" ဒေါသ၏ သဘော "

" ဒေါသ၏ သဘော "
•••••••••••••••••••••
" ဒေါသ " သည် ရုပ်နှင့် နာမ် ရှိနေသော သာမန်လူ
မည်သူမဆိုတွင် ကိန်းအောင်းနေပေသည်။
အချို့လူများသည် အမျက်ထွက်စိတ်ဆိုးမှဒေါသဖြစ်သည်ဟု ထင်နေတတ်ကြသည်။


♦♦ အမှန်တော့
" စိတ်ဆိုး၊ စိတ်ပျက်၊ စိတ်ကောက်၊ စိတ်ညစ်၊ စိတ်ရှုပ်၊ စိတ်လေး၊ စိတ်နောက်၊ စိတ်နာ၊ စိတ်ပေါက်၊ စိတ်မော၊ စိတ်အိုက်၊ စိတ်ခု၊
စိတ်ဆတ်၊ စိတ်တို၊ စိတ်ကွက်၊ စိတ်မချမ်းသာ၊ စိတ်ဆင်းရဲ၊
စိတ်ပူပန်၊ စိတ်အားငယ်၊ စိတ်တိုင်းမကျ၊ စိတ်အလိုမကျ၊
စိတ်မကောင်း၊ စိတ်မှတ်ကြီး၊ စိတ်လိုက်မာန်ပါ၊ စိတ်သောက၊
စိတ်ပင်ပန်း၊ စိတ်မအီသာ၊ စိတ်နှလုံးမသာယာ၊ စိတ်ငြိုငြင်၊
စိတ်စနိုးစနောက်၊ ၀မ်းနည်း၊ ပူဆွေး၊ ငိုကြွေး၊ ရန်ငြိုးထား၊
အာဃာတထား၊ သ၀န်တို၊ သ၀န်ကြောင်၊ မနာလို၊ တွန့်တို၊
စေးနှဲ..." အစရှိသော စိတ်ပိုင်းဆိုင်ရာ အမူအယာများသည်
ဒေါသအရင်းခံ၍ ဖြစ်နေကြရသော
ပြဿနာများ ဖြစ်ကြသည်။
စကားလုံး အသုံးအနှုန်း မတူသော်လည်း ၄င်းတို့ အားလုံးသည်
ဒေါသများပင် ဖြစ်ကြသည်။

ဒေါသ၏ အဓိပ္ပာယ်ကို စိတ်ဆိုးခြင်း၊ အမျက်ထွက်ခြင်း
ဟုပင် ရိုးရှင်းစွာ ဘာသာ ပြန်နိုင်သည်။
ဒေါသထွက်သော ပုဂ္ဂိုလ်များသည် ကိုယ်အမူအယာ၊
နုတ်အမူအယာများ ကြမ်းတမ်း လာသည်။

ပြောင်းလဲကုန်သည်။ ဒေါသတွင် ကြမ်းထမ်းသော သဘော
လက္ခဏာများ ရှိနေသည်။ ဒေါသ ထွက်နေသူတွင်
မျက်နှာ နီရဲနေပြီး နှလုံးခုံနှုန်း ပိုမြန်နေသည်။ မျက်နှာနီရဲနေရခြင်းမှာ
နှလုံးသွေးများ ဆူပွက်နေပြီး သွေးလှည့်ပတ်နှုန်းများ
သာမာန်ထက် မြန်နေသောကြောင့် ဖြစ်သည်။

ထိုကြောင့်ဦးနှောက်ထဲရှိ သေးငယ်သော သွေးကြောများကို
ပြတ်တောက်သွားစေပြီး ရုတ်တရက် သေဆုံးမှုကို
ဖြစ်စေနိုင်သည်။

♦ လူပင်မဆိုထားနှင့် မနောပဒေါသိက နတ်များပင်လျှင်
ဒေါသထွက်လျှင် ဘ၀ ပြတ်ကြွေ၍ စုတေကြရသည်။
ဒေါသ၏ အကျိုးဆက် အနေဖြင့် ပထမဦးစွာ မိမိကိုယ်ကို
ပျက်စီးစေခြင်းပင် ဖြစ်သည်။
ထိုတွင် မကသေးပေ။ သူတစ်ပါးကိုပင်လျှင်ဒုက္ခ ပေးတတ်
သေးသည်။

ဥပမာ အိမ်တစ်အိမ်တွင် ဖခင် ဖြစ်သူသည် ဒေါသထွက်နေလျှင်
ကျန်သည့် မိသားစုဝင်များ အားလုံး စိတ်ဆင်းရဲရသည်။
မိခင် ဖြစ်သူက ဒေါသထွက်နေလျှင်လည်း ထို့အတူပင် ဖြစ်သည်။
မိသားစုတွင် မည်သူပင် ဖြစ်ပါစေ တစ်ယောက်ယောက်
ဒေါသထွက်နေလျှင် ကျန်သည့် မိသားစုဝင်များ အားလုံး
စိတ်ဆင်းရဲ ရသည်ချည်းပင်။ ထိုကြောင့် ဒေါသသည်
မိမိအတွက်ပင် သာမက တစ်ပါးသူများ အတွက် လည်းပဲ
ကူးစက်ရောဂါ ကဲ့သို့ စိတ်ဒုက္ခ ကို ရောက်အောင် ဖန်တီး
တတ်ပေသည်။

မြတ်စွာဘုရား ဟောကြားထားသော အဘိဓမ္မာတွင်လည်း
အကုသိုလ် စေတသိက် (၁၄) ပါး တို့တွင် ဒေါသ အုပ်စု
အသင်းဝင် စေတသိက် (၄) ပါး ရှိသည်။
၎င်းတို့မှာ " ဒေါသ၊ ဣဿာ၊ မစ္ဆရိယ၊ ကုက္ကစ္စ"
တို့ပင် ဖြစ်သည်။

♦ အဘိဓမ္မာနည်းအရ ဒေါသအုပ်စုသည် လောဘ အုပ်စုနှင့်
မည်သည့်အခါမျှ အတူ ဖြစ်ရိုး ထုံးစံ မရှိပေ။

၁။ ဒေါသ သည် ခက်ထန်ကြမ်းထမ်းခြင်း သဘော၊

၂။ ဣဿာ သည် သူတစ်ပါး၏ စည်းစိမ်ချမ်းသာကို
ငြူစူခြင်း၊ မနာလိုခြင်း သဘော၊

၃။ မစ္ဆရိယ သည် မိမိ၏ စည်းစိမ်ချမ်းသာကို
လျှို့ဝှက်ခြင်း၊ ၀န်တိုခြင်း၊ နှမြောခြင်း သဘော၊

၎။ ကုက္ကုစ္စ သည် ပြုခဲ့မိသော ဒုစရိုက်၊ မပြုခဲ့မိသော
သုစရိုက်တို့ကိုနောင်တ တစ်ဖန် ပူပန်ခြင်း သဘော
အစရှိသည့် သဘောတို့သည်လည်း ဒေါသ များပင်
ဖြစ်ကြသည်။

♦ ၀ိပဿနာ တရားများကိုပွားများအားထုတ်နေကြသော
ယောဂီများတွင်လည်း တရားမှတ်နေစဉ်တွင် ဖြစ်ပေါ်လာသော
ဝေဒနာကို မသည်းခံနိုင်ခြင်း သည်လည်း ဒေါသပင် ဖြစ်သည်။
လူတစ်ဦးတွင် ရောဂါဘယ တစ်ခုခု
ဖိစီးနှိပ်စက်လာသောကြောင့် နာကျင်သည့် ဝေဒနာကို
မခံနိုင်ဘဲ ညီးညူ အော်ဟစ် နေခြင်းသည်လည်း
ဒေါသ စိတ်ပင် ဖြစ်သည်။
ဒေါသစိတ်ဖြင့် သေလျှင် "ငရဲ" သို့ သွားရပေမည်။

ဒေါသ၏ သဘောသည် ဖျက်စီးတတ်သည့် သဘောရှိသည်။ မိမိကိုယ်တိုင်ကိုလည်း ဖျက်ဆီးလိုက်သလို သူတစ်ပါးကိုလည်း ဖျက်ဆီးတတ်ပေသည်။ ပထမဦးစွာ မိမိမှ စ၍ ဒေါသဖြစ်လျှင်
မိမိကိုယ်ကို ဒေါသ အကုသိုလ်ဖြင့် စတင်ဖျက်ဆီးပေတော့သည်။ ထိုနောက်တွင် သူတစ်ပါးကိုလည်း ဖျက်ဆီးလေတော့သည်။

ဒေါသ အလွန်ကြီးလွန်းလျှင် သူတစ်ပါး ပျက်စီးအောင်
ကာယကံဖြင့် ကျူးလွန်ပေသည်။ သူတစ်ပါးကို နာကျင်အောင်
လုပ်တတ်ပြီး သူ့အသက်ကို သတ်ခြင်းအထိပင် ကာယကံမြောက် ကျူးလွန်တော့သည်။ ဒေါသ အတော်အတန် ကြီးလျှင် ၀စီကံဖြင့် ကျူးလွန်တတ်သည်။ နှုတ်မှ ရုန့်ရင်းကြမ်းတမ်းသော စကားများကို ပြောဆိုမိသည်။ ဒေါသ အလွန်နည်းလျှင်ကား စိတ်ထဲတွင်တော့ ဒေါသ ထွတ်တတ်သေးသည်။
သို့သော် အပြင်ကိုတော့ ပြူထွက်ခြင်း မရှိတော့ပေ။

♦ အရာရာတိုင်းကို " အပြုသဘော၊ အကောင်းမြင် " ဖြင့်
မကြည့်တတ်သူများသည် ဒေါသပိုကြီး တတ်ကြသည်။
ကမ္ဘာပေါ်တွင် စစ်ပွဲများ ဖြစ်ပွားနေကြသည်မှာ ဒေါသကြောင့်သာ
ဖြစ်သည်။ ထို ဒေါသကြောင့်ပင် ကမ္ဘာ့သမိုင်း တစ်လျှောက်
စစ်ပွဲများ၌ သေဆုံးခဲ့ကြရသော လူများကို ရေတွက်၍ မရနိုင်ပေ။
ထိုစစ်ပွဲများကို ဘာသာခြားများမှ ယုံကြည်ကြသော ထာဝရ
ဖန်ဆင်းရှင် ဘုရားသခင်က ဖန်ဆင်းလိုက်သည် မဟုတ်။
လူများတွင် ရှိနေသော ဒေါသက ဖန်ဆင်းလိုက်ခြင်းပင် ဖြစ်သည်။
စစ်ပွဲကို ဖန်ဆင်းရှင်သည် ဒေါသပင် ဖြစ်သည်။

♦ဒေါသ အုပ်စုတွင် ပါဝင်သော "ဣဿာ" ၏ အဓိပ္ပာယ်သည်
မနာလိုမှုပင် ဖြစ်သည်။ ဣဿာသည် သူတစ်ပါး ကြီးပွားချမ်းသာ
နေသည်ကို သက်သက် "မနာလို" ဖြစ်နေခြင်းသာ
ဖြစ်သည်။ သူတစ်ပါးက “တိုက်အိမ် ဆောက်နိုင်တယ်၊ ကား
အကောင်းစား ၀ယ်စီးနိုင်တယ်၊ ရာထူး အကြီးကြီး ရှိနေတယ်၊
ကိုယ့်ထက် ပိုပြီး ရုပ်ရည်လှပ ချောမောနေတယ်” ထိုအရာများကို
ကြည့်ပြီး အလိုလို နေရင်းဖြင့်ပင် မနာလို ဖြစ်နေတတ်သည်။ သူများ ကောင်းစားနေသည်ကို မနာလိုဖြစ်ပြီး တစ်ပါးသူကို အတင်းအဖြစ် ပြန်ပြောသော အခါတွင်လည်း ထိုသူ၏ မျက်နှာ
ကိုယ်ဟန် အမူအယာကအစ မဲ့ကာ၊ ရွဲ့ကာ၊ နှုတ်ခမ်းစူကာ၊
စောင်းချိတ် ကြည့်ပြီး ပြောတတ်ကြလေသည်။

♦ မိမိအတွက်လည်း ထိခိုက်သည့် အရာ မဟုတ်ပေသော်လည်း
သူတစ်ပါး ကြီးပွားချမ်းသာ၊ အောင်မြင်သည်ကို သက်သက်မဲ့
မနာလိုစိတ် မွေးနေခြင်း ဖြစ်သည်။ မိမိ ဆီမှ စိုက်ပေးလိုက်ရသည့်
အရာများ မဟုတ်ပေ။ သူတစ်ပါး အောင်မြင်သည်၊ တိုးတက်သည်၊ ကောင်းစားသည် ဆိုသည့် သတင်း ကြားလျှင်ပင်
စိတ်ထဲ၌ မနာလိုစိတ် ဖြစ်နေတတ်သည်။

ထိုစိတ်တို့သည် သာမာန် လူတိုင်း လိုလိုတွင် ကိန်းအောင်းနေ
တတ်သော "ဣဿာ" ပင် ပေသည်။

♦ "ဣဿာ" နှင့် တွဲ၍ ဖြစ်တတ်သော စိတ်သည်" မစ္ဆရိယ"
ဖြစ်သည်။ထို မစ္ဆရိယ စိတ်ကို ၀န်တိုသည်၊ သ၀န်တိုသည်၊
သ၀န်ကြောင်သည် စသည်ဖြင့် အဓိပ္ပာယ် ဖွင့်ဆိုနိုင်သည်။

မစ္ဆရိယ သည် မိမိ ငွေကြေး ချမ်းသာ သကဲ့သို့ တစ်ပါးသူကို မချမ်းသာစေချင်ခြင်း၊ မိမိ လှပ သကဲ့သို့ တစ်ပါးသူကို
မလှပစေချင်ခြင်း၊ မိမိ ရာထူး တိုးသကဲ့သို့ တစ်ပါးသူကို
ရာထူး မတိုးစေချင်ခြင်း၊ မိမိ ပညာ တတ်သကဲ့သို့ တစ်ပါးသူကို မတတ်စေချင်ခြင်း စသည့် သဘောကို ဆောင်ထားပေသည်။

ဆိုလိုသည်မှာ မိမိနှင့် တန်းတူ မဖြစ်စေချင်ခြင်း ပင် ဖြစ်သည်။
ထိုအပြင် မိမိ ပစ္စည်း၊ ဥစ္စာကို နှမြောခြင်းလည်း မစ္ဆရိယစိတ်၏
သဘော လက္ခဏာ ဖြစ်သည်။ မိမိက ချမ်းသာသော်လည်း သူတစ်ပါးကို ပေးရမည်ကို နှမြောတတ်သည်။

မိမိတွင် ရှိသော ရာထူးကိုလည်း မစွန့်လွှတ်နိုင်ဘဲ
ထိုရာထူးလေးမှာပင် တွယ်ကပ် နေချင်သည်။
မစ္ဆရိယသည် သူတစ်ပါးအား ပေးရမည်ကို နှမြော နေခြင်း
ကို ဆိုလိုပေသည်။

♦ "ဣဿာနှင့် မစ္ဆရိယ" တို့၏ သဘောသည်
တူသယောင်ယောင် ရှိနေသော်လည်း အနည်းငယ်
ကွာခြားပေသည်။ 

♦ "ဣဿာ" သည် သူတစ်ပါး ကြီးပွားတိုးတက်၊
ချမ်းသာနေသည်ကို ကြည့်ပြီး အလိုလို နေရင်း ဖြင့်ပင်
မနာလို ဖြစ်နေခြင်း ဖြစ်သည်။

♦ "မစ္ဆရိယ" သည် မိမိတွင် ရှိသော စည်းစိမ်၊ ဥစ္စာ၊
ရာထူးများကို သူတစ်ပါးနှင့် မမျှဝေလိုခြင်း၊ ဆက်ဆံခြင်း
မဖြစ်စေလိုခြင်း ဖြစ်သည်။

ထို့ထက် ပို၍ ရှင်းအောင် လင်းရလျှင် "ဣဿာသည်
သူတစ်ပါးကို မကောင်းစားစေလိုခြင်း ဖြစ်ပြီး မစ္ဆရိယသည်
မိမိကိုယ်သာ ကောင်းစားစေလိုခြင်း" ဖြစ်သည်။
စီးပွားရှာခြင်း၊ ပညာရှာခြင်း၊ အားကစား ယှဉ်ပြိုင်ခြင်း၊
နိုင်ငံရေး ယှဉ်ပြိုင်ခြင်း စသည်တို့တွင် အပြိုင်အဆိုင်
ပြုလုပ်ခြင်းသည် ကောင်းပေသည်။

မိမိသည် သူတစ်ပါးထက် ပို၍ သာလွန် ကောင်းမွန်အောင် ယှဉ်ပြိုင်သင့်သည်။ သို့သော် မိမိထက် သူတစ်ပါးက သာလွန်
ကောင်းမွန် သွားမည်ကို မနာလိုခြင်း ဣဿာစိတ်၊ကိုယ်တစ်ဦး
တည်း သာလျှင် ပို၍ သာလွန်ချင်သော မစ္ဆရိယစိတ် တို့
လုံးဝ မရှိသင့်ပေ။

သို့သော် သောတာပန် ပုဂ္ဂိုလ်များတွင် ကိလေသာ ဆယ်ပါး
အထဲမှ ဒိဋ္ဌိနှင့် ၀ိစိကိစ္ဆာ တို့ကို အကြွင်းမဲ့ ပယ်ပြီးသည့် အပြင်
ဒေါသ အုပ်စု အထဲမှ "ဣဿာနှင့် မစ္ဆရိယ "စိတ်များလည်း
လုံးဝ မရှိတော့ပေ။

"အနာဂါမ် အဆင့်" သို့ ရောက်လျှင် ဒေါသစိတ်သည်လုံးဝမရှိ
တော့ပေ။ ထိုကြောင့် အနာဂါမ်များသည် ဒေါသ လုံးဝ
မထွက်တော့ပေ။

ဒေါသ၏ သဘောကို စေ့စေ့စပ်စပ် လေ့လာကြည့်သောအခါ လူများကို ကောင်းကျိုးပေးသည့် အကွက် တစ်ကွက်မှ မတွေ့ရပေ။ ဒေါသသည် စိတ်ကိုပင် ဆိုးစေရုံမက ရုပ်ကိုလည်းပဲ ဆိုးစေသည်။ လူကိုပင် မဆိုထားနှင့် တိရိစ္ဆာန်များပင်လျှင် ဒေါသထွက်လာလျှင် ရုပ်ဆိုးလာကြသည်။ 

သိပ္ပံပညာရှင်များ တွေ့ရှိမှုတွင် စိတ်ချမ်းသာနေသော လူများ၏ ရုပ်ကလာပ်စည်း ဆဲလ်များသည် ဖြစ်နှုန်းများပြီး ပျက်နှုန်းနည်းသည်။ ဒေါသထွက် စိတ်ဆင်းရဲနေသော လူများ၏ ရုပ်ကလာပ်စည်း ဆဲလ်များသည် ပျက်နှုန်းများပြီး
ဖြစ်နှုန်းနည်းသည်။ ထိုကြောင့် ဒေါသသည် လူကို လျှင်မြန်စွာ ရုပ်ဆိုးစေသည်၊ အိုလာစေသည် ဆိုသည့် အချက်များသည် မှန်ကန်နေပေသည်။

ဒေါသအုပ်စုတွင် နောက်တစ်ခု ကျန်နေသေးသည့် စေတသိက်
သည် ကုက္ကုစ္စ ဖြစ်သည်။ ကုက္ကုစ္စကို သင့်လျှော်အောင်
ဘာသာပြန်ရလျှင်မူ ပြုမိခဲ့သော မကောင်းမှု ဒုစရိုက်၊
မပြုမိခဲ့သော ကောင်းမှု သုစရိုက် တို့ကို နောင်တ တစ်ဖန်ပူပန်ခြင်း သဘောပင် ဖြစ်သည်။

လူများသည် မကောင်းမှုများ ပြုလုပ်ခဲ့လျှင်လည်း ပြန်ပြီး ကုက္ကုစ္စ ဖြစ်တတ်။ ကောင်းမှုများကို မပြုလုပ်ခဲ့မိရင်လည်း
ထိုနည်းတူစွာပင် ကုက္ကုစ္စ ဖြစ်တတ်ပေသည်။
ထို ကုက္ကုစ္စသည် စိတ်ကို ပူလောင်စေတတ်သည်။

အမှန်ဖြစ်ရမည်မှာ ပူလောင်နေခြင်းသည် အကုသိုလ် မီးကို
ရှို့နေခြင်းနှင့် တူပေသည်။ မှားယွင်းစွာ ပြုခဲ့မိသော၊
မှန်ကန်စွာ မပြုခဲ့မိသော အကြောင်းအရာများကို သင်ခန်းစာအဖြစ် အသိဉာဏ်နှင့် ပြန်လည် သုံးသပ်ပြီး ပညာယူနိုင်မှသာ လမ်းမှန်ကို ရောက်ပေမည်။

ဖြစ်ပြီးသည့် ကိစ္စများကို ညည်းတွားနေယုံနှင့် ပြီးမည်မဟုတ်ပေ။ အမှားကိုမြင်အမှန်ကို ပြုပြင်မှသာအရာရာတိုင်းသည်
အောင်မြင်မည် ဖြစ်သည်။ ထိုကြောင့် ကုက္ကုစ္စကို
သတိ ဉာဏ်ပညာဖြင့် ပယ်ရှားရပေမည်။

ဣဿာ၊ မစ္ဆရိယနှင့် ကုက္ကုစ္စ စိတ် သုံးခုသည် ဒေါသအုပ်စုတွင် အဘယ်ကြောင့် ပါဝင်နေသနည်း ဟု ဆိုလာလျှင် ၄င်းတို့သည့် မိမိကိုယ်ကိုလည်း ပျက်စီးစေတတ် သလို သူတစ်ပါးကိုလည်း ပျက်စီးစေသောကြောင့် ဖြစ်သည်။

♦ သူတစ်ပါးကို မနာလိုမှု ဣဿာ၊

♦ မိမိနှင့် တန်းတူ ဖြစ်လာမည်ကို ၀န်တိုမှု မစ္ဆရိယ ၊

♦ စိတ်ပူပင်သောက ကုက္ကုစ္စ စသည့် စိတ်များ အားလုံးတို့သည်
မိမိအပြင် သူတစ်ပါးကိုလည်း ပျက်စီးစေသောကြောင့်
ဒေါသအုပ်စုတွင် ပါဝင်နေခြင်း ဖြစ်သည်။
ဒေါသ၏ သဘောသည် နက်နဲလွန်းပေသည်။
ဒေါသသည် အကုသိုလ်များ အထဲတွင် မိမိရော သူတစ်ပါးပါ
ဒုက္ခ အပေးဆုံး ဖြစ်သည်။

လူများသည် ဒေါသ အကြောင်းကို နှိုက်နှိုက်ချွတ်ချွတ် သိထား
မှသာ အကုသိုလ် နည်းအောင် လုပ်ဆောင် နိုင်ပေလိမ့်မည်။
အဘယ်ကြောင့် ဆိုတော့ နေ့စဉ်နှင့် အမျှ ဒေါသနှင့် နပန်း
လုံးနေကြရသည်။

ထိုကြောင့် ဒေါသ ဆိုသော ဆင်ရိုင်းကြီးကို "သတိ" ဆိုသောချွန်းဖြင့်
အမြဲတမ်း ကြပ်မတ် ထိန်းချုပ်၍ ဒေါသစိတ် နည်းနိုင်သမျှ နည်းအောင်၊ ဒေါသ စိတ် မဖြစ်လာအောင် ကြိုးစား ကျင့်ဆောင်ဖို့ လိုပေသည်။ ဒေါသထွက်သည်နှင့် ထွက်ထွက်ချင်း သတိနှင့်
သိအောင် လုပ်ရမည်။ ထိုအခါ ထွက်နေသော ဒေါသသည် သတိစွမ်းအားကြောင့် ရပ်တန့်သွားပေလိမ့်မည်။

သတိစိတ်ကြောင့် ဒေါသစိတ် အစဉ်တန်းသည် ပြတ်တောက်
သွားပြီး အကုသိုလ် နည်းသွားပေလိမ့်မည်။
ဤကဲ့သို့ သတိဖြင့် ဒေါသကို သတ်ရင်း သတ်ရင်းဖြင့်
အကုသိုလ်ကင်းလာပြီး ကုသိုလ်တရားများ တိုးပွားလာကာ
ဒုက္ခကင်းငြိမ်းရာ နိဗ္ဗာန်သို့ အရောက်လှမ်းနိုင် ပေတော့မည်။

- [အရှင်ဉာဏဒီပ (ဓမ္မရတနာ)]
ဒေလီတက္ကသိုလ်၊ အိန္ဒိယ
Dhamma Danã Source ►
www.facebook.com/youngbuddhistassociation.mm
မှကူးယူ‌ဖော်‌ပြပါသည်‌ ။