါ့။
လူတိုင်းလူတိုင်း မရှောင်လွှဲနိုင်ဘူး၊ တစ်နေ့ကျတော့ ကြုံတွေ့ရမယ်ဆိုတဲ့ နောက်ဆုံးအချိန်မှာ စိတ်အားအငယ်ဆုံး၊ စိတ်ဓာတ်အကျဆုံး အချိန်လို့ ဆိုလိုတယ်။

ပညာနဲ့ ဆင်ခြင်ပြီးမှ လုပ်သင့်ပုံ
 
အဲဒီအချိန်မှာ ကျန်တဲ့သူတွေက ဘာလုပ်သင့်သလဲ၊ လုပ်သင့်လုပ်ထိုက်တယ်ဆိုတာ ဘာတွေလဲ၊ ခုခေတ်မှာ ဘာတွေလုပ်နေကြလဲ၊ ဒါကိုလေ့လာသုံးသပ်ပြီးကြည့်ဖို့လိုတယ်၊ ကိုယ်လုပ်တဲ့အလုပ်တွေဟာ မှန်ကန်မှုရှိရဲ့လား၊ ခုခေတ်လူတွေလုပ်နေကြတာမှန်ကန်မှုရှိရဲ့လား၊ တကယ် “အားပေးစကား” ပြောတာ ဟုတ်ရဲ့လား၊ အားပေးစကားပြောတာမျိုး မဟုတ်ဘဲချောက်တွန်းတာမျိုး ဖြစ်နေသလားလို့ စဉ်းစား ဆင်ခြင်သင့်တယ်။ မစဉ်းစားဘဲလုပ်တဲ့ လုပ်ရပ်မှန်သမျှဟာ ကောင်းကျိုးချမ်းသာကို မပေးနိုင်ဘူး၊ အရာရာဟာ ပညာနဲ့ဆင်ခြင်ပြီးတော့မှလုပ်သင့်တယ်။

စဉ်းစားဖွယ်
 
မဟာနာမဆိုတဲ့ သာကီဝင်မင်းဟာမြတ်စွာဘုရားနဲ့ ညီအစ်ကိုတစ်ဝမ်းကွဲတော်တယ်၊ ရှင်အနုရုဒ္ဓါ မထေရ်မြတ်နဲ့ ညီအစ်ကိုအရင်းတော်တယ်။အဲဒီ မဟာနာမသာကီဝင်မင်းကြီးဟာ သုဒ္ဓေါဒနမင်းကြီးတို့ ဘဒ္ဒိယမင်းတို့ မရှိတဲ့နောက်မှာကပိလ၀တ်ကို အုပ်ချုပ်တဲ့နောက်ဆုံးမင်းလို့ပြောရမှာပေါ့။ အဲဒီ မဟာနာမ မင်းဟာ သာသနာတော်အဆင့်အတန်းနဲ့ပြောရမယ်ဆိုရင် သကဒါဂါမ်အဆင့်ဖြစ်တယ်။ သကဒါဂါမ်အဆင့် နဲ့ကံကုန်သွားတယ်။ ဘ၀တစ်သက်တာမှာသကဒါဂါမ်အဆင့်အနေနဲ့ တိုင်းပြည်အုပ်ချုပ် မင်းလုပ်တယ်။ နောက်ဆုံး ၀ိဋဋူပကျူးကျော်တိုက်ခိုက်ပြီး သာကီဝင်မင်းတွေ အပြတ်ချေမှုန်းရေးစစ်ပွဲမှာ မဟာနာမမင်းကြီးအဖမ်းခံရတယ်၊ အဖမ်းခံရတယ်ဆိုသော်လည်း ၀ိဋဋူပ ကသူ့ရဲ့မြေးတော်နေသည့် အတွက်ကြောင့်ကောင်းကောင်းမွန်မွန်ထားတယ်၊ သို့သော်လည်းစာပေထဲမှာ သာဝတ္ထိအပြန်လမ်းခရီးမှာ ဆံထုံးကိုခြေမကြားမှာညှပ်ပြီး ရေအိုင်ထဲမှာ ငုပ်လျှိူးသွားတယ်လို့ပါတယ်။
ဒီနေရာမှာ စဉ်းစားစရာကောင်းတာကသူကသကဒါဂါမ်လို့လည်းဆိုသေးတယ်
၊ရေထဲမှာနှစ်မြှုပ်ပြီး ကိုယ့်ကိုယ်ကို သေကြောင်းကြံတယ် Suicide လုပ်တယ်၊ဒါမျိုးမဖြစ်နိုင်ဘူးလို့ထင်တယ်၊သောတာပန် ပုဂ္ဂိုလ်တောင် ကိုယ့်ကိုယ်ကို လုပ်ကြံသတ်ဖြတ်တာမျိုးမလုပ်တော့ဘူး။ ဒီတော့မဟာနာမ မင်းကြီးဟာ သူ့ကိုယ်သူ သေကြောင်းကြံသွားတယ်ဆိုတာ ဟုတ်ချင်မှဟုတ်မယ်ပေါ့။ ရေကန်ထဲရေဆင်းချိုးရင်း သူ့ရဲ့သီလအစွမ်းတန်ခိုးတွေကြောင့် သူ့ကိုကြည်ညိုတဲ့လူသားမဟုတ်တဲ့ ရေကန်စောင့်နတ်တွေနဂါးတွေ က (စာထဲမှာပါတာနဂါးတွေက နဂါးပြည်ကို)ခေါ်သွားပြီးတော့နဂါးပြည်မှာ ၁၂ နှစ်ကြာနေထိုင် တယ်လို့ ပြောတယ်။ အဲဒီလို ခေါ်သွားတာဖြစ်လောက်တယ်၊ ရေကန်ထဲမှာဆင်းပြီးတော့
 ရေချိုးရင်းကနေပြီး ပျောက်ဆုံးသွားတယ်ပေါ့။ အဲဒီ မဟာနာမမင်းကြီးနဲ့ ပတ်သက်တဲ့သုတ္တန်တွေဟာ စာပေကျမ်းဂန်မှာ တော်တော်များများရှိတယ်။

အားပေးစကားအလိုအပ်ဆုံးအချိန်
 
မြတ်စွာဘုရားက မဟာနာမကိုဘာအဆုံးအမ ပေးထားသလဲဆိုရင် “အမျိုးသားဥပါသကာ တစ်ယောက်ဖြစ်စေ၊ အမျိုးသမီးဥပါသိကာမတစ်ယောက်ဖြစ်စေစဉ်းစားဥာဏ်ရှိတဲ့ ပုဂ္ဂိုလ်ဟာစဉ်းစား ဥာဏ်ရှိတဲ့ပုဂ္ဂိုလ်တစ်ယောက် နေမကောင်းထိုင်မသာဖြစ်လို့
အသက်အန္တရာယ် စိုးရိမ်ရလောက်တဲ့ အချိန်အခါမျိုးမှာ အားပေးစကားပြောရမယ်၊ ဆုံးမစကားပြောရမယ်”လို့ပြောတာ။
အဲဒီအချိန်မှာ စိတ်ဓါတ်အကျဆုံး၊အားအငယ်ဆုံးဖြစ်တတ်သည့်အတွက် အားပေးစကားပြောဖို့လို တယ်၊ ဒါကိုလူတိုင်းလူတိုင်း တစ်နေ့မကြုံတစ်နေ့တော့ကြုံတွေ့ကြရမှာပဲ။
လူတိုင်းလူတိုင်းမွေးလာတဲ့အချိန်ကနေစပြီး တစ်နေ့တစ်နေ့ ဘယ်ကိုသွားနေတာ တုန်းဆိုရင် အိုခြင်း ဆီသွားနေတာ။အိုခြင်းကနေဘယ်ကိုသွားနေတာတုန်းဆိုရင် နာခြင်းဆီသွားနေတာ၊ နာခြင်းကနေ ဘယ်ကိုသွားနေတာတုန်းဆိုရင်သေခြင်းဆီသွားနေတာ၊ ဒါကြောက်စရာစကားမဟုတ်ဘူး၊ တချို့ကသေ စကားပြောရင် မင်္ဂလာမရှိဘူး နိမိတ်မရှိဘူး၊ဒီလိုထင်တယ်၊ မသေမှာကျနေတာပဲနော်။
ကိုယ်ဘယ်ကိုသွားနေတာတုန်းဆိုတာသိဖို့မလိုဘူးလား၊ ကိုယ်ဘယ်သွားနေတယ်ဆိုတာ သိရမယ်။ မသိတာကတော့ ပညာမဲ့လွန်းအားကြီးတာပေါ့။လူတွေကပြောကြတယ် “ဘယ်မှမသွားဘူး အိမ်မှာ နေတာ”။ သို့သော် အိမ်နေရင်း အသက်ကကြီးကြီးမသွားဘူးလား၊ကြီးသွားနေတော့ ဘယ်သွားနေ သလဲလို့ထင်တုန်း၊ အိုတဲ့ဆီသွားနေတာ၊ အိုတဲ့ဆီကနေပြီးတော့နာတဲ့ဆီမရောက်ဘူးလား၊ အေးနာတဲ့ ဆီကနေ နောက် ဘယ်ရောက်သွားတုန်း။

ဆရာတော်ကြီးတစ်ပါးကကမ္မဋ္ဌာန်း နှလုံးသွင်းခိုင်းသလိုပဲ၊ “ခံနိုင်ရင်ခံမခံနိုင်ရင်သေ” ဆိုတာ၊ဟုတ်တယ်မဟုတ်လား၊ အိုခြင်းဆင်းရဲ နာခြင်းဆင်းရဲကို ခံနိုင်တဲ့အခြေအနေရှိတဲ့အချိန်မှာခံနေပြီး တော့မခံနိုင်တဲ့ အခြေအနေမှာသေသွားတာပေါ့။ အဲဒီသေခြင်းဆင်းရဲနဲ့ လူ့ဘ၀ဟာအဆုံးသတ်ကြရတယ်၊ မြတ်စွာဘုရားလည်း ဒီလိုပဲ အဆုံးသတ်တယ်၊ ရှင်သာရိပုတ္တရာ၊ ရှင်မောဂ္ဂလာန်တို့လည်းဒီလိုပဲ အဆုံးသတ်တယ်။ သို့သော် အဆုံးသတ်ကလေးကောင်း အောင်လုပ်ပေးလို့ရတယ်။ လူတွေဟာ အဆုံးသတ်ကောင်းဖို့အတွက်၊အသေကောင်းဖို့အတွက် အနေကောင်းဖို့ဆိုတာ လည်း လိုအပ်တယ်လို့ ပြောကြတယ်နော်။ လူတွေရဲ့စိတ်ဓာတ်ဆိုတာကနောက်ဆုံးအချိန်ရောက်လို့ရှိရင် အားငယ်တတ်တယ်၊ ဒီလိုအားငယ်လာ လို့ရှိရင် အားပေးစကားပြောရမယ်။
 
ဆေးရုံတွေမှာ
 
တချို့ တိုးတတ်တဲ့နိုင်ငံကြီးတွေရှိဆေးရုံတွေမှာ ဘာသာရေးဆိုင်ရာ အားပေးစကားပြောမယ့် ပုဂ္ဂိုလ် တွေကို ခန့်ထားလေ့ရှိတယ်။အင်္ဂလန်ဆေးရုံကြီးတွေမှာ ဒီလိုရာထူးခန့်ထားတာရှိတယ်၊ ဗုဒ္ဓဘာသာ ၀င်တွေအတွက် ဘုန်းကြီးတစ်ပါး၊ခရစ်ယာန်တရားဟောဆရာ၊ အစ္စလာမ်ဘာသာဝင် တွေအတွက် အစ္စလာမ်တရားဟောဆရာခန့်ထားတယ်၊ ဒီလိုဆိုင်ရာဆိုင်ရာဘာသာတရားအရ အားပေး စကားပြောဖို့ ခန့်ထားတာ၊ Hospital Chaplain လို့ခေါ်တဲ့ပုဂ္ဂိုလ်တွေခန့်ထားတာရှိတယ်၊ ဘာဖြစ်လို့တုန်းဆိုရင် လူတိုင်းလူတိုင်း သေခါနီးရောက်တဲ့အခါ စိတ်ဓာတ်တွေကျပြီးတော့ မသွားရအောင်၊ သက်သက်သာသာနဲ့ ကိုယ့်ဘာသာတရားကို အာရုံပြုပြီး သေနိုင်အောင်လို့ပေါ့။

ကိုယ့်ကိုယ်ကိုလိမ်တာကပိုဆိုးတယ်
 
ဒီလိုလုပ်တာကိုလည်းလက်ခံတဲ့လူရှိသလိုလက်မခံတဲလူလည်းရှိတယ်၊ လက်မခံတဲ့လူက ကိုယ့်ကိုယ်ကိုလိမ်တဲ့သူနဲ့ ပတ်ဝန်းကျင်ကိုလိမ်တဲ့သူ။သူများကို လိမ်တာထက် ကိုယ့်ကိုယ်ကို လိမ်တာက ပိုဆိုးတယ်၊ မြန်မာပြည်မှာလူတော်တော်များများကနေမကောင်းဖြစ်ပြီ
ဆိုရင် နေမကောင်း တဲ့ပုဂ္ဂိုလ်ကို ဘာရောဂါလဲလို့အသိပေးတာနည်းတယ်၊ ဥပမာ- ဆရာဝန်ကရောဂါအမည် တပ်လိုက်ရင် ဒီရောဂါကို လူနာမသိအောင်လို့ ဖုံးထားကြတယ်၊ လိမ်ထားကြတယ်ပေါ့။လိမ်တာကောင်းလား မကောင်းဘူးလား၊ စေတနာ ကတော့ သူသိရင် စိတ်ဆင်းရဲလိမ့်မယ်ဆိုတဲ့ စေတနာကောင်းပေါ့။
လိမ်တယ်ဆိုတာ ဒီ့ပြင်ကိစ္စတွေလည်းလိမ်ကြတာပဲလေ၊ သားသမီးတွေက “အမေမသိစေနဲ့၊ အဖေမသိစေနဲ့” တဲ့၊ အဲဒါမျိုးတွေ မရှိဘူးလား၊အသက်ကြီးလာပြီဆိုရင် အလိမ်ခံနေရပြီလို့ သာ အောက် မေ့၊ ကိုယ့်ကိုယ်ကိုလည်လှပြီလို့မအောက်မေ့နဲ့၊လူငယ်တွေရဲ့အလိမ်ကို အမြဲခံနေရတယ် လို့အောက်မေ့ ပေတော့။ ဘာပဲဖြစ်ဖြစ် တစ်ဦးတစ်ယောက်ကတစ်ဦးတစ်ယောက်ကို လိမ်တာမကောင်းဘူး လို့ ယူဆပေမယ့် ကိုယ့်ကိုယ်ကိုလိမ်တာ ပိုဆိုးတယ်၊ကိုယ့်ကိုယ်ကိုယ်မလိမ်မိဖို့ အင်မတန်မှအရေးကြီးတယ်။

အမှန်အတိုင်းသိသင့်ပုံ
 
ဒီကိစ္စမျိုးဆိုတာအမှန်အတိုင်းသိရမယ်၊ ဆရာဝန်ဆီသွား medical Check – up လုပ်ရင် ရောဂါရှိတယ်လို့ရောဂါအမည်တပ်လိုက်မှာတစ်ချို့
သိပ်ကြောက်တယ်၊မသိချင်ဘူး၊ မသိချင်ဘူးဆိုတာ ကိုယ့်ကိုယ်ကို လိမ်ထားတာပဲ၊ သိတာမသိတာနဲ့ ရောဂါဖြစ်တာမဖြစ်တာဆိုင်ရဲ့လား၊ မဆိုင်ပါဘူး၊ မသိတော့မကြောက်ရဘူးပေါ့လေ၊ မျက်ကန်းတစ္ဆေမကြောက်ဆိုတာမျိုးပဲ။
သိလို့ ရောဂါဆိုတာကုစားရင် ကျန်းမာလာဖို့အတွက် အခွင့်အရေးChance တွေမရနိုင်ဘူးလား၊ ကိုယ့်မှာ ရောဂါရှိတယ်လို့သိရင် ထိုရောဂါအတွက်ဘယ်ဆေးဝါးဘယ်ဓာတ်စာနဲ့ကုရမယ်၊တရားဓမ္မ
 တွေကြိုးစား အား ထုတ်မယ်လို့ ဒီလိုရောမဖြစ်နိုင်ဘူးလား၊ တကယ်က အဲဒီလို ဖြစ်ရမှာနော်။
စစ်ကိုင်းဘက်မှာ ဆရာဝန်ကြီးတစ်ယောက်ရှိတယ်၊ဖြစ်တာက အသည်းကင်ဆာ၊ သို့သော် အိမ်သူ အိမ်သားတွေက လိမ်ထားတယ်၊ အသည်းခြောက်တယ်လို့ပဲပြောတယ်၊အသည်းခြောက်တယ်ဆိုရင်
 တော်တော်နဲ့မသေသေးဘူး၊ အသည်းကင်ဆာဆိုရင် မျှော်လင့်ချက်မရှိဘူး၊ဒီလိုအသိပေါ့နော်၊ အဲဒီလို လိမ်ထားရင်းက ရောဂါအခြေအနေကပိုဆိုးလာတယ်၊
 နောက်ဆုံးအချိန်ရောက်လာတော့မှသူ (ကိုယ်တိုင် ကလည်းဆရာဝန်ဆိုတော့) သိလာတာပေါ့။
အဲဒီကျမှ ဘာပြောတုန်းဆို“ကျုပ်ဗျာ မသေချင်သေးဘူး၊ ဘာမှလည်းမလုပ်ရသေးဘူး” တဲ့၊ စောစောက သိထားမယ်ဆိုရင် ဒီရောဂါကသက်တမ်းဟာဘယ်လောက်ပဲ ကျန်တော့မယ် ဆိုရင်ပြင်ဆင်မှု မလုပ်နိုင်ဘူးလား၊ပြင်ဆင်မှုလုပ်နိုင်တဲ့အခွင့်အရေးတွေ
ဆုံးရှုံးသွားတယ်။

အဲဒီတော့ medicalCheck – up (ဆေးစစ်ခြင်း) လုပ်လို့ diagnosis (ရောဂါတွေ့ရှိချက်)မှာ ရောဂါရှိတယ်ဆိုရင်လည်းဝမ်းမနည်းနဲ့၊
 ရောဂါမရှိဘူးဆိုလို့လည်းမပျော်နဲ့၊ ရောဂါမရှိဘူးဆိုလည်း တစ်နေ့သေမှာပဲ၊ရောဂါရှိတဲ့သူလည်း တစ်နေ့သေမှာပဲ၊ တစ်ခါတစ်လေ ရောဂါမရှိဘူး ဆိုတဲ့သူကတောင် အရင်သေချင်သေတတ်တယ်မဟုတ်ဘူးလား၊ ဘာပဲဖြစ်ဖြစ် လူ့ဘ၀ရောက်တယ်ဆိုတာ နောက်ဆုံးတော့
 သေခြင်းနဲ့အဆုံးသတ်ရတယ်၊ဒါကိုသိထားသည့် အတွက်ကြောင့် မသေခင် ကိုယ်ဘာတွေလုပ်သင့်သလဲ? မစဉ်းစားသင့်ဘူးလား စဉ်းစားသင့်တယ်၊ဒီအတိုင်းမနေသင့်ဘူး၊ မှန်မှန်ကန်ကန် ရင်ဆိုင်ရဲရမယ်။

လူဆိုတာ တစ်နေ့သေမှာ၊ကြီးလည်းသေတာပဲ၊ ငယ်လည်းသေတာပဲ။ မြတ်စွာဘုရားက ဟောထား တယ်လေ “ဒဟရာ စ မဟန္တာစယေ ဗာလာယေစ ပဏ္ဍိတာ။ သဗ္ဗေမစ္စု ၀သံယန္တိ” တဲ့၊ “ဒဟရာစ” -ငယ်ငယ်လည်းသေတာပဲတဲ့၊ “မဟန္တာစ” - အသက်ကြီးမှလည်း သေတာပဲတဲ့၊ “ယေ ဗာလာယေစ ပဏ္ဍိတာ” - မသိနားမလည်တဲ့သူလည်းသေတာပဲတဲ့၊ ပညာတတ်တဲ့သူလည်းသေတာပဲတဲ့၊ မသေတဲ့သူမရှိဘူး။
ဒါကိုသိထားပြီးတဲ့နောက်မှာကိုယ်ဘာလုပ်သင့်သလဲ?
 ကြောက်နေဖို့မဟုတ်ဘူးနော်၊ ရင်ဆိုင်ရဲဖို့ သေခြင်း တရားဟာ ကြောက်ဖို့မဟုတ်ဘူး၊ရင်ဆိုင်ရဲဖို့ပဲ၊ မှန်မှန်ကန်ကန် ရင်ဆိုင်ရဲရမယ်လို့ ဆိုလိုတာ။
သမ္မတကတော်
ဘုန်းကြီးတို့ ဂျာမဏီမှအပြန်လေယာဉ်ပေါ်မှာ Readers’ Digest မဂ္ဂဇင်းတစ်စောင် တွေ့တာနဲ့ ဖတ်ကြည့်တယ်။ အရင်တုန်းက အမေရိကန်သမ္မတလုပ်သွားတဲ့သမ္မတကနေဒီရဲ့
 နောက်ဆုံး နေ့အကြောင်း ရေးထားတာ။ သူက နယူးယောက်မှာနေတယ်၊ ဂျက်ကလင်းကနေဒီဆိုတဲ့သမ္မတကတော် အသက် (၆၀) လောက်ရှိတဲ့အခါမှာ ရောဂါရတယ်၊ ဆေးရုံတက်ပြီး 
 ဆေးကုတဲ့အခါဆရာဝန်တွေကDiagnosis မှာကင်ဆာရောဂါလို့ဖော်ပြလိုက်တယ်။
ကင်ဆာရောဂါဆိုတာincurable (ကုလို့မရဘူး)ပေါ့။ ကင်ဆာဆဲလ်လေးတွေက ပျံ့နှံ့နေသည့် အတွက်ကုလို့မရတော့ဘူး၊incurable ကုမရတဲ့ရောဂါဖြစ်နေပြီဆိုတာသူသိတယ်၊ သိတဲ့အခါ သူက ဗုဒ္ဓဘာသာမဟုတ်ပေမယ့် သူ့မှာစိတ်ဓာတ်မကျရအောင်ထိန်းတဲ့နည်းလမ်းတော့ရှိမယ်၊ သူ့မှာ အားကိုး ရှိမယ်၊ သူက ခရစ်ယာန်ဆိုတော့ခရစ်ယာန်ဘုရား God အားကိုးမှာပေါ့။ သူ့ရဲ့စိတ်တည်ငြိမ်မှုလေး ကိုပြောပြတာပါ။
သူအိမ်ပြန်လာခဲ့တယ်၊အိမ်ပြန်လာပြီးသပ်သပ်ရပ်ရပ်သန့်သန့်ရှင်းရှင်း အ၀တ်အစားအသစ် တွေလဲ ၊ဖြီးလိမ်းပေါ့နော်၊ အိပ်ရာခင်းတွေကျကျနနပြင်ဆင်သူ့အိမ်ကိုသန့်သန့်ရှင်းရှင်း လုပ်၊ သူ့ပစ္စည်းတွေ ကိုခွဲပေးရမယ့်သူတွေခွဲပေး၊ ဒါနလုပ်သင့်တာလုပ်၊ကျန်တဲ့လုပ်သင့်တာတွေလုပ်တယ်၊ အဲဒီိလို လုပ်ပြီးတော့သူကစိတ်ချမ်းသာ ကိုယ်ချမ်းသာနဲ့အိမ်ပြန်ပြီးအေးအေးဆေးဆေးအနားယူတဲ့ သဘောမျိုးနဲ့ နေတယ်၊ သူသေသွားရင် ဘာလုပ်ရမယ်ဆိုတဲ့ဆန္ဒတွေဖော်ပြပြီးဒီလိုနေတယ်၊
တစ်ပတ်လောက်နေတော့ အိပ်ရာပေါ်မှာပဲသူဆုံးသွားတယ်၊ ကဲ- သူ့အနေအထားလေးက ဘယ်လောက်ကောင်းသလဲ၊သေခြင်း တရားကို ရဲရဲဝံ့ဝံ့ရင်ဆိုင်သွားတယ်လို့ပြောရမယ်။

စိတ်ကောင်းက ကောင်းတဲ့ဘ၀ပို့ပေးလိမ့်မည်
 
ဒီနေရာမှာ စဉ်းစားဖို့အရေးကြီးတာကဂျက်ကလင်းကနေဒီအားကိုးတဲ့ God ကတကယ် အားကိုးရာရောက်ရဲ့လား၊ ဒီတစ်ချက်ပဲ စဉ်းစားစရာရှိတယ်၊တစ်ခါတလေ ကိုယ်ကတော့ အားကိုးပေမယ့် အားကိုးရာဖြစ်ချင်မှဖြစ်တာ။

လူတွေကြည့်လေ - သားကိုအားကိုးရမလားဆိုပြီးဂရုစိုက်တာ၊ အသက်ကြီးတော့ ကိုယ့်ကို ထော်လော်ကန့်လန့်လုပ်တဲ့သားဖြစ်နေတာမရှိဘူးလား၊ သမီးကိုအားကိုးရမယ်ထင်ပြီး သမီးလေးကို ဂရုစိုက်မွေးထားတယ်၊ အသက်ကြီးတော့ကိုယ့်ရန်သူဖြစ်နေတာမရှိဘူးလား၊ ရှိတယ်နော်၊ တကယ်အားကိုး ရမယ်လို့ထင်ပေမယ့်လို့ အားကိုးရာဖြစ်ချင်မှဖြစ်မယ်၊ဒီလိုတော့ရှိနိုင်တယ်။

တခြားဘာသာဝင်တွေအနေနဲ့သူတို့ရဲ့ စာပေကျမ်းဂန်ကို သူတို့ရဲ့ ဘာသာတရား အရသူ တို့ရဲ့ဘုရားကို အားကိုးရမယ်လို့သူတို့ယုံကောင်းယုံကြလိမ့်မယ်၊ သို့သော် စိတ်ကောင်းနှလုံး ကောင်းထားမယ်၊ ကိုယ်ကျင့်တရားကောင်းမယ်ဆိုရင်ဘယ်ဘာသာဝင်ပဲဖြစ်ဖြစ်
 ကောင်းရာသုဂတိ ရောက်ဖို့ မခဲယဉ်းဘူး။

 “အားပေးစကား“စာအုပ်မှကော်နှုတ်ချက်
ဆရာတော် ဒေါက်တာနန္ဒမာလာဘိဝံသ
 http://www.drnandamalabhivamsa.com.mm/my