နတ်ဘ၀တစ်ခုမှာ နတ်သက်တမ်းတစ်လျှောက်လုံး ၀တ်ထားတဲ့အ၀တ်လည်း ဘယ်တော့မှလျှော်ဖွတ်ရတယ် မရှိဘူး။ ပန်ထားတဲ့ပန်းကလည်း ဘယ်တော့မှ နွမ်းသွားတယ် မရှိဘူး။ အို..ပူလို့
အိုက်လို့ ချွေးထွက်တာလည်း မရှိဘူး။ အမြဲတမ်းသန့်ရှင်းသန့်ပြန့် နေတယ်။
သို့သော် ပန်းတွေ ညိုးလာတယ်၊ ခန္ဓာကိုယ်က စိုစိုပြေပြေ မရှိတော့ဘဲမွဲမွဲခြောက်ခြောက်ဖြစ်လာတယ်။ ချွေးတွေထွက်လာတယ်
ဆိုရင် သူတို့ သေခါနီးပြီဆိုတဲ့ sign ပြတာလို့ ခေါ်တယ်။ အဲ
ဒီလို အခြေအနေတွေ ပေါ်လာတဲ့ နတ်တွေကို မိတ်ဆွေနတ်တွေက နန္ဒ၀န်ဥယျာဉ်ထဲကို ဆွဲခေါ်သွားပြီးတော့ အားပေးစကား (၃) ခွန်း ပြောဆိုမှာကြားတယ်။
အေး..ဘာမှမစိုးရိမ်ပါနဲ့ (၁) ဒီဘ၀က သေသွားလို့ရှိရင် အကောင်းဆုံး “လူ့ဘုံ”ကို ရောက် အောင်သွားပါ။ (၂) အကောင်းဆုံး လက်ဆောင် “သဒ္ဓါတရား”ကို ရအောင်ယူလာပါ။ (၃) အဲဒီ ရထားတဲ့ “သဒ္ဓါတရားကို ခိုင်မာအောင်” သဒ္ဓါစွမ်းအားကို အကြောင်းပြုပြီးတော့ ကုသိုလ်များများလုပ်ပါဆိုတဲ့ စကား (၃) ခွန်းကို ပြောလိုက်ပြီး တို့နတ်ပြည်ကို ပြန်လာပါလို့ မှာကြားကြတယ်။
အဲဒါကြောင့် သဒ္ဓါစွမ်းအားရဲ့ တန်ဘိုးကို နတ်တွေက ပိုသိကြတယ်။ လူ့ပြည်ရဲ့တန်ဘိုးကိုနတ်တွေက ပိုသိကြတယ်။ လူ့ပြည်မှာ ဘုရားရှိတယ်၊ တရားရှိတယ်၊ ကုသိုလ်ကောင်းမှုတွေ လုပ်
နိုင်တယ်၊ ဘုရား၊ တရား၊ သံဃာ ရတနာ (၃) ပါး ရှိတဲ့အတွက်ကြောင့် လူ့ပြည်မှာ ကုသိုလ်ကောင်းမှုလည်း ရှိတယ်။
နတ်ပြည်မှာကျတော့ အခွင့်အလမ်း မသာဘူး။ သီလဆောက်တည်ဖို့ ဆိုတာလည်းမသေချာ၊ သင်္ကန်းကပ်ခြင်း၊ ဆွမ်းကျွေးခြင်း၊ ကျောင်းဆောက်လှူခြင်း ဆိုတာတွေကိုလည်း လုပ်လို့ မရဘူး။ လူ့ပြည်မှာက ကုသိုလ်ကောင်းမှုတွေ အကုန်လုံး လုပ်နိုင်တယ်။ ဒါကြောင့် သူတို့က
လူ့ပြည်ကို “ကောင်းရာသုဂတိဘုံ”လို့ သတ်မှတ်ကြပါတယ်။
ဒါကြောင့် တရားချစ်ခင် သူတော်ကောင်းအပေါင်းတို့ကလည်း မိမိရထားသော လူ့ဘ၀ကိုအကျိုးရှိအောင် အသုံးချ ကျင့်ကြံအားထုတ်နိုင်ကြပြီး မမေ့သောသတိ၊ မလျော့သော လုံ့လ၀ီရိယဖြင့် ကြိုးစားကာ မြတ်နိဗ္ဗာန်ကို ရရောက်နိုင်ကြပါစေ ကုန်သတည်း။ ။
{၁၃၆၉ ခုနှစ်၊ ၀ါခေါင်လပြည့်ကျော် (၁၁) ရက်နေ့ည မန္တလေးမြို့ ဗုဒ္ဓဂယာဓမ္မာရုံကြီးအတွင်းအဂ္ဂမဟာပဏ္ဍိတ အရှင်နန္ဒမာလာဘိဝံသ(PhD) ဟောကြားသော မြတ်သောဥစ္စာ စုဆောင်းပါ တရားတော်မှ ကောက်နုတ်ရေးသားပူဇော်ပါသည်။}
http://www.damanady.tk/2014/03/blog-post_9446.html
No comments:
Post a Comment