(၁၆)အတ္ထဒဿီဗုဒ္ဓ၀င်
*****************၁။ ထိုမဏ္ဍကမ္ဘာ၌ပင်လျှင် အတ္ထဒဿီမြတ်စွာဘုရားသည် (မောဟ) အမိုက်မှောင် ကြီးကို ပယ်ဖျောက်၍ သမ္မာသမ္မောဓိဉာဏ်တော်မြတ်သို့ ရောက်တော်မူ၏။
၂။ (ထိုမြတ်စွာဘုရားသည် ) ဗြဟ္မာမင်းသည် တောင်းပန်အပ်သည်ဖြစ်၍ ဓမ္မစကြာ ကို ဟောတော်မူ၏၊ လောကဓာတ်တစ်သောင်း၌ နတ်နှင့်တကွသော လောကကို အမြိုက်နိဗ္ဗာန်ဖြင့် နှစ်သိမ့် ရောင့်ရဲစေတော် မူ၏။
၃။ ထိုမြတ်စွာဘုရားအား (လူ နတ် ဗြဟ္မာတို့၏ သစ္စာလေးပါးကို) သိခြင်းတို့သည် သုံးကြိမ်တို့ ဖြစ်ကုန်၏၊ ကုဋေတစ်သိန်းသော လူ နတ် ဗြဟ္မာတို့၏ (သစ္စာလေးပါး ကို) သိခြင်းသည် ရှေးဦးစွာ (သိခြင်း) ဖြစ်လေ၏။
၎။ အကြင်အခါ အတ္ထဒဿီမြတ်စွာဘုရားသည် နတ်ပြည်သို့ လှည့်လည် ကြွသွား တော်မူ၏၊ (ထိုအခါ) ကုဋေတစ်သိန်းသော နတ် ဗြဟ္မာတို့၏ (သစ္စာလေးပါးကို) သိခြင်းသည် နှစ်ကြိမ်မြောက် (သိခြင်း) ဖြစ်လေ၏။
၅။ နောက်တစ်ဖန် အကြင်အခါ မြတ်စွာဘုရားသည် ခမည်းတော်အထံ၌ တရားကို ဟောတော်မူ၏၊ (ထိုအခါ) ကုဋေတစ်သိန်းသော လူ နတ် ဗြဟ္မာတို့၏ (သစ္စာ လေးပါးကို) သိခြင်းသည် သုံးကြိမ်မြောက် (သိခြင်း) ဖြစ်လေ၏။
၆။ ထိုမြတ်စွာဘုရားအား (ကိလေသာ) အညစ်အကြေး ကင်းကုန်သော ငြိမ်သက် သော စိတ်ရှိကုန်သော တာဒိဂုဏ်နှင့် ပြည့်စုံကုန်သော ရဟန္တာတို့၏ အစည်း အဝေးတို့သည်လည်း သုံးကြိမ်တို့ ဖြစ်ကုန်၏။
၇။ ကိုးသောင်းရှစ်ထောင်သော ရဟန္တာတို့၏ အစည်းအဝေးသည် ပထမ အစည်း အဝေး ဖြစ်လေ၏၊ ရှစ်သောင်းရှစ်ထောင်သော ရဟန္တာတို့၏ အစည်းအဝေးသည် နှစ်ကြိမ်မြောက် ဖြစ်လေ၏။
၈။ စွဲယူခြင်း မရှိဘဲ (ကိလေသာမှ) လွတ်မြောက်ကုန်သော အညစ်အကြေး ကင်းကုန်သော ခုနစ်သောင်းရှစ်ထောင်သော ရဟန္တာတို့၏ အစည်းအဝေးသည် သုံးကြိမ်မြောက် (အစည်းအဝေး) ဖြစ်လေ၏။
၉။ ထိုအခါ ငါသည် ထက်မြက်သော အကျင့်ရှိသော ရသေ့ဖြစ်၏၊ အမည်အားဖြင့် {သုသီမ} မည်၏၊ မြေအပြင်၌ မြတ်သော သူဟု သမုတ်အပ်သူ ဖြစ်၏။
၁၀။ ငါသည် နတ်၌ ဖြစ်သော မန္ဒာရ၀ပန်း ပဒုမ္မာကြာပန်း ပင်လယ်ကသစ်ပန်း တို့ကို နတ်ပြည်မှ ယူဆောင်၍ မြတ်စွာဘုရားကို ရိုသေစွာ ပူဇော်ခဲ့၏။
၁၁။ ရဟန်းမြတ်ဖြစ်သော ထိုအတ္ထဒဿီမြတ်စွာဘုရားသည်လည်း ငါ့ကို {{ဤ ရသေ့သည် ကမ္ဘာတစ်ထောင့်ရှစ်ရာထက်၌ မြတ်စွာဘုရား ဖြစ်လတ္တံ့}} ဟု ဗျာဒိတ်စကား မိန့်ကြားတော်မူ၏။
၁၂။ ကမ္မဋ္ဌာန်းစီးဖြန်းခြင်း လုံ့လကို အားထုတ်၍။ပ။ ဤ(ဂေါတမ) မြတ်စွာဘုရား၏ မျက်မှောက်၌ ဖြစ်ရပါလို၏ (ဟု ဆုတောင်းကုန်၏)။
၁၃။ ငါသည် ထိုမြတ်စွာဘုရား၏ စကားကို ကြားနာရသည်ရှိသော် ရွှင်လန်း တက်ကြွသောစိတ် ရှိသည်ဖြစ်၍ ပါရမီဆယ်ပါးတို့ကို ဖြည့်ကျင့်ခြင်းငှါ လွန်ကဲ သော အကျင့်ကို ဆောက်တည်ခဲ့၏။
၁၄။ အတ္ထဒဿီမြတ်စွာဘုရား၏ မြို့တော်သည် {သောဘဏ} မည်၏၊ (ခမည်း တော်) မင်းသည် {သာဂရမင်း} မည်၏၊ မယ်တော်သည် {သုဒဿနာမိဖုရား} မည်၏။
၁၅။ ထိုဘုရားလောင်းသည် အနှစ်တစ်သောင်းတို့ပတ်လုံး ထီးနန်းကို အုပ်စိုး၍ နေ၏၊ ထိုဘုရားလောင်းအား အမရဂိရိ သုဂိရိ ၀ါဟန* အားဖြင့် မြတ်သော ပြာသာဒ် သုံးဆောင်တို့သည် ရှိကုန်၏။
၁၆။ ကောင်းစွာ တန်ဆာဆင်အပ်သော မောင်းမပေါင်း သုံးသောင်းသုံးထောင်တို့ သည်လည်း ရှိကုန်၏၊ (ထိုဘုရားလောင်း)၏ မိဖုရားသည်ကား {၀ိသာခါ} မည်၏၊ သားတော် သည် {သေလ} အမည်ရှိသူ ဖြစ်၏။
၁၇။ ဘုရားလောင်းသည် နိမိတ်လေးပါးတို့ကို တွေ့မြင်၍ မြင်းယာဉ်ဖြင့် တော ထွက်တော်မူ၏၊ မယုတ်မလျော့ ရှစ်လတို့ပတ်လုံး ကမ္မဋ္ဌာန်းစီးဖြန်းခြင်း လုံ့လကို အားထုတ်တော် မူ၏။
၁၈။ ကြီးသောလုံ့လရှိသော လူတို့ထက်မြတ်သော များသော အခြံအရံရှိသော အတ္ထဒဿီ မြတ်စွာဘုရားသည် ဗြဟ္မာမင်း တောင်းပန်အပ်သည် ဖြစ်၍ အနောမ ဥယျာဉ်၌ ဓမ္မစကြာကို ဟောတော်မူ၏။
၁၉။ သန္တသည် လည်းကောင်း၊ ဥပသန္တသည် လည်းကောင်း အတ္ထဒဿီမြတ်စွာ ဘုရား၏ မြတ်သော တပည့် {အဂ္ဂသာဝက} တို့ ဖြစ်ကုန်၏၊ မြတ်စွာဘုရား၏ အလုပ်အကျွေးသည် {အဘယ} မည်၏။
၂၀။ ဓမ္မာသည် လည်းကောင်း၊ သုဓမ္မာသည် လည်းကောင်း မြတ်သော တပည့်မ {အဂ္ဂသာဝိကာ} တို့ ဖြစ်ကုန်၏။ ထိုမြတ်စွာဘုရား၏ ဗောဓိပင်ကို စံကားပင်ဟူ၍ ခေါ်ဆိုအပ်၏။
၂၁။ နကုလသည် လည်းကောင်း၊ နိသဘသည် လည်းကောင်း မြတ်သော အလုပ်အကျွေး ဒါယကာ {အဂ္ဂဥပဋ္ဌက}တို့ ဖြစ်ကုန်၏။ မကိလာသည် လည်း ကောင်း၊ သုနန္ဒာသည် လည်းကောင်း မြတ်သော အလုပ်အကျွေး ဒါယိကာမ {အဂ္ဂဥပဋ္ဌိကာ} တို့ ဖြစ်ကုန်၏။
၂၂။ အတုမရှိသော ဘုရားရှင်တို့နှင့်သာ တူတော်မူသော ထိုမြတ်စွာဘုရားသည် လည်း အတောင်ရှစ်ဆယ် မြင့်လျက် အင်ကြင်းပင်မင်းကဲ့သို့ လည်းကောင်း၊ ပြည့်သော လမင်းကဲ့သို့ လည်းကောင်း တင့်တယ်တော် မူ၏။
၂၃။ ထိုမြတ်စွာဘုရား၏ ကုဋေအရာမက များစွာသော ပြကတေ့သော ရောင်ခြည် တော်တို့သည် အထက် အောက် အရပ်ဆယ်မျက်နှာတို့၌ တစ်ယူဇနာတိုင်အောင် အခါခပ်သိမ်း ပျံ့နှံ့ကုန်၏။
၂၄။ လူတို့ထက် မြတ်တော်မူသော အလုံးစုံသော သတ္တ၀ါတို့ထက် မြတ်တော်မူ သော (အလုံးစုံကို) သိတော်မူသော စက္ခု (ငါးမျိုး)နှင့် ပြည့်စုံတော်မူသော ထို မြတ်စွာဘုရားသည်လည်း အနှစ်တစ်သိန်းတို့ ပတ်လုံး လောက၌ တည်နေတော် မူ၏။
၂၅။ ထိုမြတ်စွာဘုရားသည်လည်း အတုမရှိသော အရောင်အ၀ါကိုပြ၍ နတ်နှင့် တကွသော လောက၌ ထွန်းလင်းစေပြီးလျှင် {မီးစာကုန်ခြင်းကြောင့် ငြိမ်းရသော မီးကဲ့သို့} အမြဲ မရှိခြင်းသို့ ရောက်တော်မူလေပြီ။
၂၆။ အတ္ထဒဿီမြတ်စွာဘုရားသည် အနောမာရာမကျောင်းတိုက်၌ ပရိနိဗ္ဗာန် ပြုတော်မူ၏၊ ဓာတ်တော်သည် ထိုထိုအရပ်တို့၌ ပျံ့နှံ့လျက် ရှိလေသတည်း။
ဆယ့်လေးခုမြောက် အတ္ထဒဿီဗုဒ္ဓ၀င် ပြီး၏။
ဗုဒ္ဓ၀ံသပါဠိတော်
ဗုဒ္ဓကမ္ဘာမှ ဗုဒ္ဓအဆူဆူ၏ ဗုဒ္ဓ၀င်များ မှပြန်လည်မျှဝေသည်။
No comments:
Post a Comment