တစ်နေ့မှာ သိကြားမင်းဟာ သရဘင်္ဂရသေ့ကို မေးခွန်းတွေ လာမေးပါတယ်။ သိကြားမင်းမေးတဲ့ မေးခွန်းတွေထဲမှာ ပထမဆုံးမေးခွန်းကတော့........
ကိံသု ၀ဓိတွာ န ကဒါစိ သောစတိ။
“အဘယ်အရာကို သတ်လိုက်ခြင်းဖြင့် ဘယ်တော့မှ မစိုးရိမ်ရပါသနည်း?
ဒီတော့ သရဘင်္ဂရသေ့က ဖြေပါတယ်..။
ကောဓံ ၀ဓိတွာ န ကဒါစိ သောစတိ။
ဒေါသကို ပယ်သတ်လိုက်ခြင်းဖြင့် ဘယ်တော့မှ မစိုးရိမ်ရတော့ပါ။
စိုးရိမ်တယ်ဆိုတာ အမျက်ဒါသရှိနေလို့ပါ။ အချို့လူတွေကတော့ ဒေါသဆိုတာ
မျက်နှာတွေ ခက်ထန်လာပြီး ၀ုန်းဝုန်းဒိုင်းဒိုင်းပေါက်ကွဲတာလုိ့
သိထားကြပါတယ်။
တကယ်တော့စိုးရိမ်ကြောက်လန့်တာဟာလည်း
ဒေါသကြောင့်ဖြစ်တာပါပဲ။
ဒေါသရဲ့လက္ခဏာပေါ့။ ဒေါသရှိနေလို့ပေါက်ကွဲတယ်။
ဒေါသရှိနေလို့ ကြောက်တယ်။
စိုးရိမ်တယ်။ ဒေါသမရှိရင် ပေါက်လည်း မပေါက်ကွဲတော့ဘူး။
ကြောက်လည်းမကြောက်တော့ဘူး။ စိုးလည်း မစိုးရိမ်တော့ပါဘူး။
ဒေါသအားကြီးတဲ့သူတွေကျတော့ ကြောက်စိတ်တွေ စိုးရိမ်စိတ်တွေ ပိုများတယ်။
ဒေါသနည်းအောင်ကျင့်နေတဲ့သူတွေကျတော့ ကြောက်စိတ်တွေ စို၇ိမ်စိတ်တွေ နည်းလာတယ်။
ဒေါသကို အမြစ်ပြတ် ပယ်သတ်ပြီးတဲ့ သကဒါဂါမ်ပုဂ္ဂိုလ်၊ ရဟန္တာပုဂ္ဂိုလ်တွေမှာတော့ ကြောက်စိတ်တို့ စိုးရိမ်စိတ်တို့ လုံးဝမရှိတော့ပါဘူး။
ကိုယ်နဲ့ နှုတ်မှာ ဖြစ်ပေါ်နေတဲ့ ဒေါသတွေ ပြေပျောက်ဖို့အတွက် သီလစောင့်ထိန်းရပါမယ်။
စိတ်ထဲမှာ ဖြစ်ပေါ်နေတဲ့ ဒေါသကို ဖြေဖျောက်ဖို့အတွက်
သမထလုပ်ငန်းလို့ခေါ်တဲ့ စိတ်ကို တည်ငြိမ်အောင်လုပ်ခြင်း၊
မေတ္တာပွားများဖြင်းတို့ကို ပြုလုပ်ရပါမယ်။
ဘ၀အဆက်ဆက်က ကိန်းအောင်းနေတဲ့ ဒေါသကို ဖျောက်ဖို့အတွက်ကတော့ ပညာလို့ခေါ်တဲ့ ၀ိပဿနာကို များများအားထုတ်ရပါမယ်။
ထိုကဲ့သို့ သီလ၊ သမာဓိ၊ ပညာ တိုးတက်အောင်လုပ်ခြင်းဖြင့် ဒေါသစိတ်တွေ
ပါးသထက်ပါးပြီး စိုးရိမ်စိတ်တွေလည်း လျော့ပါးသွားပါလိမ့်မယ်။
နောက်ဆုံးအနေနဲ့ ဒေါသကို အမြစ်ပြတ်ပယ်သတ်နိုင်ရင်တော့ စိုးရိမ်စိတ်တွေ
လုံးဝကင်းရှင်းပြီး အဆုံးစွန်သော အေးချမ်းမှုချမ်းသာကို
ခံစားသိရှိရပါလိမ့်မယ်။
အားလုံး ဒေါသကို ပယ်သတ်နိုင်ပြီး စိုးရိမ်စိတ်ကင်းတဲ့ဘ၀ကို ပိုင်ဆိုင်နိုင်ကြပါစေ။
( အရှင်က၀ိဓဇသာရ )
No comments:
Post a Comment